CD As Pontes Feminino

SEGUNDA DIVISIÓN “B” DE FÚTBOL SALA: VENTORRILLO FS-O ESTEO FS (5-3)

Primeira vitoria na Liga dos coruñeses ante un Esteo que é décimo

Paso atrás do Esteo este sábado. Os ponteses podían poñer terra de por medio con respecto aos postos de abaixo e deixar tocado a un posible rival, pero nada máis lonxe da realidade.

O Ventorrillo, que ata o momento só fora capaz de sumar un empate, conseguiu os tres puntos ante os ponteses.

A pesar de chegarse ó descanso con 0-0, o segundo período foi pleno de goles. Adiantábanse os locais, pero empataba Ayala. Pero en dous minutos máxicos os coruñeses situábanse 4-1 no marcador.

Apretou o Esteo e conseguiu achegarse ata o 4-3 con tantos de Martín e Pana, pero preto do final chegou o 5-3 que resultou definitivo.

Mala xornada en xeral, pois gañou tamén o Unión Arroyo, polo que a pesar de continuar colista, comprímese a parte baixa da táboa, e os ponteses son décimos con seis puntos, antes de recibir no derbi ó Cidade de Narón, que suma nove.

FICHA DO PARTIDO

VENTORRILLO FS: Iván, Anxo, Guillán, Andrés, Puertas – cinco inicial – Jhony, Failde, Alex, Berto, Dani.

O ESTEO FS: Javichu, Martín, Héctor, Pana, Ayala – cinco inicial – Rober Paz, Gago, Dani, Gerardo.

ÁRBITROS: Castro Nantes, Dans Rey, Fontán Pérez (Santiago-A Coruña). Amarelas a Iván, Guillán, Anxo, Alex, Andrés, Jhony, Isaac, Martín, Héctor, Pana e Jesús.

GOLES: Min. 24 (1-0), Guillán. Min. 28 (1-1), Ayala. Min.34 (2-1), Anxo. Min. 35 (3-1), Andrés. Min. 36 (4-1), Andrés. Min.37 (4-2), Martín. Min. 38 (4-3), Pana. Min. 39 (5-3), Puertas.

INCIDENCIAS: Pavillón Municipal de Ventorrillo, uns 150 espectadores.

Nova cortesía Moisés Fernández e X.F.

PREFERENTE NORTE. SD OUTEIRO DE REI 1 – CD AS PONTES 1

O As Pontes apenas puido arañar un empate co antepenúltimo clasificado, que xogou cun menos e marcou os dous goles.

Nova decepción do As Pontes, que nas dez primeiras xornadas apenas consigue sumar 15 dos 30 puntos en xogo, quedando prácticamente fora de calquera opción de ascenso. Colmo de males, o equipo pontés apenas puido rascar un empate co antepenúltimo clasificado, que empatou xogando cun menos e ademais anotou os dous tantos do encontro.
O equipo azul dominou na primeira metade, pero cústalle moito marcar. En dúas boas internadas de Pardo por banda dereita, o xogador de Ortigueira non conseguiu centrar ben a Adrián Iglesias que chegaba só no segundo pau, e adiantouselle Dieguiño en mabas ocasións (4´e 10´).

Na única aproximación local perigosa neste primeiro período un centro chut de David Pereiro, é desviado por Kiko a córner (13´).

Moi boa ocasión de Adrián Iglesias, que se desmarca por banda esquerda, pero en lugar de cederlla a Eloy dispara e o balón marcha por pouco (19´).

Seguían dominando os hoxe verdinegros, e así, tras un disparo alto de Rubén (28´), nun gran pase de Alex, cabalga Eloy dentro da área, e dispara por riba do longueiro (30´).

Cun cabezazo de Adrián Iglesias que marcha preto do escuadro rematou o primeiro tempo (45´).

E cun disparo do mesmo xogador que se vai por alto comezou o segundo (46´). Despois Fidi presionou ó porteiro local, que no seu despexe dispara sobre o corpo do xogador de Viveiro, pero por desgraza o balón marchou por liña de fondo (52´).

A ocasión máis clara chegou polos locais, e así tras un centro de David Pereiro dende banda dereita, Jorge Pereira completamente só en boca de gol, entre que seguramente non agardaba atoparse nesa situación e que o balón botou un pouco antes de golpealo, mandouno ás nubes (56´).

Respostou o Mago de Viveiro, que se sacou un zapatazo dende o medio do campo que moi inxustamente para o fútbol se foi ó longueiro (58´).

