CD As Pontes Feminino

O DEPORTIVO B DE ENRIQUE FORNOS ASCENDE A SEGUNDA B

Na mañá deste domingo conseguía o Deportivo de A Coruña B ascender a Segunda División B, tras gañar 2-0 ao Cacereño, despois do 0-0 na ida, na promoción dos campións, co que o filial herculino volve División de Bronce do fútbol español.

Fíxoo, entre outros, da man do pontés Enrique Fornos. A pesar de ser dos máis novos do equipo, e pese a multitude de fichaxes, e a chegada de xente experimentada, foise facendo un oco ata acabar sendo titular no centro da zaga.

Acabou xogando 31 encontros no equipo campión de Liga, 27 completos, ademais dos dous desta fase de ascenso.

No encontro de hoxe, con ata cinco mil persoas en Riazor, marcou Borja Galán na reanudación tralo descanso, e Álvaro Queijeiro trouxo a tranquilidade no desconto co 2-0, dado que un empate do Cacereño daballe a clasificación ós extremeños polo valor doble.

Nova cortesía de Xose Ferreiro

DOUS PONTESES ASCENDEN CO RACING VILALBÉS

O Racing Vilalbés está a vivir unha das mellores tempadas da súa historia. O conxunto veciño lucense acadou a quinta praza na Terceira División, a un só punto de xogar o play off, con Alex Cabarcos, Marcos Souto ou Sergio Arias nas súas filas.

Pero máis salientable aínda foi o ano da súa canteira. O seu Xuvenil A ascendeu esta fin de semana á División de Honra, a máxima categoría do fútbol español, pero non so iso, senon que tamén o seu Xuvenil B ascendeu á Liga Galega.

Nas convocatorias do primeiro xuvenil soe ser habitual, a pesar de ser aínda de primeiro ano, o dianteiro pontés Alberte Ledo Pita, e no xuvenil B soe ser titular o medio centro de segundo ano Ayrton Nieto Victorino.

De moito mérito foi o ascenso do xuvenil chairego a falta dunha xornada. Xa se sabe que o campión será o Celta B (80) e segundo o Deportivo B (72). Pero como acontecera hai dez anos co xuvenil pontés, estes dous equipos non poden ascender ó ter xa ós seus primeiros equipos nesa categoría, e farano o Pontevedra (64) e Racing Vilalbés (60).

Os lucenses arañaron onte na casa un valioso empate a 0-0 ante o Campión Celta B, o que lles deu o punto necesario, xa que se viron favorecidos pola derrota do Racing de Ferrol de Sergio Otero, 4-3 ante o Calasanz, polo que os verdes seguen cos 56 puntos e a falta dunha xornada xa non poderán alcanzar ós de Vilalba.

Culminou a boa tempada, o Xuvenil B vilalbés. Gañou na Liga de Lugo con 42 puntos, por 37 do Residencia A, 34 de Milagrosa e 32 de Ribadeo.

Na fase de ascenso de Campións cruzábanse precisamente co Meirás, Campión da Liga de Ferrol. Os de Valdoviño gañaron 0-1 na ida, pero o mesmo resultado se deu na volta no Misael Prieto, ganando os vilalbeses por 4-5 na quenda de penaltis.

Nova cortesía de Xose Ferreiro

CLUB DEPORTIVO AS PONTES 2016/17: RESULTADOS 26-27 / MAIO / 2017

O xuvenil pontés pasa á final da Copa Afaco e o Feminino a semifinais da Copa de Ferrol.

COPA FÚTBOL 8 FEMININO (Cuartos de final)
CD AS PONTES – CCRD PERLÍO (4-0)

O equipo feminino clasificou a semifinais da Copa de Ferrol tras gañar este sábado a noite ó Perlío por 4 goles a 0, con sendos dobretes de Paula Baamonde e Noelia Ameneiro.

O encontro resolveuse no primeiro periodo. Abriu a lata Paula Baamonde que nunha gran xogada avanzou ata o borde da área e coa punteira tirou o balón ó segundo pau, a onde non puido chegar a porteira visitante. Na xogada seguinte queda soa Noelia Ameneiro ante a gardamallas visitante e batea de tiro cruzado.

O 3-0 chegou nunha falta que bota Paula Baamonde, semella que ía rematar Paula Castro dentro da área, o que despista á porteira e o balón acábaselle colando por debaixo. O 4-0 que sentenciaba o partido chegaba por medio dun golazo de Noelia Ameneiro, que colleu un rexeite tras un corner, para dende o lateral da área, meter o balón polo escuadro do segundo pau dun forte disparo.

O As Pontes semella que xogará as semifinais na casa do campión Maniños, mentres que a outra a disputarían San Sadurniño e Racing de Ferrol.

Xogaron de inicio Leti, Yoli, Noelia Ameneiro, Paula Castro, Carlota, Paula Baamonde, Yara, e Alba e despois entraron Noelia Santalla, Carolina Rodríguez, Carolina Paz e Xeila.

COPA AFACO XUVENIL (Semifinal)
CD AS PONTES – GALICIA DE MUGARDOS (5-2)

Triunfo do Xuvenil na súa semifinal da Copa Afaco 5-2 ante o Galicia de Mugardos, o que lle serve para clasificarse para a final, que xogará contra a Cultural Maniños, que eliminou na quenda de penaltis ó CD Narón.

Chegaba a As Pontes o quinto clasificado da Liga, pero dous goles de Cristian no primeiro tempo, e outros dous do xogador coruñés no inicio do segundo, un deles un golazo de falta, situaban o 4-0 que semellaba a sentenza, e aínda que os mugardeses recurtaron ata poñerse 4-2, un tanto de Manuel Romero establecía o 5-2 definitivo que lle sirve ós de Felipe Mieres para disputar a final a vindeira semana.

Nun partido no que se puido ver nos graderíos do Poboado a dous históricos como Javi Salido, o xogador con máis tempadas no primeiro equipo, 15, e Alfonso Martínez, mítico dianteiro da época gloriosa de Segunda B, once campañas no conxunto azul, xogaron Lino, Fraga, David, Bruno, Unai, Andrés, Iago, Jaime, Cristian, Casas e Josiño, entrando despois Carlos, Alex, Cazás e Manuel Romero.

COPA AFACO CADETE (Semifinal)
SD O VAL – CD AS PONTES (4-0)

Non puido o Cadete no seu desprazamento a Sinde onde caeu ante O Val por 4-0 nas semifinais da Copa Afaco poñendo fin á súa participación neste torneo, que non deixa de ser salientable, dado que pasou a primeira rolda, e o equipo valexo era o único dos semifinalistas que xogou no grupo primeiro de Liga, o dos mellores, acabando ademais de sexto.

CATEGORÍA BENXAMÍN (Liga)
CD AS PONTES A (Descansa)

Non xogou esta fin de semana o Benxamín A pontés, pero si remataba o seu grupo e facíao co triunfo do Caranza C con 53 puntos, acabando os azuis na segunda posición con 48, debido ao empate a 2-2 entre Ánimas e Meirás, o que deixa ós ferroláns terceiros con 46 puntos.

CATEGORÍA PREBENXAMÍN (Liga)
RACING DE FERROL “B” – CD AS PONTES “B” (3-6)

O Prebenxamín B pontés rematou a Liga con triunfo en Ferrol 3-6, tras remontar un 2-0 e un 3-3 faltando 4 minutos, con tres goles de Íker Díaz, dous de Xoel Galego e un de Brais Varela, o que lle permite acabar na terceira posición con 49 puntos, só por detrás de Cultural Maniños (51) e Cebarca (54).

Nova cortesía de Xose Ferreiro e A.F.

FOTOS SEMIFINAIS E FINAL COPA LOCAL DE FÚTBOL SALA

Este domingo á tarde disputábase no Pavillón de A Fraga as semifinais e final da Copa Local de Fútbol Sala. Nunha final trepidante o Husse Barbarroja impoñíase 1-0 ó Estanco Mari Carmen. Previamente o campión eliminara nas semis nos penaltis ó Unión Fútbol Sala 3-1, tras rematar o encontro con empate a un, mentres o subcampión chegaba ó último partido tras vencer 4-2 ó Pinturas Colormix.

Nova cortesía AF e Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A <span>%d</span> blogueros les gusta esto: