CD As Pontes Feminino

SEGUNDA DIVISIÓN “B” DE FÚTBOL SALA: O ESTEO F.S. – C.D. MOSTEIRO DE BEMBRIVE F.S. (3-1) 

O Esteo pontés deu un paso adiante cara a súa posible salvación. Hai que ter en conta que de perder onte practicamente quedaría abocado á terceira praza de descenso e con estes tres puntos mantén as súas posibilidades ata a derradeira xornada.

A pesar de que o conxunto de Vigo apenas chegou a As Pontes con sete xogadores plantou cara todo o encontro e de feito Javichu estivo moi atinado a un potente disparo de Yoni (4´) e salvou ante Mario, que se lle foi a Púas (7´).

Logo, nunha xogada de Ayala, Héctor, en boca de gol, remata ó pau, e no rexeite o propio Ayala dispara fóra (13´). A continuación Javichu saca co corpo un disparo de Jacobo, e foi o ex xogador do Cidade de Narón, Ayala, o que marcou pouco despois. Sácase un zapatazo que vai ó poste, recolle o rexeite, e marca un golazo de forte disparo dende fóra da área.

Chegaba o Esteo con perigo e a falta de tres minutos, nunha contra, Tucho tiraba cerca do pau. Foi faltando minuto e medio para o descanso que desmarcado Gerardo, recolle o balón, recorta a un defensa, pica ante a saída do porteiro e o balón acaba entrando, nunha xogada de Primeira División.

No segundo tempo os locais aguantaban as embestidas visitantes, e ademais, tras un disparo de Fran, empalaba Gerardo en boca de gol o 3-0 faltando apenas oito minutos, o que poñía o encontro en franquía.

Pero non se rendían os da Entidade Local Menor de Bembrive, que xogaron máis de dez minutos con porteiro xogador asediando ós locais, grandes paradas de Javichu a tiros de Jacobo e Berni, e apenas tiveron dous erros, nos que Héctor e Ayala estiveron a piques de marcar.

Non puido facer nada Javichu a un tiro cruzado de Jacobo a pouco do final, e faltando un minuto houbo un máis que posible penalti a Gerardo e na contra a piques estivo de chegar o 3-2.

En definitiva, Benavente, que venceu 8-4 ó Bueu, ten 32 puntos. Cistierna, que gañou 7-2 ó Cuellar, e Esteo suman 31. Xa descendidos Sala Ourense con 20 e Bueu con 17.

Na derradeira xornada o Benavente vai á cancha do líder e xa campión Noia, que leva nove vitorias consecutivas. O Cistierna visita ó quinto clasificado, Tres Cuñados, e o Esteo ó colista Bueu.

FICHA DO PARTIDO

O ESTEO FS: Javichu, Gerardo, Fran, Héctor, Ayala –cinco inicial- Púas, Cospe, Alberto, Tucho.

MOSTEIRO DE BEMBRIVE: Cuca, Jacobo, Berni, Mario, Yoni –cinco inicial- Borrajo.

ÁRBITROS: José Hevia Campa e Jesús Santoveña Hernández (Asturias). Na mesa Abel Molinero. Non houbo amoestacións.

GOLES: Min. 14 (1-0), Ayala. Min. 19 (2-0), Gerardo. Min.32 (3-0), Gerardo. Min. 37 (3-1), Jacobo.

INCIDENCIAS: Vixésima novena xornada de liga do grupo primeiro da Segunda División B e décimo quinto partido e derradeiro da campaña no Pavillón Municipal da Fraga, que rexistrou unha entrada duns 300 espectadores, entre os que se atopaba Noé Calvo Pardo, ex do Esteo e que xogou nas ligas de Hungría.

Nova cortesía de Xosé A. Ferreiro e AF

SEMIFINAL DA COPA XUNTA DE GALICIA: FENDETESTAS R.C. – PONTEVEDRA R.C. (3-46) 

O Fendetestas pontés caeu por 3-46 este domingo á mañá no Campo Monte Medulio ante o Pontevedra RC nas semifinais da Copa Xunta de Galicia.

Tiña moito nivel este último torneo da tempada porque os outros tres equipos presentes nesta rolda, o Pontevedra, cuarto, Os Ingleses, quintos, e Coretti Lalín, sexto, son da Primeira Territorial Galega, sendo o Fendetestas o único representante da segunda categoría.

Na outra semifinal, rotundo triunfo dos Ingleses de Vilagarcía. na casa do Coretti Lalín, por 0-55. Curiosamente, ambos equipos, na Liga, tan só quedaron distanciados por apenas catro puntos máis a prol dos de Vilagarcía, e nos enfrontamentos entre ambos, 10-7 no campo dos Ingleses e 37-3 no Manuel Anxo Cortizo.

Na final enfrontarán o club pontevedrés e o de Vilagarcía. Na competición de liga, 31-5 na cidade do Lérez e 27-17 en Arousa.

Nova cortesía de Xosé A. Ferreiro e AF

CLUB DEPORTIVO AS PONTES RESULTADOS  6-7-8 / MAIO / 2016 

Segunda fin de semana de Maio que nos deixa o empate do As Pontes en Cerceda. O Cadete remata a Liga gañando, á espera de coñecer rival no play off de ascenso.

Xenial o Prebenxamín A que rematou terceiro na Liga dos mellores e quedou, despois de facer un gran partido, a un gol de xogar o Campionato Galego. Tamén o Alevín A ponse a un punto do liderado.

TERCEIRA DIVISIÓN (Grupo 1º – Galicia)
CCD Cerceda   –  CD As Pontes (1-1)

O As Pontes logrou un sorprendente empate en Cerceda (1-1), i é que o equipo do Roxo precisaba os tres puntos, inmerso na loita pola Liga, e ademais ía gañando 1-0 con gol do pontedeumés Alex Ares, e dominando con varias ocasións, pero foi no momento no que o As Pontes se quedou cun home menos con toda a segunda metade por diante, que empatou por medio de Santi, o que coloca ó astur-lucense con 11 tantos, co que escala na lista de máximos goleadores da categoría. O conxunto de Pablo López aguantou no resto dos minutos as embestidas e algunha que outra ocasión local e logrou o resultado de maior mérito a domicilio, despois do 0-1 en Barraña.

Xerra de auga fría para o conxunto local, incapaz de gañar contra dez, aínda que, de todas formas, precisarían vencer si ou si o domingo en Barraña ó Boiro para ser campións, pois os de Lemos gañaron ó Vilalbés 0-1. O As Pontes pecha a Liga na casa ante un Deportivo B que asegura o play off, pero aínda compite co Choco por quedar de terceiro, ó que lle daría unha pequena vantaxe na primeira rolda do play off, de poder xogar contra outro terceiro, e non contra un segundo.

Xogaron Souto, Hugo (Pablo Domínguez 70´), Alex Cabarcos, Manu, Dani, Adrián (Nano 82´), Edi, Bossa, Santi, Cañi, Pablo Ramos (Toni 55´).

SEGUNDA AUTONÓMICA GALEGA (Ferrol)
CD As Pontes “B”  –  CD Cariño (0-2)

O segundo equipo perdeu por 0-2 co Cariño, resultado co que pon fin á Liga, con 19 puntos, na novena posición. Xogaron Rafita, Criado, Jandro, Guille, Darío, Iván, Adrián, Juan, Marcos, Totti, Rubén e despois Iago, David e Jorge. A emoción da derradeira xornada estaba no enfrontamento entre os dous primeiros, Maniños e CD Narón, con triunfo dos locais por 2-1, o que fai que os de Fene ascendan con 57 puntos, e o  Galicia de Caranza aproveite para quedar segundo e xogar a promoción con 53 puntos, por 52 dos naroneses.

LIGA FEMININA F8  (D. Ferrol)
CD As Pontes  –  Racing de Ferrol (0-5)

Goleada do Racing de Ferrol na súa visita ó feminino (0-5). Xogaron Leti, Yolanda, Uxía, Nuria, Indira, Yaiza, Vicky, Xeila, Carlota, Yara e Alba. Co empate 2-2 do Neda e o Mandia garanten a sexta praza as azuis con 57 puntos, rematando a Liga visitando ó Perlío, décimo terceiro. CD Narón será quinto, pola terceira praza compiten San Sadurniño e O Val B, segundo será o Cultural Maniños e campión dende hai unhas xornadas o equipo verde.

PRIMEIRA GALEGA XUVENIL  (D. Ferrol)
CD San Sadurniño  –  CD As Pontes (8-3)

Contundente goleada a que recibiu o xuvenil na súa visita ó sexto clasificado, o San Sadurniño, co que perderon por 8-3, a segunda peor derrota da campaña. A principios de Liga  perdeu 8-0, pero era contra o mellor equipo da categoría, o Numancia de Ares, ó que se lle gañou 2-0 no Poboado. Nun encontro no que se saíu David Hermida, que anotou seis tantos, catro en dez minutos no segundo tempo, e Marcos Montero anotou os outros dous. Xogaron polo equipo azul Lino, Alex Blanco, Bruno, Martín, Brais Blanco (1), Alex Cabarcos, Xose, Ayrton, Jandro (1), Manuel (1), Andrés e despois Miguel, Alex Barro e Alex López. Acaban a Liga na terceira praza con 45 puntos. Competición gañada polo Numancia de Ares con 57 puntos, por 55 do Portuarios. Ambos xogarán a fase de ascenso.

PRIMEIRA GALEGA CADETE  (D. Ferrol)
CD As Pontes  –  Galicia SDC Mugardos   (7-1)

Rematou a Liga o cadete gañando 7-1 ó Galicia de Mugardos, con goles de Pani, Alberte, Carlos, Cazás (2), Manuel e Javi. Portuarios campión, con 60 puntos, segundo As Pontes con 57, que xogará a fase de ascenso a Liga Galega dos segundos clasificados. Xogaron Mateo Cociña, Carlos, David, Fraga, Manuel, Pani, Jose, Dani, Mateo, Alberte, Antón e despois Javi, Cazás e Jorge.

PRIMEIRA CATEGORÍA ALEVÍN  (D. Ferrol)
CD As Pontes  –  O Freixo Narón   (4-2)
Numancia de Ares  –  CD As Pontes “B”   (5-3)

O Alevín A gañou 4-2 ó Narón O Freixo e ademais viuse beneficiado pola derrota do Eume 3-1 en Fene ante o Perlío B co que os azuis son segundos con 36 puntos, a un punto do líder, o equipo de Pontedeume. A falta de tres xornadas, visitan ó penúltimo, Narón O Freixo B. Goles de Alejandro López, Ismael Freire (2) e Xoel Purriños. Paso atrás do Alevín B, que perdeu 5-3 co quinto, Numancia de Ares (equipo que lle gañou dous dos tres partidos que perdeu nesta competición) e case se despide da Liga. R. Neda 43, Eume B, xa segundo con 41 e As Pontes con 39.  Precisamente o líder visita O Poboado a vindeira semana, na última oportunidade de achegarse ó título e meter presión. Dous tantos do benxamín Anxo Blanco e un de Sergio Cabarcos.

PRIMEIRA CATEGORÍA BENXAMÍN  (D. Ferrol)
CD As Pontes  –  CCRD Perlío   (6-2)
CD Narón  –  CD As Pontes “B”   (7-3)

O Benxamín A finalizou a Liga con triunfo 6-2 ante o Perlío, tantos de Xandre Fernández (3), Antón Varela, Israel Varela e un en propia meta.  Campións con 49 puntos, 16 vitorias, un empate por tan só unha derrota. O Benxamín B tamén rematou a Liga con derrota 7-3 ante o CD Narón. Acaban na quinta praza con 25 puntos. Un partido que chegaron a ir gañando 1-2 e 2-3, pero como xa lles acontecera a semana pasada co Meirás, nos últimos quince minutos o equipo rival impúxose con contundencia. Goles de Destaw Pellón, Diego Lozano e Alejandro Leal.

PRIMEIRA CATEGORÍA PREBENXAMÍN  (D. Ferrol)
CD As Pontes  –  Racing de Ferrol   (3-3)
Eume Deportivo B  –  CD As Pontes “B”   (2-8)

Xenial Prebenxamín A que, nun gran partido, remontou un 0-3 para acabar 3-3 co Racing de Ferrol e quedar a un paso de meterse no Campionato Galego ó que acudirán o Rápido de Neda como primeiro e campión con 47 puntos, e segundo o Racing de Ferrol con 38. O As Pontes remata nunha brillante terceira posición no grupo dos mellores con 36 puntos. Alexander Venancio, Nicolás Meizoso e Diego Ortigosa neutralizaron nos derradeiros dez minutos o 0-3 co que se chegou ó descanso.

Vitoria por 2-8 do Prebenxamín B ante o Eume Deportivo B. Goles de Íker Ares (2), Xabi Álvarez (2), Xandre Domínguez (3) e un en propia meta. Os azuis, que tamén están a facer unha boa tempada, son terceiros con 44 puntos, e xa é campión matemático a falta de tres xornadas o Barallobre con 57 puntos de 19 vitorias consecutivas, pois con 48 está o Animas B ó que lle teñen gañado o goal average.  Na vindeira xornada reciben ó colista San Sadurniño.

Nova cortesía de Xosé A. Ferreiro e A.F.

COPA DE FÚTBOL DE VETERANOS DE AS PONTES 

Goleada de Farmavida a A Cepa por 4-1, triunfo axustado de Mobles Eume ante As Pontes 74 (2-1) e empate a un gol no choque Electricidad J&O e Bar Xardín.

Despois desta xornada xa están decididos os primeiros de cada grupo, Mobles Eume e Galiorient. Farmavida e Santaballes, xóganse o segundo e terceiro posto do seu grupo. Do mesmo xeito sucede no enfrontamento entre As Pontes 74 a La Galaxia.

Salientar na vindeira xornada o partido entre A Cepa e MMYPEN para acceder a cuartos de final, choque no que a A Cepa só lle vale a vitoria. No encontro entre Electricidad J&O e Mobles Eume, un empate sería suficiente a Electricidade J&O para clasificarse (o ter mellor coeficiente de goles), sendo a sorpresa da competición, xa que deixaría fóra a Bar Xardín equipo que descansa na derradeira xornada de grupos..

COPA (4ª Xornada) 30-Abril / 1-Maio / 2016

Farmavida – A Cepa (4-1) Tino, Manolo, Rafa e Juanjo / Fernández
Electricidad J&O – Bar Xardín (1-1) Cristóbal / Pedro
Mobles Eume – As Pontes 74 (2-1) Iván e Luis / Xavi
Santaballés – Galiorient (0-1) Tomás
Descansaron: La Galaxia e MMYPEM

COPA (5ª Xornada) 14-15 / Maio / 2016

Electricidad J&O – Mobles Eume (Sáb. 14, 20,00 h)
As Pontes 74 – La Galaxia (Dom. 15, 10:00h)
Santaballés – Farmavida (Dom. 15, 11:00 h)
A Cepa – MMYPEM (Dom. 15, 12:00 h)
Descansan: Bar Xardín e Galiorient

Nova cortesía de A.F.

Esta entrada foi publicada en Futbol Sala As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A <span>%d</span> blogueros les gusta esto: