CD As Pontes Feminino

O PONTÉS NOÉ CALVO, SUBCAMPIÓN DA TAÇA DA LIGA DE PORTUGAL

O xogador pontés de Fútbol Sala, Noé Calvo Pardo, do AD Fundao, proclamouse onte domingo subcampión da Taça da Liga de Portugal, tras caer na gran final, disputada en Gondomar, ante o Sporting de Lisboa, por 4-0.

O gran triunfo do clube morado, sexto clasificado actual da Liga portuguesa, foi nos cuartos de final, onde se impuxeron ó Benfica, Campión de Europa 2010, por 4 tantos a 2, dous goles do crack Waltinho, e un de Danny e Teka.

O equipo benfiquista, segundo clasificado da Liga, conta co porteiro Campión de Europa con España, Cristian, ex do FCB, o actual Campión do Mundo con Arxentina, Wilhelm, ou xente como Patías, Je ou Chaguinha.

Magoa que o xogador pontés apenas puido xogar os tres primeiros minutos, recibindo un golpe no xeonllo que o deixou fóra o resto do torneo. Si que o fixo, e a un gran nivel, coma nos ten acostumados, o seu compañeiro de equipo, o bo porteiro de Viveiro, Iago Barro.

Nas semifinais venceron ó terceiro clasificado da Liga, Belenenses, por 5 a 4, goles de Waltinho, Yulian, Marcio (2), e Teka.

Xa na gran final enfrontábanse ante o líder invicto da Liga lusa, e que xogará a Final Four da Uefa Futsal xunto a Inter Movistar, Ugra Yugorsk e Kairat Almaty, o Sporting de Lisboa.

O equipo sportinguista alcanzaba o último partido tras vencer 6-1 ó Braga e 5-2 ó Modicus. Curiosamente foi o primeiro vencedor deste torneo inaugurado en 2016, gañando tamén ó Fundao.

Incontestable partido dos verdibrancos, que se adiantaron na primeira metade cos tantos de Dieguinho, Cavinato e o gran xogador brasileño, Deo.

No segundo tempo, e con porteiro xogador, sentenciou o Campión de Europa 2014 coa Selección Italiana, Fortino, establecendo o 4-0 que resultaría definitivo.

Nova cortesía de Xose Ferreiro

EYOB SANTAMARIÑA CONVOCADO PARA O CAMPIONATO GALEGO

O futbolista do CD As Pontes, Eyob Santamariña Fernández, ven de ser convocado pola Selección Ferrolá para a segunda fase do Campionato Galego de Seleccións Comarcais.

O torneo terá lugar en Carballo este luns, no Campo das Eiroas, e Ferrol xogará contra Pontevedra (11:15), e Vigo (19:45).

Eyob forma parte da lista de 18 convocados definitivos, que xa adestraron este martes na súa última preparación. A convocatoria é a seguinte:

Racing Club de Ferrol: Alejandro Cuence, Brais Rodríguez, Pablo Ares, Isaac González, Lucas González, Hugo Suárez
Galicia de Caranza: Gabriel Bouza, Elías González, Daniel Quintela
Eume Deportivo: Mateo Díaz, Mario Filgueira
SRD Portuarios: Manuel Costoya, Rubén Monteiro
SD O Val: Elías Meira
CCRD Perlío: Keven Marques
Amistade Meiras: Daniel Arozamena
CD Cariño: Pablo Galcerán
CD As Pontes: Eyob Santamariña

Nova cortesía de Xose Ferreiro

NOVO ADESTRAMENTO PARA ALEX MONTERO

O xogador pontés Alejandro Montero Peteira, do Esteo FS, foi convocado para un novo adestramento da Selección Galega de Fútbol Sala.

Terá lugar no Pavillón Municipal de Miño este venres ás 18:45. Da Comarca da Terra Chá tamén acude Pablo Rosón, do ED Outeiro.

O Campionato de España Alevín terá lugar en Arévalo a segunda fin de semana de Abril.

Nova cortesía de Xose Ferreiro

TERCEIRA DIVISIÓN. CD AS PONTES 0 – SILVA SD 2

Derrota do As Pontes na tarde deste sábado ante o Silva por 0-2. Non deixou moi boa impresión o conxunto local ante un equipo coruñés que non tivo que facer moito para levarse os tres puntos.

Se ben os locais chegaban con moitas baixas, ó pouco do comezo lesionouse o alma mater Edi, o primeiro gol visitante chegou tras un máis que probable fora de xogo, e na segunda metade foi expulsado rigorosamente Prieto, en moitos momentos puxeron máis xogo os visitantes, xa coa salvación no peto, e con poucas posibilidades por arriba, que os azuis.

E iso que os de Marco Roca comezaban con brío, e na primeira xogada, nun pase en profundidade de David, chegou desmarcado Núñez, acabando o seu centro en córner (1´). Responderon os visitantes con unha contra nun centro dende banda esquerda que a piques estivo Edi de desviar cara a súa propia porta, pero acabou despexando (3´).

O batallador capitán, ó que nunca se lle pode reprochar a súa entrega, retirouse lesionado mediada a primeira parte, sendo sustituido por Pablo Rubio (22´).

Os visitantes daban maior sensación de perigo, e por parte local apenas resaltar un disparo alto de David (25´), e un centro do peleón Pardo, que non alcanza Núñez por pouco (35´).

Antes do descanso, e tras saque lateral de falta, en unha xogada de estratexia na que varios visitantes chegaron desmarcados, terminou rematando a gol ao segundo pau en máis que probable fora de xogo Marcos Gómez. O liña levantou o banderín, pero o colexiado terminou dandoo por válido (41´).

A pouco do comezo do segundo tempo, nun pase en profundidade do ex xogador local Kata, remata Renan axustado ó segundo pau (48´). Acabaron por torcerselle as cousas ós azuis coa expulsión de Prieto, que en propio terreo visitante, e con varios compañeiros seus por detrás del, para cortar unha contra dalle unha incomprensible tarrascada a un xogador rival, recibindo unha rigorosa vermella directa (60´).

Tiro cruzado de Pardo (65´), e boa internada do recén ingresado Álvaro con remate ó lateral da rede (72´), ata que, no último tercio do segundo tempo, tras un bo centro de Movilla dende banda dereita, cabeceou a gol chegando dende atrás Pedro (77´), firmando a sentenza.

Aínda que puideron ser máis, xa que o cadro local acabou desbaraxustado na defensa. Sen Edi, con Prieto expulsado, Abraham tocado, e Callón na grada, Paco evitou un marcador maior para o conxunto visitante.

Nun centro dende banda dereita, pasease o balón sen que ningún xogador local o despexe, e chegando dende atrás, remata Pedro, facendo un paradón o meta ferrolán (83´).

O mesmo xogador, internándose por banda dereita, regatea con comodidade a Rubén e Rubio, e cando se propón a disparar salva co corpo o lucense Diego Núñez, a pesar de proceder de Preferente, o mellor fichaxe invernal (89´).

Noutra contra é Joao quen lla cede inmellorable a Renan, pero este remata por arriba (92´). Cun disparo por alto de Marcote rematou o encontro (94´).

O Silva sitúase sétimo con 42 puntos, o que xa lle garante a permanencia, e está a sete do play off, antes de recibir ó Dubra.

Pola súa parte, o As Pontes segue antepenúltimo con 18 puntos antes de visitar ó perigoso Barco. Un conxunto azul con unha preocupante carencia de fondo de armario xa dende o comezo da tempada, non solventada no mercado invernal, e que terá que facer malabarismos para recompoñer a defensa de cara a este partido.

Desequilibra os duelos oficiais o Silva, quen suma ós seus tres triunfos como local, 1-0, 4-0 y 1-0, a súa primeira vitoria en O Poboado. Os anteriores enfrontamentos saldáronse con 3-1 e 1-0 para os azuis.

A falta de goles e triunfos, a sufrida parroquia local tentará disfrutar da Feira do Grelo e os disfraces de Antroido.

0 CD As Pontes. Paco, Criado, Buyo (Marcote 88´), Prieto, Abraham (Rubén 79´), Edi (Pablo Rubio 22´), Caique, Diego, Fran, David, Pardo.

2 Silva SD. Guillermo, Cardelle, Larusso, Guilherme, Hugo, Kata, Renan, Moure (Álvaro 65´), Movilla, Marcos Gómez (Joao 75´), Real (Pedro 71´).

Goles: 0-1, Marcos Gómez (41´). 0-2, Pedro (77´).

Árbitro: Manuel Rodríguez Barreira (Vigo). Auxiliado por Otero Domínguez e Feijoo Bautista. Expulsou con vermella directa a Prieto (60´). Amarelas a Paco, Pardo, Rubio e Moure. No descanso tamén foi expulsado o segundo entrenador pontés.

Campo e incidencias: O Poboado. Cen espectadores. 27ª xornada.

Nova cortesía de Xose Ferreiro e A.F.

SEGUNDA DIVISIÓN “B” DE FÚTBOL SALA: O ESTEO FS – PIZARRAS LOS TRES CUÑADOS FS (3-3)

Reparto de puntos no encontro xogado na tarde de onte no Pavillón da Fraga entre ponteses e valdeorreses.

Noutro sábado no que os espectadores locais tiveron que decidir entre fútbol e fútbol sala, comezaban adiantándose os de Javi Saa, tras un tiro de Héctor a saque de esquina, que Corzo desviaba a gol, e logo nunha boa xogada de equipo Púas anotaba o segundo, a pesar de que os visitantes recurtaban distancias antes do descanso por medio de Cris.

Ampliaba o ventaxa no segundo tempo Rober Paz, cun precioso tanto no que picaba o balón ante a saída do porteiro, pero os visitantes, que chegaron a estrelar ata tres balóns nos postes, voltaron a recurtar distancias, por medio de Corzo, que se resarcía do gol en propia meta.

Xa nos derradeiros minutos, con porteiro xogador, O Esteo tivo ocasións para sentenciar, pero foron os visitantes nunha boa xogada colectiva, que rematou cun tiro lonxano, outra vez de Corzo, os que poñían o 3-3 definitivo no marcador.

O Esteo segue sexto con 28 puntos, e a semana que vén visita ó Benavente, equipo que comezou moi abaixo, pero contando con un xogador de Primeira como Charlie, agora atópase xa fóra dos postos de perigo, oitavos con 22 puntos.

FICHA DO PARTIDO

O ESTEO FS: Iván, Jaco, Gerardo, Rober Paz, Alex Garea –cinco inicial- Púas, Héctor, Pedro, Jandro.

PIZARRAS LOS TRES CUÑADOS FS: Maelo, Dilin, Corzo, Josiño, David –cinco inicial- Petolas, Adrián, Cris.

ÁRBITROS: Manteiga Rodríguez, Carreira Rodríguez (A Coruña), Prados Caamaño (Ferrol). Amarelas a Gerardo, Maelo e Dilin.

GOLES: Min. 11 (1-0), Héctor. Min. 18 (2-0), Púas. Min.18 (2-1), Cris. Min. 26 (3-1), Rober Paz. Min.34 (3-2), Corzo. Min. 39 (3-3), Corzo.

INCIDENCIAS: Décimo oitava xornada de Liga do grupo primeiro da Segunda División B, quinto da segunda volta, disputado no Pavillón Municipal da Fraga, ante máis dun cento de espectadores.

LIGA DA TERRA CHÁ

INFANTIL: O ESTEO FS 1 – A PONTENOVA 7

BENXAMÍN: O ESTEO FS 2 – CASTRO 1

Nova cortesía de Xose Ferreiro e A.F.

CLUB DEPORTIVO AS PONTES 2016/17: RESULTADOS 24-25-26 / FEBREIRO /2017

Vitorias do Xuvenil, Cadete, Infantil, Alevín A e Prebenxamín B

LIGA FEMININA F-8 (Ferrol)
SD O VAL “B” – CD AS PONTES (1-1)

Bo empate do feminino na súa visita a Sinde, onde xogaba co segundo clasificado, O Val B, e sen a súa capitana e goleadora, Carlota. Ao pouco do comezo, Esthefany adiantaba ás locais, pero antes do descanso a boa xogadora Yoli poñía as táboas definitivas no marcador. Xa marcara tamén en Cariño.

Intratable a Cultural Maniños con 63 puntos, O Val B segue segundo con 55, e o equipo de Julio Montero e Pita suma 53, por 49 do Racing de Ferrol.

A vindeira xornada reciben ó penúltimo clasificado con 13 puntos Cedeira. Xogaron Leti, Noelia Santalla, Andrea Pita, Yoli, Noelia Ameneiro, Carolina Paz, Xeila, Paula Castro, Carolina Rodríguez, Yara e Alba.

1ª AUTONÓMICA XUVENIL 2ª Fase (Grupo 4º)
SRD PORTUARIOS – CD AS PONTES (0-3)

Bo triunfo do Xuvenil, que venceu na mañá do sábado en Ferrol ó Portuarios por 0-3, tantos anotados na primeira metade por Sergio Cazás (2) e Carlos. Este luns xogarán o partido aprazado co CD Narón. E na vindeira xornada recibirán ó Numancia de Ares.

Son terceiros con 24 puntos, a un de Eume, e a catro do Meirás. Xogaron Lino, Fraga, David, Bruno, Unai, Andrés, Carlos, Jaime, Cazás, Casas, Josiño, entrando despois Chema, Iago, Manuel Romero, Alex Barro e Derick.

1ª AUTONÓMICA CADETE 2ª Fase (Grupo 4º)
CD AS PONTES – CD SAN SADURNIÑO (3-2)

Sufrida vitoria do Cadete ante o San Sadurniño 3-2. Jose adiantaba ós azuis, e aínda que empataba Manuel de penalti, axiña voltaba a poñer por diante ós azuis Chema antes do descanso. No segundo tempo Xavi facía o 3-1, pero Jorge recurtaba distancias polo que houbo que sufrir ata o final. Os de Rubén Pardo erraron un penalti.

Sextos con 17 puntos, visitan ó Numancia, segundo. Xogaron Juan, Eyob, Antonio, Nono, Santi, Antón Paz, Adrián, Chema, Vicente, Jose, Xavi, entrando despois Xan, Azoin, Brais e Mohamed.

1ª AUTONÓMICA INFANTIL 2ª Fase (Grupo 4º)
FC ORTIGUEIRA – CD AS PONTES (1-3)

Gañou o Infantil 1-3 na súa visita a Ortigueira. Comezaban adiantándose con tanto de Jandro López, e aínda que Rubén empataba para os locais, Xoel Purriños e xa co tempo cumprido, Manuel Novo, poñían o 1-3 definitivo.

Cuartos con 14 puntos visitan ó colista con sete O Val B. Xogaron Mario Regueiro, Eloy, Xose, Alejandro, Samuel, Dani, Mario Fraga, Jandro, Manuel, Hugo Blanco, Xoel, entrando despois Sergio Hermida, Edgar, Mateo e Sergio Paz.

CATEGORÍA ALEVÍN (2ª Fase)
EUME DEPORTIVO – CD AS PONTES (3-5)
CD AS PONTES B – GALICIA DE CARANZA (5-5)

Gran vitoria do Alevín A 3-5 no seu desprazamento a Pontedeume. A pesar de comezar perdendo, 2-0, cinco tantos consecutivos de David Cendán, Diego Purriños, Anxo Rey, Billal Belhaj e Ali Karim, deron os tres puntos, co que consolidan o liderado con 24, xa con 4 de ventaxa sobre o Eume e 6 sobre o Mugardos. Visitan ó Racing de Ferrol C, quinto, na vindeira xornada.

Disputado partido no que o Alevín B empatou 5-5 ante o Galicia de Caranza. Conseguiron remontar un 0-1, 1-3, 3-4, pero defnitivamente os ferroláns empataron no derradeiro minuto. Goles de Anxo Blanco (3), Carlos Villasuso e Alexo Platas. Sétimos con 10 puntos, reciben ó Mugardos, terceiro.

CATEGORÍA BENXAMÍN (2ª Fase)
SRD ÁNIMAS – CD AS PONTES (5-4)
CD AS PONTES B – SD O VAL (2-2)

Anímase a Liga coa primeira derrota do Benxamín A en Ferrol. Chegou a ir perdendo 3-0 e 5-1, con catro tantos de Alex Pardo, e a pesar de que se chegaron a poñer 5-4 faltando catro minutos, non puideron traer ningún punto no peto. Goles de Sergio Vázquez (2), Destaw Pellón e Diego Lozano. Seguen líderes con 27 puntos, pero descansan na vindeira xornada, última da primeira volta, e de gañar o Ánimas ó Meiras, poñeríanse a só dous puntos.

O Benxamín B empatou 2-2 co Val, tantos de Diego Solano e Nicolás Meizoso. Sextos con 10 puntos, visitan ó Rápido de Neda B, segundo.

CATEGORÍA PREBENXAMÍN (2ª Fase)
CD AS PONTES – EUME DEPORTIVO (3-3)
CD SAN SADURNIÑO – CD AS PONTES B (1-14)

Empate a 3-3 do Prebenxamín A co Eume. Nun partido moi disputado, no que comezaron adiantándose 2-0, con tantos de Xandre Domínguez e Xalo Cebreiro, no segundo tempo remontaron os de Pontedeume con tantos de Mateo e Xabi (2), pero un gol de Lucas Blanco nos últimos instantes puxo o 3-3 definitivo no tanteador. Terceiros con 20 puntos, visitan ó Ánimas B, sexto.

Excesiva vitoria a domicilio do Prebenxamín B 1-14 en San Sadurniño. Tantos de Xoel Galego (5), Íker Díaz (3), Brais Varela, David Otero, Guillermo Folgar, Iago Cebreiro e dous en propia meta. Son cuartos con 19 puntos, antes de recibir ó Racing de Ferrol B, décimo.

Nova cortesía de Xose Ferreiro e A.F.

Advertisements
Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

%d bloggers like this: