CD As Pontes Feminino

O ESTEO FS – CD BURELA FS P. RUBÉN (1-3)

O equipo pontés de fútbol sala do Esteo presentouse este venres á noite ante a súa afección antes do comezo da Liga a vindeira semana recibindo na casa ó Guardo, na que será a súa cuarta tempada seguida na Segunda División B.

O conxunto que visitou As Pontes non podía ser mellor. O Burela, que afronta a súa quinta campaña consecutiva na máxima categoría do fútbol sala español, acabando nas dúas últimas campañas na novena posición, e sendo semifinalista de Copa.

Visitaban o Pavillón da Fraga, o mítico Daniel Ibañés, hispano-brasileño Campión Mundial en Guatemala 2000, e campión Europeo en Rusia 20001, Chequia 2005, Portugal 2007 e Hungría 2010 coa selección española, ou ex internacionais españois como Jorge Matamoros ou Antoñito.

O Esteo plantou cara nos corenta minutos, o que ten o seu mérito, pois ademais do nivel do rival, contaba coas baixas de Ayala e Rober Paz, coñecéndose xa as de Alberto Carro, pola marcha á Segunda División Italiana ou de Diego Pellón por estudos, afrontando o encontro con apenas sete xogadores do primeiro plantel e catro xuvenís.

No primeiro tempo marcharon ó descanso con 0-1 os visitantes con tanto do caboverdiano Renato. Tamén resaltar un tiro ó poste de Carlitos e un balón que se coaba na porta local que salva Púas de cabeza sobre a mesma liña.

Na segunda metade anotaron Antoñito e sentenciou Carlitos polos lucenses, marcando o tanto da honra preto do final o pontés Púas para os locais. Tamén rematou á cruceta Héctor e o gran Matamoros ó pau. Nos derradeiros minutos ambos equipos aproveitaron para xogar co porteiro-xogador e facer probaturas de pretempada.

Rematado o encontro o Esteo xa pensa no debut ligueiro ante o Guardo a vindeira fin de semana. Preto de tres semanas terán que agardar ós burelenses para recibir ó Palma Futsal por mor do Mundial de Colombia que se está a disputar e no que a selección española é unha das oito cuartofinalistas.

FICHA DO PARTIDO
O ESTEO FS: Javichu, Púas, Héctor, Jandro, Alex Garea –cinco inicial- Iván, Alex Blanco, Pablo, Gerardo, Jaco e Román.
CD BURELA FS PESCADOS RUBÉN: Alex, Jorge, Cuco, Antoñito, Matamoros –cinco inicial- Hélder, Isi, Iago Míguez, Iago Rodríguez, Carlitos, Renato, Petry, Chano.
ÁRBITROS: Eduardo Corral Martínez, Borja Darriba Villamor e Laura Somoza Copa. Amarelas a Gerardo, Alex Garea e Renato.
GOLES: Min. 13 (0-1), Renato. Min. 22 (0-2), Antoñito, Min. 31 (0-3), Carlitos. Min.38 (1-3), Púas.
INCIDENCIAS: Partido amigable de presentación do Esteo ante uns 200 espectadores nas gradas do pavillón da Fraga.

Nova cortesía de Xosé A. Ferreiro e A.F.

CLUB DEPORTIVO AS PONTES: RESULTADOS 23-24-25 / SETEMBRO / 2016

TERCEIRA DIVISIÓN NACIONAL (Galicia)
SD Compostela – CD As Pontes (2-1)

Triste derrota do As Pontes, nos derradeiros minutos, na súa visita a San Lázaro (2-1). E iso que se adiantaron os azuis co tanto de Ibou, que xa anteriormente se plantara só ante o porteiro local e este despexara a córner, pero tralo saque de esquina resarcíase anotando o seu primeiro tanto como xogador azul. Pouco durou a ledicia, pois apenas dous minutos despois tras unha indecisión dos centrais azuis empataba o Compostela e por riba marcaba o ex pontés Santi Gegunde.

O primeiro tempo foi de moitas ocasións compostelanistas, pero no segundo o xogo foi máis alterno. Sen embargo, faltando cinco minutos, nunha contra anotou Diego Rey o gol do triunfo definitivo a pesar de dispoñer os de Marco Roca dalgunha ocasión nos derradeiros minutos. O As Pontes segue cuns preocupantes dous puntos, e só o Ordes, que aínda non puntuou, mírao por debaixo. Xogaron polo As Pontes, Paco, Criado, Buyo, Prieto, Callón, Rubio (Cristian, min. 86), Ramos, Álvaro (David González, min. 46), Ibou, Edi, e Rubén Pardo.

LIGA FEMININA F8 (D. Ferrol)
CD As Pontes – C. Maniños SD (1-3)

Derrota do equipo feminino ante o líder Cultural Maniños, 1-3, que chegaba ó Poboado con 25 goles a favor por ningún en contra e con gañas de resarcirse da derrota nos penaltis na final da Copa Afaco de hai apenas tres meses. As de Maniños adiantáronse con tanto de penalti de Carolina, vantaxe que ampliou Carmen antes do descanso. No segundo tempo Noelia Ameneiro recortaba distancias, tamén dende o punto fatídico, pero Noemí poñía o 1-3 definitivo que mantén no primeiro posto ás fenesas, igualadas co Val B, que ten menos goles. As pontesas, sextas con seis puntos, visitan a semana que vén ó complicado Cariño, que ten cinco. Xogaron Leti, Yoli, Carolina, Uxía, Noelia Ameneiro, Vicky, Xeila, Paula Castro, Carlota, Yaiza e Yara. Non gustou a actuación do árbitro, Daniel Pérez Ferro, da delegación de Ferrol.

1ª AUTONÓMICA XUVENIL 1ª FASE (D. Ferrol)
CD As Pontes – SD O Val B (3-0)

O Xuvenil venceu o venres 3-0 ó Val B. Os ponteses adiantáronse no primeiro tempo co tanto de Cazás, e no inicio do segundo un penalti anotado por Pita e un centro de Josiño, que Carlos rematou ó fondo das mallas chegando ó segundo pau, sentenciaron o encontro. Os de Felipe Mieres suman os seus primeiros tres puntos antes dunha importante visita ó colista Ortigueira. Xogaron Lino, Fraga, David, Bruno, Unai, Iago, Carlos, Pita, Cazás, Casas e Josiño, entrando despois Meidan, Manuel Romero, Manuel Fernández, Alex e Diego.

Boa arbitraxe do ferrolán Diego Bouza Pena, un xoven colexiado que promete facer moito no mundo da arbitraxe.

1ª AUTONÓMICA CADETE 1ª FASE (D. Ferrol)
AD Miño – CD As Pontes (1-1)

Moi ben o Cadete, que logrou o seu primeiro punto ante o Miño, 1-1, que marchaba con sete puntos. Adiantáronse os de Rubén Pardo por medio de Vicente no primeiro tempo, pero faltando un cuarto de hora empatou David. A vindeira fin de semana reciben ó Ortigueira, que suma tres puntos. Xogaron Andrei, Xavi, Antonio, Santi, Nono, Antón Paz, Jorge, Xoel, Vicente, Xan e Jose, entrando despois Juan, Azoin, Brais, Antón Cillero e Mohamed.

1ª AUTONÓMICA BENXAMÍN 1ª FASE (D. Ferrol)
CD Narón – CD As Pontes (2-6)

O Benxamín A iniciou a Liga goleando 2-6 ó Narón, liderando a táboa antes de recibir ó R. Ferrol. Destacar os catro tantos de Adrián Díaz. Tamén marcaron Alejandro Leal e Sergio Vázquez. O Benxamín B non comezará a competición ata dentro de dúas semanas.

1ª AUTONÓMICA PREBENXAMÍN 1ª FASE (D. Ferrol)
CD As Pontes – Galicia de Caranza B (9-1)
SDR Ánimas B – CD As Pontes B (7-1)

O Prebenxamín A comezou a liga cunha contundente vitoria 9-1 ante o Galicia Caranza B, antes de visitar ó Cedeira. Tantos de Xandre Domínguez (2), Jose Villasuso (2), Xalo Cebreiro (2), Íker Ares (2) e David Maseda. O Prebenxamín B perdeu por 7-1 en Ferrol diante do Ánimas B antes de recibir ó Freixo Narón, tanto de Xoel Galego.

Nova cortesía de Xosé A. Ferreiro e A.F.

Esta entrada foi publicada en Futbol Sala As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A <span>%d</span> blogueros les gusta esto: