CD As Pontes Feminino

ESTE 2016 CUMPRIUSE O 25º ANIVERSARIO DO PRIMEIRO 4-0 DO ENDESA DE AS PONTES Ó REAL MADRID B

O segundo 4-0 fora en 1998, ademáis dunha vitoria 3-0 en 1996, aínda que neste caso tratábase do Real Madrid C.

Si hai unha semana lembrábamos os 30 anos da primeira eliminatoria copeira contra o RC Celta de Vigo (1-3), antes de que remate o ano tamén queríamos recordar que neste 2016 cumpríronse 25 anos dun feito histórico, que foi a vitoria do por entón Endesa de As Pontes 4-0 sobre todo un Real Madrid B.

Por curioso que poida parecer, o conxunto merengue deuselle ben ó pontés, i é que lle gañou contundentemente en tres ocasións no Poboado, pois tamén se lle vencera 4-0, ademáis de nesta campaña 1990-91, tamén na 1997-98, e 3-0 na 1996-97, si ben é certo que neste caso se trataba do Real Madrid C, o que non resta méritos.

No outro enfrontamento, acadou un empate a 1-1 na 1995-96, tamén co equipo C, cun saldo de tres vitorias e unha igualada cos merengues, con doce tantos a favor e só un en contra ante unha das mellores canteiras.

Nesa campaña 1990-91 na Segunda B, no encontro de ida, xogado en todo un Santiago Bernabéu un 8 de Setembro de 1990 (recordado o 25 aniversario o ano pasado), o Endesa perdeu 2-1, con tantos dos míticos Mutiu, e Ohen no derradeiro minuto, para o filial merengue, e de Chus para o conxunto azul.

A volta foi un 20 de Xaneiro de 1991, e o equipo azul tomou cumprida revancha da ida ó gañar por 4-0, xogando de inicio o conxunto dirixido por Luis Rodríguez Vaz con Carou, Salido, Quique (pai de Adrián López), Carlos, Alberto, Suso, Ramiro, Nando, Ramón, Alfonso e Pradera. No segundo tempo entraron Juan Luis e Alfredo.

O resultado do descanso, 0-0, non facía presaxiar o que aconteceu no segundo tempo, onde o equipo azulón foi un vendaval, e tras dúas asistencias de Pradera, Alfonso e despois Nando, anotaban os dous primeiros tantos.

O terceiro chegou nun potente disparo de Ramón tras centro de Juan Luis, e o colofón firmouno Nando. O xenial medio ferrolán marcou de falta introducindo o balón polo escuadro, como viña sendo habitual nel.

Curiosidades daquel encontro, o colexiado era un por daquela moi novo Mejuto González, e aquel día recadárase a nada desestimable cifra de 330 mil pesetas das antigas, o que hoxe serían uns 2000 euros, nada desdeñable a comezos da década dos 90 do pasado século.

O triunfo foi de moito mérito, tendo en conta que o Real Madrid B aquel ano quedara campión, concluíndo o Endesa decimoterceiro con 38 puntos (daquela a vitoria valía dous). Si ben, aparte deste 4-0, poden considerarse históricas as vitorias contra a Ponferradina (3-0), Compostela (3-1), Ourense (1-0), e a domicilio 1-2 no Anxo Carro e 0-1 no Couto.

No 2018 trataremos de recordar o vinte aniversario do outro 4-0, o da campaña 1997-98, que desgraciadamente rematara en descenso.

Nova cortesía de Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: