Varias Campionas Olímpicas e Mundiais estiveron este domingo á mañá en As Pontes
Este domingo á mañá As Pontes foi inicio da última etapa da Vuelta Ciclista a España Femenina, con final na capital galega, en Santiago de Compostela, igual que a dos homes que tamén rematou onte. Poucas veces se pode ver na nosa localidade un acto de tantísimo nivel, e xa non so pola envergadura do evento en si, senon pola calidade das participantes.
En As Pontes estiveron, entre outras, Anna Van der Breggen, actual Campiona do Mundo Imola 2020, tanto en Ruta como en Contrarreloxo, co seu maillot arco iris, tamén fora Ouro Olímpico en Río 2016, ou Annemiek Van Vleuten, a gañadora final desta Volta, Campiona Olímpica de Contrarreloxo en terras niponas hai apenas un mes, e tamén prata en Ruta en Tokio 2020 (sorprendeu a escapada da austriaca Kiesenhofer coa que ninguén contaba).
Tamén estiveron medallisas olímpicas e mundiais como Elisa Longo, Ellen Van Dijk, Amalie Dideriksen, Tatiana Guderzo, Lotte Kopecky, Lissa Brenauer, Katarzyna Niewiadoma, Elisa Balsamo, Marlen Reusser, ou as mellores españolas, como Mavi García, Ane Santesteban ou Sheyla Gutiérrez.
Despois de estacionar os buses, caravanas e demáis coches dos equipos na zona da Canle Catro entre as 8.30 e as 9:00, as ciclistas partiron cara a zona de saída, diante do Concello, onde foron presentados todos os equipos, saíndo as 143 participantes cara a Santiago un pouco antes das 10:00.
I CAMPUS MULTIDEPORTE MIXTO O ESTEO FS & CD AS PONTES
Celebrouse do 5 ao 16 de Xullo
Durante dez días, agás sábado e domingo, celebrouse en As Pontes o Campus Multideporte no que preto de 50 cativos e cativas disfrutaron de diversas actividades deportivas, e extradeportivas, aparte do propio fútbol. Recibiron a visita, entre outros, de Malena Mieres, Campiona de Europa Sub19 en Suiza 2018, e que esta tempada conseguiu manterse en Primeira División coa SD Eibar, xogando vinte un partidos aos seus 21 anos. Tamén estiveron, do Racing de Ferrol, Heber Pena, e o ex internacional español sub17 pontés Quique Fornos.
Este venres, como remate do evento, os participantes recibiron os seus diplomas a cargo de Juan Rodríguez de O Esteo, Suso Fernández e Iván Rodríguez do CD As Pontes, e dos Concelleiros Chicho Tembrás e Antonio Alonso, entre outras persoas. Destacar por parte da Federación Galega ao gran Pablo Prieto, que fora adestrador do mítico Autos Puentes, O Parrulo e Azkar Lugo en División de Honra, e tamén estivo no Mundial de Tailandia 2012 como Seleccionador de Libia.
O futbolista pontés Alejandro Montero Peteira ven de quedar na tarde deste domingo en Santa Comba Campion Galego Cadete co Deportivo de A Coruña, que se impuxo na gran final ao Celta de Vigo, na quenda de penaltis, tralo 0-0 final.
Anteriormente o conxunto herculino derrotara na primeira fase a Atlético Coruña Montañeros CF (0-6 e 2-0), Victoria CF (2-0 e 1-2), CD Calasanz (0-8 e 4-2) e Ural Español CF (3-1 e 0-4). Na segunda fase o Deportivo gañou 5-0 ao Arousa SC, empatando 2-2 co San Tirso SD e 1-1 co propio Celta.
Xa na definitiva rolda de semifinais, venceron o venres ao CD Lugo 2-1 (no que xoga o tamén pontés Sergio Cabarcos Montero), mentres o Celta se desfacía do Pavillón Ourense na quenda de penaltis tralo 1-1 final. Alex, que tamén adestra co Xuvenil que hoxe se proclamou Campión de España, aínda sendo Cadete, anotou catro goles no torneo, un hat trick ao Arousa e outro gol ao Calasanz.
Partido moi intenso e con moitos afeccionados visitantes
A UD Ourense non puido conseguir o seu obxectivo de manter a categoría, tras empatar esta tarde en O Poboado 1-1. Os ourensáns necesitaban gañar si ou si nas Pontes, e unha derrota do Barco en Arzúa, pero os de Valdeorras acabaron empatando in extremis no campo de O Viso.
Pero aínda así non conseguiron facer os seus deberes os de Fernando Currás, aos que xa se lle complicaron as cousas desde o inicio, pois tras un pase en profundidade, Óscar Martínez intérnase só por banda esquerda, pica o balón ante a saída de Atanes e acaba marcando cunha bonita vaselina (5´).
Os visitantes foron rápido a polo empate, mesmo destacar un centro chut desde banda dereita de Raúl que acabou no poste (10´), pero a pesar dos intentos visitantes os azuis conseguiron chegar ao descanso con vantaxe no marcador.
Trala continuación seguírono tentando os vermellos, que hoxe eran maioría en O Poboado. Destacar dous remates seguidos de Alfredo, e a dobre intervención de Brais (57´). Máis clara a tivo Raúl, nunha ocasión na que quedou só ante a saída de Brais, pero fíxose un lío co balón, e o seu remate postreiro acábao sacando Moyá de cabeza baixo paus (70´).
A pesar de todas as aproximacións o único gol visitante chegou tras un inocente penalti que transforma Champi enganando a Brais (65´). Incluso os ourensáns fóronse desinflando no tramo final e puido anotar o tanto da vitoria local Pardo.
Tras unha cabalgada na que se marcha só, encara picando o balón ante a saída de Atanes que toca o xusto para que o esférico marche a córner rozando o pau (90´). O propio xogador de Ortigueira rematou de tacón na área pequena atallando sen problemas o gardameta visitante (92´). Asubío final con tristeza para ambos equipos, que se despiden da categoría.
1 CD AS PONTES. Brais, Berto, Pajaro, Dani, Mitogo (Artai 44´), Óscar (Pardo 75´), Vilela (David 55´), Del Río (Quique 75´), Moya, Adrián, Iñaki
1 UD OURENSE. Atanes, Varo, Alfredo, Corzo (Durán 82´), Vieytes, Sanin, Hugo (Cabanyes 63´), Raul (Isi 82´), Viti, Tiago, Vila (Champi 27´).
Goles: 1-0, Óscar (5´). 1-1, Champi (65´).
Árbitro: Adrián García Rodríguez (A Coruña). Auxiliado por López Fernández e Vázquez Veiras. Amarelas a Moya, Mitogo, Vieytes, Sanin, Alfredo, Viti, Cabanyes, Tiago. Xa sustituido viu a segunda amarela no descanso Mitogo (45´)
Incidencias. Campo de O Poboado. Uns 250 espectadores, a maioría de Ourense, en tarde moi chuviosa.
Nova cortesía de Xose Ferreiro
—
TORNEO CLAUSURA XUVENIL. CD AS PONTES-ESCOLA ESTRADA FB (4-5)
O As Pontes Xuvenil pechou a temporada cunha sorprendente derrota 4-5 ante o equipo da Estrada, sobre todo despois de haber chegado ao descanso cunha goleada de 4-0, cos tantos de Pablo Novo (2), Xoel Puriños e Jandro López.
O equipo acaba pontés este torneo con dúas derrotas na casa, 1-4 ante o campión Calasanz B e a de onte, e un empate en Boiro 1-1.
A SD EIBAR DE MALENA SEGUIRÁ UN ANO MÁIS NA LIGA IBERDROLA
Trala vitoria esta mañá por 1-2 en Las Gaunas
A SD Eibar, equipo no que xoga a pontesa Malena Mieres, certificou esta mañá a súa permanencia na Primeira División feminina tras gañar 1-2 ao EDF Logroño, xogando cunha futbolista menos dende o minuto 10´ e remontando un 1-0.
As de Íker Dorronsoro precisaban saír da queima cun triunfo canto antes. Non puideron facelo na anterior xornada contra o Valencia, 0-1, pero sentenciarono hoxe en Las Gaunas antes de ter que recibir ao Huelva. I é que na derradeira xornada visitaban ao intratable FC Barcelona polo que había que facer os deberes canto antes.
Tanto o Eibar, como o Rayo Vallecano, que ganou 5-0 a Santa Teresa, certificaron a súa estadía un ano máis la Liga Iberdrola con 33 puntos, a falta de dúas xornadas. Descendidos xa están EDF Logroño 23, Espanyol e Santa Teresa con 24. A cuarta e derradeira praza xogarana o Real Betis, con 31, e o Deportivo, con 26, que ademáis se enfrontan na seguinte xornada.
Moi bo rendemento de Malena, que xogou 20 partidos, e magnífica campaña do cadro eibarrés na máxima categoría do fútbol español, nas que cabe salientar o empate en Levante, 2-2, equipo que xogará Champions, os triunfos nos derbis ante Real Sociedad e Athletic, ambos 0-1, ou tamén un 0-1 ante Sevilla e Espanyol. Tamén, moi honrosas derrotas ante os tres grandes, 0-3 co Barcelona, 0-1 e 2-1 co Atlético, e 1-3 e 2-0 co Real Madrid.
Nova cortesía XF. Foto cortesía SD Eibar.
—
TERCEIRA DIVISIÓN. CD AS PONTES 1 – CD PONTELLAS 1.
Reparto de puntos no duelo polos postos baixos
Reparto de puntos no duelo por evitar os últimos postos no encontro disputado na tarde soleada deste domingo no Campo de O Poboado.
A pesar dunha dobre ocasión de David García, e logo Quique, ante Toni (20´), foron os visitantes os que se adiantaron no marcador cun disparo de Javi que Brais non acerta a despexar a córner (23´). E pouco despois tivo unha dobre ocasión Somoza, a segunda co porteiro no chan, a medio palmo, que sorprendentemente a acaba enviando fora (30´).
Cunha triple aproximación local de David, Mitogo e Pajaro acabou a primeira metade. Xa na segunda non acertou Mitogo, cando quedou só ante Toni e a botepronto tiroulle o balón ás mans (60´). Anotou o empate o equipo local, tras un roubo de balón, e centro de banda de Adrián, que Pajaro lanzou un forte disparo desde o borde da área que se acaba colando (66´). Na xogada posterior incluso Pardo dispara preto da escadra nunha contra (67´).
O partido rematou en táboas, e non foi por ocasións nos últimos minutos. Un trallazo de Jandro que marcha lamendo o traveseiro (90´), e logo un centro chut desde banda esquerda dos de Porriño que acaba pegando no longueiro (91´). Máis clara foi a dos locais, cando tras un centro de Artai, remata en boca de gol Pardo, estrelando o balón no pau e o traveseiro, marcando tralo rexeite Del Río, pero xa en fóra de xogo (92´).
O As Pontes queda con 23, o Pontellas pecha con 19, quedando por visitar ao Atios e recibir á UD Ourense. Resaltar que o gol de penalti de David García ante o Ribadumia supuxo o gol 3450 oficial dos azuis.
CD As Pontes. Brais, Berto, Pajaro (Artai 73´), Mitogo (Del Río 73´), Quique (Pardo 46´), David, Fraga, Vilela (Óscar 46´), Moya, Adrián, Iñaki.
LIGA GALEGA XUVENIL. CD AS PONTES-RACING VILALBÉS B-6-2
O As Pontes Xuvenil pechou este sábado a súa temporada de dez partidos cun gran triunfo ante o Vilalbés B, que contaba con moitos ponteses, por 6-2.
O As Pontes Xuvenil finaliza a Liga cuarto con 12 puntos, de tres vitorias, a do sábado, e 3-2 e 1-2 ao Residencia A, máis tres empates co Caranza 1-1, Vilalbés B 0-0, e Polvorín A 3-3.
Perderon catro encontros, ante Polvorín A 3-1, Viveiro 0-1 e 1-0, e o campión Caranza 2-1.
Moi contundente se amosou Alemaña na final desta mañá en Lausana que gañou por 0-6 ao combinado español de Acha, Alvariño e Castro, que se foi vindo abaixo conforme pasaban os sets.
Os teutóns entraron moi enchufados a esta final e no primeiro set xa se impuxeron por 55-54, e cun solvente 57-55 gañaban o segundo. Xa algo nerviosos os españois, tamén levaron o terceiro por 58-51.
Non obstante, segundo metal por equipos do equipo español, que vai collendo forma de cara á cita clave de Xuño en Francia onde se porán en xogo as tres prazas restantes por equipos.
Nova cortesía XF. Foto cortesía RFETA
—
TERCEIRA DIVISIÓN. CD AS PONTES 1 – OURENSE CF 1
O As Pontes rescata un punto nos últimos minutos
O As Pontes conseguiu empatar no tramo final e rescatou un punto no seu encontro ante o líder Ourense CF disputado na tarde de hoxe en O Poboado.
Pronto se adiantaban os visitantes, tras un centro desde banda esquerda de Wadir, que remataba a botepronto no primeiro pau Jerin colando o balón pola escadra (10´), sendo os ourensáns os que levaron o dominio do esférico durante estes primeiros 45 minutos.
Trala continuación o As Pontes buscou a portería contraria e Mitogo tivo tres aproximacións, unha cabezada por encima do traveseiro (52´), un remate dentro da área despexado a córner por Sergio (63´), e non chega por pouco ao segundo pau a un servizo de David (72´).
Pero foi nunha falta lateral cometida sobre Iñaki, que David García realizou un lanzamento maxistral que acabou sorprendendo a Sergio, colandolle por riba moi preto do traveseiro (82´).
Os azuis aguantaron a igualada nos últimos minutos e iso que Wadir puido dar a vitoria aos ourensáns cun remate de cabeza dentro da área que salva Brais cunha gran estirada (92´).
Os ourensáns seguen líderes con 45 puntos, seis sobre o descenso e os ponteses manteñen a décima praza con 22 a pesar do triunfo do Paiosaco.
CD As Pontes: Brais, Dani, Mitogo (Quique 77´), Óscar, David, Fraga, Artai (Pardo 62´), Pita, Moya, Adrián (Pajaro 68´), Iñaki
SEGUNDA DIVISIÓN B. O ESTEO FS-CD UNIÓN ARROYO (2-3)
Derrota do Esteo no derradeiro encontro da temporada na casa
O Esteo despediu a tempada no que aos partidos da casa se refire cunha derrota 2-3 ante o Unión Arroyo de Valladolid.
A primeira parte remataba con empate a 0-0 aínda que os visitantes reclamaron dous goles, un moi xustiño co balón sobre a liña e outro que entrou tras falta previa a Javichu.
Pero nada máis comezar a segunda metade anotaba Leal, o Esteo recurtaba distancias nunha xogada entre Rubi e Jhony, pero pouco despois voltaba a anotar Leal pola escadra.
Puido cambiar o encontro cando o colexiado expulsou ao gardamallas visitante por tocar o balón coas mans fora da área, xogando cun máis os locais durante dous minutos, pero colmo de males, nunha contra Ofa recuperou o balón, regateou a Javichu, e marcou a porta baleira.
Nos últimos minutos tentouno o Esteo co porteiro-xogador e tras unha maxistral xogada de Jhony, Bruno recurtaba distancias, pero no tramo final Héctor viuse obrigado a cortar unha contra, sendo expulsado a falta de 30 segundos esgotandose as posibilidades, e iso que Rubi casi puido empatar no derradeiro segundo.
Os locais rematan na casa unha boa tempada. Á espera da visita o campeón Guardo son sextos con 36 puntos.
Retirouse hoxe Javichu, porteirazo que foi do Esteo entre as tempadas 2009-11 e 2014-21.
O ESTEO FS. Javichu, Troncho, Héctor, Alberto, Bruno – Rubi, Jacobo, Cokito, Jhony, Aitor.
O As Pontes consigue empatar no último tramo ante o equipo do Porriño
O As Pontes rescatou un punto no seu duelo ante o Atios de Porriño poñendo fin a unha serie de catro derrotas consecutivas nesta liguiña de permanencia.
Tras un primeiro tempo sen grandes ocasións, puxéronse por diante os visitantes trala reanudación, nunha xogada con posible falta ao central Pablo Fraga en que os vermellos se acaban facendo co balón e Mintegui regatea a Bugy e marca a porta baleira (47´).
Facían o 0-1 os de Yago Yao, ex xogador que foi central de Celta, Sporting, Oviedo, Levante, Cádiz ou Huelva, e incluso o mesmo xogador Mintegui tivo o segundo nun remate dentro da área na xogada posterior que saíu lamendo o poste (48´). Subían liñas os locais e remataba Borja Pita desde fóra da área un tiro cruzado que marcha preto do pau (58´).
Os azuis lograron o empate no último tramo do encontro tras un centro chut de Del Río desde banda dereita, que no intento de despexe o defensa desvía o balón cara á súa portería rubricando Dani sobre a mesma liña aínda que o esférico xa se colaba (71´). Xurariamos o seu 64º gol en Liga co primeiro equipo.
Na xogada posterior se interna Artai por banda, cédella a Mitogo, este a Dani, pero salva o porteiro (72´). No último tramo entrou Óscar, e botando de menos ao Tanque de Ortigueira, con infructuosos intentos para ambos equipos remataba o encontro. Suman os locais, antepenúltimos, 20 puntos antes de recibir á UD Ourense.
CD As Pontes. Bugy, Pajaro, Mitogo, Fraga, Vilela (Pita 46´), Artai, Del Río (Óscar 75´), Moya, Adrián, Iñaki, Jandro (Dani 46´)
UD Atios. Diego, Cristian, Esteban, Manu, Sergio De Paz (Pacheco 87´), Toti, Xoel (Jony 66´), Odilo, Mintegui, Javi, Mouriño.
Árbitro: Martínez Barral (Santiago). Auxiliado por Fontes Mosquera e Fernández Ave. Amarelas a Adrián, Óscar e Mintegui.
Goles: 0-1, Mintegui (47´), 1-1, Dani (71´).
Incidencias. Campo de O Poboado. Máis de cen espectadores en tarde fría e soleada.
Nova cortesía de Xose Ferreiro
—
SEGUNDA DIVISIÓN B. O ESTEO FS-CD SEGOSALA (4-4)
Vibrante partido dun Esteo que estivo por detrás todo o partido e que ao final estivo a un paso de gañar
Partidazo de fútbol sala o vivido na mañá deste domingo no Pavillón de A Fraga entre o Esteo e o Segosala, herdeiro do mítico Caja Segovia, Campión de Europa e do Mundo no ano 2000, entre outras moistas cousas.
Pronto se adiantaban os visitantes nun balón que Edu enviou ao longueiro e acabou marcando despois do rexeite do balón (2´), e cunha xogada de estratexia, na que o Julito sirve a Samu que marca chegando so ao segundo pau (13´) chegabase co 0-2 ao descanso.
Os locais tiveron postes de Jhony e Jacobo, unha cabezada de Jhony que saca un defensa baixo paus, e grandes intervencións de Cardaba, tamén de Javichu, ata que un tiro cruzado de Rubi poñía o 1-2 mediado o período (30´), pero un disparo axustado de Alex que entra tras dar no pau e nas costas de Javichu ponía o 1-3 (33´).
Nos últimos minutos chegou o mellor do fútbol sala, e con porteiro xogador puxose 4-3 o Esteo con tantos dentro da área, de Jhony (34´), Rubi (36´) e Beto (37´). Pero tamén con 5 para 4 empataron os visitantes a falta de 27 segundos por medio de Alex.
O Esteo é quinto con 36 puntos antes de visitar ao Universidad de Valladolid.
GOLES. 0-1, Edu (2´), 0-2, Samu (13´). 1-2, Rubi (30´), 1-3, Alex (33´), 2-3, Jhony (34´), 3-3, Rubi (36´), 4-3, Beto (37´), 4-4, Alex (40).
Incidencias. Amarelas a Beto, Jacobo, César, Julito e delegado visitante. Uns 60 espectadores. Minuto de silencio pola falecemento do ex médico da Selección Española.
Nova cortesía de Xose Ferreiro
—
LIGA GALEGA XUVENIL. CD AS PONTES 3 – EF POLVORÍN 3
Sétima xornada este sábado no Anexo Jose
O Xuvenil pontés de Liga Galega empatou este sábado 3-3 co Polvorín. Situaronse 3-1 antes do descanso, tantos de Edgar, Pablo e Xoel, pero os lucenses empataron no desconto xogando cun menos. Son cuartos con nove puntos, a falta de tres partidos.
Lidera Caranza con 16, seguido de Polvorín con 13, e Viveiro con 12. Por abaixo, Residencia suma 6 e Vilalbés B 4.
Miguel e Dani firman un día histórico no deporte pontés.
Magnífico rendemento dos ponteses Miguel Alvariño e Dani Castro, que lograron xunto ao burgalés Pablo Acha o ouro na Copa do Mundo de Tiro con Arco Recurvo por equipos en Guatemala.
Tras vencer á selección locataria por 6-0, logo á India 5-4 en cuartos, a Francia 6-2 en semifinais, o equipo español prantabase na final de hoxe na que venceron hai uns minutos ao potente equipo de Estados Unidos, liderado polo mítico Brady Ellison, acompañado de Matthew Requa e Josef Scarboro.
Os españois gañaron os dous primeiros sets por 55-54, no terceiro recurtaron distancias os estadounidenses cun 51-55, pero un 57-56 no cuarto selou o 6-2 definitivo.
Primeiro e magnífico ouro para Dani, sendo o cuarto para Alvariño que xa ten o ouro dos Xogos Europeos de Baku 2015, a gran final da Copa do Mundo México 2015, e a Copa do Mundo de Recurvo Mixto de Turquía 2019.
Xa con menos responsabilidade, loitará polo ouro individual Dani nunhas horas, xunto a Das, Alvarado e Wijler.
Nova cortesía Xose Ferreiro. Foto cortesía RFETA.
—
DANI CASTRO PLATA INDIVIDUAL EN GUATEMALA
Remata unha xenial Copa do Mundo con dúas medallas
Dani Castro sumou esta noite a prata individual na Copa do Mundo de Guatemala tras caer na gran final ante o indio Atanu Das por 4-6. O indio gañou o primeiro set 28-29, Dani os dous seguintes, 28-26 e 29-27 ata poñerse con 4-2, pero os dous definitivos os sacou o arqueiro asiático con 24-28 e un espectacular 29-30 final.
Unha magoa porque o bo arqueiro indio, segundo da previa, acumulaba once medallas internacionais, cinco pratas, seis bronces, pero ningún ouro. Bronce o mexicano Alvarado e cuarto o holandés.
Precisamente en semifinais vencera Dani ao neerlandés Steve Wijler, nin máis nin menos que Campión Europeo ao aire libre, e do Mundo Indoor, en 2018, nun emocionante duelo, con empate nos dous primeiros sets, triunfo de holandés e pontés por un punto no terceiro e cuarto, e outro empate no quinto, co 5-5, e un 9-8 de Dani na frecha de desempate que daba o pase á final.
Se resarce Dani do seu infortunio internacional, pois en 2014 fora cuarto individual no Europeo Cadete de Eslovenia, e tamén con Alvariño foran cuartos por equipos nos Xogos do Mediterráneo Tarragona 2018.
Hai unha longa lista de ponteses medallistas internacionais ponteses, moi meritorios, pero centrándonos nos Campións, do Mundo, sete, Iván Pena, de Waveski Surf por equipos en Portugal 2016 e de Paddleboard en China 2019, Jose Cope, de Karate USKA en EEUU 1990, Artemio Formoso de Tiro Handisport en Benamejí 2010, Jose Antonio Meizoso de Futbolín en Punta Umbría 2016. Roberto Rivera fixoo como Seleccionador Español sub21 de Kayak Polo en Xapón 2004.
Sumase Dani co éxito de Guatemala 2021, e Alvariño, que ademais do triunfo no país centroamericano, xa gañara a final da Copa do Mundo en México 2015, e o ouro no Recurvo Mixtos en Turquía 2019.
Campións, de Europa, sete, Borja Prieto, de piragüismo, Sub23 Polonia 2004, K2-500 con Saúl Craviotto, David Rochela Fútbol Sub17 Bélxica 2007, Malena Mieres Fútbol Sub19 Suiza 2018, Antonio Polo de Piraguismo Maratón de Veteranos en Portugal 2013 e 2017, Gabi Tembrás Junior de Taekwondo Poomsae Freestyle en La Nucia 2013, e Mario Calzas Campión de Europa Cadete de Patinaxe en Eslovenia 2001 e da Copa de Europa Alevín de Alcoy 1999.
Alvariño é o único que dobla título continental e universal, pois tamén gañara o ouro individual nos Xogos Europeos de Bakú 2015, ademáis de ser o único olímpico pontés.
Nova cortesía de Xose Ferreiro
—
ÉXITO PONTÉS NA COPA DO MUNDO DE GUATEMALA
España finalista por equipos, e Dani semifinalista individual
Esta semana estase a disputar no país centroamericano a primeira proba da Copa do Mundo de Tiro con Arco 2021 e cara aló desprazaronse os dous arqueiros ponteses do Clube Silex.
Na rolda previa de 72 tiradas, Miguel Alvariño foi o mellor dos españois, noveno con 670 puntos, por 694 do mítico Brady Ellison, que liderou a proba. Por detrás, Dani Castro foi 13º con 666, Pablo Acha 28º con 658, e 46º Ken Sánchez con 619.
Nas roldas eliminatorias xenial Daniel Castro, que gañou en dezaseisavos de final ao indio Bommadevara por 6-5, 9-9 na frecha de desempate, máis cercano ao dez, 6-2 ao colombiano Jorge Enríquez en oitavos, e 6-4 a Nicholas D´Amour, das Illas Virxes, en cuartos.
Pola súa banda, Alvariño gañou nos dezaseisavos ao canadiense Brian Maxwell 6-4, en oitavos 6-5, 9-8, ao holandés Sjef Van den Berg, o mesmo rival que tivo na final europea de Bakú 2015, caendo 4-6 en cuartos ante o holandés Steve Wijler, Campión de Europa, e do Mundo Indoor.
Na primeira rolda Pablo Acha perdeu 5-6, 9-10, ante o holandés Rick Van der Ven, e Ken Sánchez ante o belga Senna Roos 1-7. Nas semis, o indio Das contra o mexicano Alvarado, e Wijler contra Dani.
Nas probas por equipos, Miguel, Dani e Pablo fixeron a sexta marca da previa, con 1994 puntos, o ano de nacemento de Maikel, e venceron na rolda previa ao combinado local de Guatemala por 6-0.
Logo triunfaron en cuartos, por 5-4, con 27-26 nas frechas de desempate, ante o poderoso equipo da India, terceiro da previa, e gañaron 6-2 en semis nin máis nin menos que a Francia, segundo da previa e gañador dos Xogos do Mediterráneo.
Bronce para Alemaña e cuarto posto para Francia. Competirán na final España contra Estados Unidos, primeiro da previa con 2036 puntos.
No Recurvo Mixto, Alvariño e Elia Canales partían coa sétima marca da previa e nada puideron facer ante a parella india, segunda, e caeron por 0-6.
SEGUNDA DIVISIÓN B. O ESTEO FS-DEPORCYL GUARDO (0-7)
O equipo palentino gaña a Liga a falta de catro xornadas
Duro varapau o que sofriu o Esteo no partido disputado na tarde deste sábado ante o Guardo de Palencia. Curiosamente ante este equipo debutou na Segunda B na que cumpre a oitava tempada o cadro pontés con unha vitoria 4-1 un 28-9-2013.
Nada que ver co que aconteceu hoxe que os zamoranos si gañaban conseguían o título e foron absolutos domiñadores do encontro, marchando xa 0-2 ao descanso.
Trala reanudación, situándose con 0-4, co encontro xa sentenciado, co porteiro xogador o resultado foise ata o 0-7 final dun Esteo que mereceu algún tanto pero Gómez estivo inconmensurable.
Ata o de agora a traxectoria do Esteo na Fraga era inmaculada cun total de oito vitorias por tan so un empate no inicial ante o Parrulo B que acabara empatando 3-3 nos últimos segundos trala inxusta expulsión de Javichu.
O Guardo mantén un impoñente rexistro de 54 puntos, que xa non podería ser alcanzado por ningún dos seus perseguidores nas catro xornadas que restan. O Esteo é quinto con 35 puntos e comeza a segunda volta recibindo ao Segosala.
Incidencias. Amarelas a Alberto, Héctor, Jacobo, Sergio, e Marcos, todas para o bando local. Uns 70 espectadores.
Nova cortesía de Xose Ferreiro
—
TERCEIRA DIVISIÓN. CD AS PONTES 2 – CD BARCO 3
Nova derrota dun As Pontes que tivo ocasións para empatar nos últimos minutos
Nova derrota do As Pontes 2-3 ante o Barco no encontro disputado este domingo en O Poboado.
Pronto se adiantaban os ourensáns, que xa avisaran antes, tras un remate desde o bordo da área pegado ao pau de Óscar Martín (7´), e a pesar dun golazo de David García desde uns vinte metros pola escadra (20´), outro a continuación de Vera, nun balón que o porteiro non acerta e remata completamente só na área pequena (23´), e un terceiro antes do descanso de David Álvarez de falta lateral que rebota nun defensa e acaba entrando pola escadra case sentenciaban o encontro (44´).
No segundo período, salvo aproximacións puntuais, os visitantes controlaban o partido e mesmo acumulaban dous lanzamentos aos paus ao longo do encontro. Polos locais apenas resaltar outro tiro lamendo a escadra de David e un remate por alto de Vilela tras bo pase de Breijo. Pero foi tras un agarrón na área tras córner que os locais se meteron no partido. Oviedo acertou o lanzamento de Mitogo, pero este recolleu o rexeite para facer o segundo (80´).
Curiosamente, a pesar de que o encontro parecía finiquitado, os locais dispuxeron de ata catro ocasións para empatar, sobre todo unha de Mitogo que se planta ante Oviedo, pica o balón, e o porteiro toca o xusto para que o esférico marche lamendo o pau (83´), e outra moi clara de Iñaki no desconto que saca un defensa baixo paus.
As Pontes. Brais, Berto, Mitogo, David, Fraga (Alex López 89´), Artai, Pita (Breijo 73´), Del Río (Dani 62´), Moyá, Adrián (Vilela 73´), Iñaki.
Barco. Oviedo, Marc, Rubio, Navarro, Ivi (De Pedro 46´), Óscar, David (Villar 80´), Vera (Tato 72´), Segura, Rodrigo (Diego 84´), Andrés.
Goles: 0-1, Óscar (7´), 1-1, David García (20´), 1-2, Vera (23´), 1-3, David Álvarez (44´). 2-3, Mitogo (80´).
Árbitro: Castro Alarcón. Auxiliado por Ordóñez Rodríguez e Galán Laguela. Amarelas a David García, Adrián, Óscar, David Álvarez, Segura, Marc. Expulsado o adestrador Iván González (45´) e o adestrador suplente Jose Núñez (90´), tamén o xogador suplente Carlos Cruz (90´).
Incidencias: Campo de O Poboado. Uns 100 espectadores en tarde soleada.
TERCEIRA DIVISIÓN. CD AS PONTES 1 – CD RIBADUMIA 2
O As Pontes non puido conseguir a vitoria pese a xogar media hora cun máis, e ademais perdeu un punto nos últimos minutos por un inocente penalti
Derrota do As Pontes na súa estrea nesta fase pola permanencia nos últimos minutos por 1-2 ante o Ribadumia.
Empezaban con máis brío os visitantes, e nada máis comezar, Cerqueiras chegando ao segundo pau tivo unha dobre ocasión, repelida entre Brais e o poste (3´). Replicaron os locais tras un centro de Óscar, tralo que Artai non acerta a meter a cabeza con todo a favor (9´).
Tras unha perda de balón no medio campo, que colleu ao equipo descolocado, aproveitouna o ex xogador local Hugo Soto para regatear ao porteiro e marcar a porta baleira (20´). O dianteiro de Vilagarcía, que non o celebrou, fóra xogador azul en 2010-2012. Pero respondían os locais tras unha xogada con centro de banda dereita de Iñaki e remate de cabeza chegando só ao segundo pau de Artai (29´).
No inicio do segundo período volveu a ter unha moi clara Artai, pero na súa cabezada en posición franca marchou o balón lamendo o poste (55´). Os azuis non souberon aproveitar a case media hora de xogo cun xogador máis, por expulsión de Óscar Iglesias, que viu a segunda amarela por un agarrón a Iñaki cando se marchaba a portería (63´).
Colmo de males, a falta de cinco minutos, Berto cometía penalti por agarrar a un atacante rival cando o balón xa estaba fóra do alcance. Soto rubricou co seu dobrete os tres puntos para os pontevedreses mentres os locais seguen con 19 no seu casilleiro (86´).
O cadro local tamén reclamou un penalti sobre David García co tempo cumprido, e o colexiado viuse superado polos últimos minutos expulsando ao adestrador e un xogador locais co partido xa finiquitado.
CD As Pontes. Brais, Berto, Mitogo (Pardo 81´), Óscar (Quique 63´), David, Fraga, Artai, Pita, Moya, Adrián, Iñaki.
CD Ribadumia. Pazos, Diego, Alex (Matos 88´), Hugo Soto (Charles 88´), Cerqueiras (Chery 75´), Óscar M (Eloy 66´), Carlos (Brais 66´), Domingo, Monchito, Santi, Óscar.
Goles: 0-1, Hugo Soto (20´), 1-1, Artai (29´). 1-2, Hugo Soto, de penalti (86´).
Árbitro: Quintairos Rial (Vigo). Auxiliado por Vilar Álvarez e Arreondas Fernández. Amarelas a Berto, Mitogo, Fraga, Artai, Moya, Brais, Óscar M. Expulsou por dobre amoestación ao visitante Óscar (63´), ao técnico local Chollas (92´), e co partido finiquitado ao local Óscar Martínez con vermello directo.
Incidencias: Campo de O Poboado. Uns 100 espectadores en tarde moi soleada.
Nova cortesía de Xose Ferreiro
—
SEGUNDA DIVISIÓN B. O ESTEO FS-UNIVERSIDAD VALLADOLID (6-3)
Gran triunfo do Esteo ante os vallisoletanos a pesar de utilizar so dous cambios
O Esteo pontés de fútbol sala logrou hoxe un magnífico triunfo co que abría a segunda fase no que a partidos disputados na Fraga se refire. A pesar de xogar apenas con sete xogadores os corenta minutos xa marchaba cunha magnífica ventaxa de 4-1 ao descanso.
I é que un maxistral Bruno anotou un hat trick, o primeiro tras forte disparo que se colou por entre as pernas do gardamallas (4´), o segundo picando o balón ante a saída do porteiro (8´), e o terceiro regateando a un defensa nun lateral da área e tirando ao segundo pau (19´).
Tampouco estivo mal o experimentado Jacobo que aproveitou un pase en profundidade para marchar en velocidade e picar o balón maxistralmente ante a saída de David. Entremedias recurtaba distancias para os casteláns leoneses Raulito tras saque de banda.
A segunda parte amosou a emoción do fútbol sala de que non hai partido finiquitado, xogando o equipo visitante con porteiro xogador os vinte minutos, o que serviu para ver un gol de Jacobo a porta baleira e un bo de Jhony ante a saída do porteiro, e polos visitantes un de Víctor en xogo de 5 para 4 e un penalti que parou Jacobo pero recolleu o rexeite Callejo.
O Esteo é segundo con 35 puntos antes de visitar ao Unión Arroyo, de Arroyo de la Encomienda, que ten 34.
O ESTEO FS. Javichu, Jhony, Héctor, Jacobo, Bruno – Rubi, Alberto.
UNIVERSIDAD DE VALLADOLID. David, Picolo, Sancris, David R, Javi – Isaac, Raulito, Piti, Víctor, Miguelín, Callejo.
GOLES. 1-0, Bruno (4´), 2-0, Bruno (8´), 2-1, Raulito (12´), 3-1, Jacobo (18´), 4-1, Bruno (19´). 5-1, Jacobo (30´), 5-2, Víctor (33´), 5-3, Callejo (34´), 6-3, Jhony (35´).
Incidencias. Amarelas a Javichu, Rubi, Isaac, Picolo. Pavillón de A Fraga. Uns 50 espectadores.
Triste derbi local para un As Pontes con moitas baixas atrás que aguantou 70 minutos
Goleada en O Poboado 0-4, dun Somozas que pelexará na última xornada por entrar entre os tres primeiros.
Nun partido máis igualado do que indica o marcador, os locais, a pesar das baixas e de contar cunha improvisada portería e parella de centrais, mesmo puideron irse ao descanso con vantaxe no marcador, pero tras un disparo do incombustible David García desde o borde da área despexado con apuros por Souto, Dani Pajaro, con todo a favor, enviouna por encima do traveseiro (19´).
Nada máis comezar o segundo tempo nunha xogada de banda a banda marcou Marcos Álvarez, que chegaba só ao segundo pau (47´). Posteriormente, tras unha sensacional xogada do pontés Alex por banda esquerda, Pajaro sácalle un gol cantado a Rojo (65´).
Os locais aguantaron ben ata mediada a segunda parte, pero viñeronse abaixo nun fatídicos cinco minutos, tristemente porque este equipo moi improvisado atrás estábao facendo bastante aceptable.
Pero o recén incorporado Edu aproveitou un despexe cara atrás de Pardo para facer o segundo (70´), e logo, tras sendos centros desde banda dereita e esquerda, Nuño marca de forte disparo raso (73´) e Chacón cabecea ao fondo da rede libre de marca (74´).
Sen máis historia que contar neste derbi, os locais despiden a primeira volta en casa do rival directo Paiosaco e os visitantes reciben ao líder Bergantiños.
CD AS PONTES. Brais, Berto, Pajaro, Mitogo (Pita 74´), Quique, Pardo (Óscar 74´), David, Fraga, Artai, Adrián, Iñaki.
SEGUNDA DIVISIÓN B. O ESTEO FS-ESTRADA FUTSAL (5-3)
Gran triunfo do Esteo que queda Campión da primeira fase por diante de Ribeira e O Parrulo B
O Esteo pontés de fútbol sala pechou onte a primeira fase da Liga cun importante triunfo 5-3 ante o Estrada Futsal, equipo co que perdera 5-1 hai 15 días, co cal finaliza a primeira fase líder con 32 puntos, por 30 do Ribeira de Piquín e 28 de O Parrulo B.
Na primeira metade adiantábanse tras un tiro cruzado de Jacobo tras marcharse en velocidade (9´), pero antes do descanso nunha xogada de estratexia empataba Moro, que anotou tras chegar só dende atrás (18´).
No segundo tempo ampliaba o marcador Alberto, que rematou un córner sen deixar caer o balón, que se lle colou por entre as pernas a Yago (28´), e logo era Bruno o que facía o 3-1 ao transformar un penalti cometido sobre el mesmo (32´).
Nuns minutos finais frenéticos, apenas estreaban o porteiro xogador os visitantes que Rubi roubaba o balón e anotaba o 4-1 desde a súa pista, pero Juan Caínzos recurtaba distancias.
Voltaba a anotar desde o seu campo Jhony facendo o 5-2 pero outra vez o xogador ferrolán recurtaba distancias ata o definitivo 5-3 co que se pechou o encontro.
O Esteo pasa á segunda fase líder con 32 puntos acompañado de Ribeira e O Parrulo B, e seguramente se enfronte a Guardo, Unión Arroyo e Universidad de Valladolid.
O ESTEO FS. Javichu, Jhony, Héctor, Troncho, Bruno – Jacobo, Rubi, Aitor, Alberto.
GOLES. 1-0, Jacobo (9´), 1-1, Moro (18´). 2-1, Alberto (28´), 3-1, Bruno, de penalti (32´), 4-1, Rubi (35´), 4-2, Juan Caínzos (36´), 5-2, Jhony (37´), 5-3, Juan Caínzos (38´).
Incidencias. Amarelas a Jacobo, Jhony, Rubi, Alberto, Aitor, Rober Paz, Moro e Yago. Pavillón de A Fraga. Uns 80 espectadores. Minuto de silencio polo falecemento do presidente do Palma Futsal, Miquel Jaume.
Merecida vitoria do As Pontes que sufriu ata o final por dous rigorosos penaltis
Sufrida vitoria do As Pontes ante o cadro de Fisterra, rival directo na loita pola permanencia, por 3 goles a 2, no encontro celebrado na tarde deste domingo no Campo de O Poboado.
A pesar de que os visitantes levaron o peso do partido, con boas intervencións de Bugy, resaltando unha falta botada por Cespón que marcha rozando a cruceta (14´), os ponteses adiantáronse mediada a primeira parte cando Mitogo, tras recibir un balón de Iñaki, no bordo da área, regatea a un defensa, dispara, e acaba batendo a Bouzón axustando o balón moi pegado ao poste (22´).
Trala continuación ampliaban a vantaxe os da vila mineira, pois Rubén Pardo, tras recibir un pase en profundidade pica ante a saída do porteiro e marcaba aos trinta segundos do seu ingreso no campo, o tanque de Ortigueira, un dos máis queridos pola afección (46´).
Pero pouco durou a alegría dos azuis pois nun penalti que acabou pitando o colexiado ante a insistencia do cadro visitante acurtaba distancias Eloy, bo dianteiro coruñés, ex xogador dos azuis na 2012-13 e 2017-18, tirando o balón polo centro e enganando a Bugy (57´). Posteriormente sería substituído por outro ex xogador local, Jose Marcote, que militou na 2016-17.
Incluso Alex Ramos realizou un forte disparo desde o lateral da área que buscaba a escadra cunha gran intervención de Bugy (64´). Pero tras unha xogada por banda dereita con centro á área de Cristian, tralo rexeite dun defensa, o balón acaba en Mitogo, que empala o balón ao fondo das mallas, facendo o 3-1 (75´).
Pero pouco duraba a alegría outra vez pois ao As Pontes volvían a pitarlle outro penalti, mentres un empuxón a Iñaki dentro da área no 66´ non se viu. Nesta ocasión era Alex Ramos o que anotaba, acertando Bugy a dirección pero o balón ía moi axustado ao pau (78´).
De aí ao final os locais aguantaron o resultado a pesar do longo desconto, e novenos con 18 puntos, a próxima semana visitan ao Viveiro na antepenúltima xornada desta primeira fase.
3 CD As Pontes. Bugy, Pajaro, Dani, Mitogo (Óscar 93´), Quique, García, Pita, Del Río (Cristian 58´), Moya, Adrián (Pardo 46´), Iñaki.
TERCEIRA DIVISIÓN. CD AS PONTES 1 – RACING VILALBÉS 1
O As Pontes empata o derbi no desconto xogando cun menos
Valioso punto rescatou o As Pontes no desconto do derbi sen público que lle enfrontou na noite deste mércores ao Racing Vilalbés.
E iso que pronto se poñían mal as cousas para os locais. Con Berto atendido en banda e a defensa descolocada, Jose Varela internouse na área por banda dereita e marcou de tiro cruzado (21´). De aí ao descanso apenas resaltar un lanzamento de falta desde o borde da área de Óscar que Rumbo envía a córner (41´).
Peor se poñían as cousas cando trala reanudación Moyá vía unha segunda amarela e o equipo quedaba con dez con todo o segundo tempo por diante (52´). Sen embargo, os locais non lle perderon a cara ao encontro e tras un bo centro de banda de Del Río, remataba Artai, e Rumbo enviaba con apuros o balón a córner (58´).
Os vilalbeses aproveitaban a superioridade con perigosas contras, así, tras un pase de Aitor, tiro cruzado de Cuadrado dentro da área que marcha lamendo o pau (68´). Tras saque de córner, paradón de Bugy a un bo remate desde o borde de área do propio Aitor (81´).
Pero o As Pontes non deixou de insistir e xa no desconto, tras un balón á área e un rexeite, o esférico caeulle a Adrián, xogador de poucos goles pero de moito traballo no medio, que marcou axustado ao primeiro pau dando un moi valioso punto ao cadro pontés que suma 13 antes de visitar ao Estudantil (92´).
1 CD AS PONTES.Bugy, Berto (Pajaro 23´), Dani, Óscar (Pardo 45´), Quique (Fraga 55´), David (Adrián 82´), Artai, Pita, Del Río (Cristian 82´), Moya, Iñaki.
Goles: 0-1, Jose Varela (21´), 1-1, Adrián Martínez (92´).
Tarxetas: David, Quique, Pájaro, Posse, Berto, Buyo, Varela. Expulsado por dobre amoestación Moyá (52´).
Incidencias: Campo de O Poboado. Partido a porta pechada, en noite de chuvia e vento.
Nova cortesía de Xose Ferreiro
—
TERCEIRA DIVISIÓN. CD AS PONTES-RC DEPORTIVO B (3-2)
Heroico triunfo do As Pontes ante o Deportivo B de Valerón e Manuel Pablo xogando con dez e tras un mes sen competir
Heroico triunfo do As Pontes 3-2 ante o Deportivo B de Valerón e Manuel Pablo. Os locais sorprenderon nos primeiros 45 minutos e fóronse cunha bagaxe de 2-0 ao descanso. Anotaron tras un roubo de balón de Mitogo ao central Yuste, que o dianteiro percorre o campo, plántase ante Brea, e báteo por baixo (22´). Ampliaba o tanteador o central Moyá cun gran cabezazo ao centro da portería tras saque de córner (27´).
Resaltar tamén un tiro cruzado de Iñaki (23´), un disparo por alto de Artai (26´), e un remate ás nubes de Barba en posición franca (24´). Trala continuación as cousas non se lle podían poñer mellor aos locais, e tras un puntapé do lateral Guerrero a Quique dentro da área, anotaba Mitogo o seu dobrete de penalti enganando ao porteiro (53´). Mesmo pouco despois o propio Mitogo e Artai dispuxeron dunha dobre ocasión rexeitada pola zaga visitante (59´).
Pero o filial deportivista é moito equipo, e tras saque de córner, cabeceaba só no segundo pau Barba recortando distancias (64´). Logo recibía a segunda amarela Mitogo, que vira unha primeira rigorosa a pouco do comezo, quedando os locais con dez (67´). Colmo de males, tras un centro desde banda dereita, no intento de despexe introduce o balón na súa propia portería Pablo Fraga (74´).
De aí ao final os locais aguantaron como puideron as arremetidas deportivistas, mesmo tiveron a mellor ocasión nun córner ao que non chega entrando só ao segundo pau Berto por centímetros (82´), pero tras un longo desconto os ponteses conservaron un triunfo vital, e Chollas estréase con vitoria tras seis xornadas sen gañar e tres partidos aprazados.
Desde o 29 de Novembro, hai dous meses e medio, cun 4-0 ao Estudantil, que non gañaban os da vila mineira, que suman o seu décimo triunfo en O Poboado ante o filial deportivista, por nove triunfos visitantes e cinco empates. Os ponteses teñen pouco tempo de celebración pois este mesmo mércores reciben ao Racing Vilalbés, co que perderon 5-1 na Magdalena.
CD AS PONTES. Bugy, Berto, Dani, Mitogo, Quique (Cristian 66), García, Artai (Pajaro 73´), Borja, Del Río (Fraga 73´), Moya, Iñaki (Óscar 94´).
Goles: 1-0, Mitogo (22´), 2-0, Moya (27´). 3-0, Mitogo, de penalti (53´), 3-1, Barba (64´), 3-2, Pablo Fraga, en propia meta (74´).
Árbitro: Adrián Estévez Blanco (Ourense). Auxiliado por Rodicio González e Cardoso Rodríguez. Amarelas a Iñaki, Moya, Guerrero, Sánchez, Adri Castro, Barba, Yeremay. Expulsado por doble tarxeta Mitogo (67´).
Incidencias. Campo de O Poboado. Partido a porta pechada, con tempo soleado.
Nova cortesía de Xose Ferreiro
—
SEGUNDA DIVISIÓN B. O ESTEO FS-LEIS PONTEVEDRA FS (5-2)
Sufrida vitoria dun Esteo que se sitúa líder
Gran vitoria do Esteo 5-2 ante o histórico Leis de Pontevedra, equipo que chegara a militar na División de Honra do fútbol español, na campaña 2007-08.
Nun primeiro período de máis presión visitante non houbo goles, pero si moitos na reanudación. Tralo descanso abriu o marcador o equipo local nunha xogada na que Cokito sirve dende banda dereita e marca Héctor no segundo pau. Idéntico foi o segundo gol, na que Bruno lla pasa a Cokito, e este a Jhony, que marca libre de marca chegando dende atrás.
Pero nuns minutos trepidantes replicaron os visitantes. Tras un saque de córner e un disparo axustado de Fabio, e posteriormente nunha contra na que acaba marcando o xovencísimo Arturo de tiro cruzado tras petar no pau. Destacar entremedias un doble paradón de Javichu con Aitor no chan.
Pero tirou de raza o cadro local e voltou a poñerse dous goles por enriba, tras un trallazo de Cokito dende fora da área, e un córner tralo que marca Aitor libre de marca. De ahí ao final, houbo que sufrir xogando dous minutos cun menos por rigurosa expulsión de Cokito, e despois co 5 para 4 visitante, pero foi nunha contra na que Jacobo lla deu a Jhony e este marcou de tiro raso o 5-2 definitivo.
O Esteo é momentáneamente líder con 25 puntos, antes de visitar ao sempre complicado Xove.
Incidencias. Amarelas a Jacobo, Héctor, Bruno, Jesús. Expulsado por doble cartón Gabi (20´), e con vermello directo Cokito (36´). Pavillón de A Fraga. Partido a porta pechada.
Nova cortesía de Xose Ferreiro
—
SEGUNDA B. O ESTEO FS-RIBEIRA FS (7-3)
Gran segundo tempo do Esteo que lle arrebata o liderato ao Ribeira de Piquín, e sen tempo para a celebración, visita este domingo a Estrada
Brillante vitoria do Esteo pontés de fútbol sala que se sitúa líder, adiantando ao Ribeira de Piquín, e queda a un paso de meterse matemáticamente entre os tres mellores equipos. Este domingo ten unha difícil oportunidade na cancha do Estrada Futsal, apenas sen descanso.
No partido de hoxe houbo dúas partes ben diferenciadas, a primeira foi moi igualada, e incluso puideron adiantarse os locais tras unha indecisión lucense na que semella que Illi despexa o balón cando xa entrara, pero foi tras aproveitar un balón morto dentro da área que Aitor adiantou aos ponteses.
Pero antes do descanso, tras dúas perdas de balón locais, estiveron atentos os visitantes e deron a volta en sendas contras anotando por medio de Simón, o mellor dos visitantes, e Quintela.
Pero no segundo tempo o Esteo foi un vendaval, e en apenas dous minutos remontou aproveitando dous erros visitantes nos que marcaron Bruno e Jhony. Incluso o propio Bruno, e Héctor, estrelaron dous balóns nos paus.
Pero un Jhony estelar anotou outros dous tantos consecutivos, selando o seu particular hat trick, o 4-2 case sen ángulo pola escadra, e o 5-2 picando maxistralmente ante a saída dun tal Illi, porteiro que foi do Parrulo da Primeira División as tres últimas temporadas.
Con porteiro xogador Jacobo facía o sexto nunha contra, e o sétimo levaba a firma de Cokito, por entre as pernas do gardamallas. Nos últimos instantes os visitantes maquillaban un pouco o marcador situandoo no 7-3 definitivo.
O Esteo ten 28 puntos e está a un triunfo de garantizar a súa presenza na fase dos tres mellores. Este domingo ten unha difícil oportunidade na Estrada.