Pouco despois chegou a xogada que cambiou o partido, i é que o local Diego López fai unha falta por detrás sobre Adrián Martínez polo que ve cartón amarelo, e por protestar recibe o segundo e o equipo lucense quedou con dez xogadores para a máis de media hora que restaba de encontro (60´).

Buscou o As Pontes o gol, e tras un disparo fóra de Dani (66´), ten outra gran oportunidade Adrián Iglesias que sacou o porteiro co corpo (68´).

Ata que acabou chegando o gol pontés nunha internada por banda esquerda de Rubén Pardo e o seu centro perigoso a boca de gol acabao metendo dentro un defensa local (73´).

Xogando cun máis semellaba moi de cara o encontró para os visitantes, pero nada máis lonxe da realidade, e así, un As Pontes que se centrou máis en deixar pasar o tempo que en buscar o segundo viu como incomprensiblemente nunha contra, o lateral dereito do equipo lucense dentro da área driblou e deixou sentado ó defensa, e marcou ante Kiko de tiro cruzado (87´).

Pouco tempo lle quedaba ó As Pontes para non deixar voar dous puntos máis, e voltou a ter outra ocasión Adrián Iglesias, pero o seu disparo sacao coa perna Dieguiño (89´).

Aínda así tivo que dar as gracias o conxunto pontés, xa que no desconto perdeu un balón Adrián Martínez que acabou nos pes de Aarón, que só diante de Kiko, golpeou ó aire (93´). I é que como lle acontecera ó seu compañeiro, nin agardaba verse nesa situación e o balón botoulle levemente antes de tentar golpealo. De haberlle dado ben moi probablemente acabaría no fondo das mallas.

Sen tempo para máis, apenas dous puntos en tres xornadas para o cadro azul que recibe este mércores ó Estudiantil. Mal día de fútbol, en directo co As Pontes, e grabado con España sub17. Ó final resultou ser un sábado soleado idóneo para pasear ou ir en bici.

1 SD OUTEIRO DE REI. Dieguiño, Xoel, Kike, Alex (Jonatan 78´), Trigo, Marcos Núñez (Díaz 78´), David Pereiro (Aarón 85´), Alberto Cornide, Jorge Pereira (Iago 66´), Diego López, Adrián Vizoso (Redondo 51´).

1 CD AS PONTES. Kiko, Roberto (Ramos 62´), Alex, Rego, Dani, Adrián Martínez, Adrián Iglesias, Bossa, Eloy, Fidi, Pardo (Carba 87´)
Goles: 0-1, Rubén Pardo (73´), 1-1, Xoel (87´).

Árbitro: Miguel Ángel Castro Castro (Santiago). Auxiliado nas bandas por Botana Rey e Cousillas Castiñeiras. Amarelas a Jorge Pereira, Jonatan, Xoel, Eloy e Chis, Expulsou por dobre amárela a Diego López (60´).

Campo e incidencias. Municipal de Outeiro. Uns cen espectadores en tarde fresca e soleada.

Nova cortesía de Xose Ferreiro

RESULTADOS CD AS PONTES FIN DE SEMANA 27-28 OUTUBRO

Vitorias de todos os equipos agás o Prebenxamín B.

FEMININO
CD AS PONTES-UD CEBARCA (3-1)

Terceira vitoria do equipo feminino que este sábado gañou 3-1 ó Cebarca. Mediado o primeiro tempo Paula Baamonde adiantou ás azuis de penalti e pese a que pronto conseguía igualar Gabriela, antes do descanso Yoli facía o 2-1 e preto do final Paula Castro o 3-1.

Son sétimas con 13 puntos, antes de visitar á Capela, que ten seis. Xogaron Leti, Yoli, Tania, Indira, Noelia Ameneiro, Nerea, Xeila, Paula Castro, Carlota, Paula Baamonde, Yara, Uxía e Carolina Paz.

XUVENIL
CD AS PONTES-CEDEIRA SD (4-1)

Noveno triunfo do Xuvenil que este sábado gañou 4-1 ó Cedeira. Anotaba pronto Sergio, e pese a que mediado o primeiro período empataba Andrés, rápidamente voltaba a marcar Cazás e posteriormente Carlos, chegando a sentencia a dez minutos do final por parte de Pita.

Con 27 puntos, rematan esta primeira fase visitando ó cuarto, Perlío. O Narón A e o Maniños xogaránse a outra praza en semifinais no Pote. No outro, o Eume xa ten unha praza e pola outra Portuarios e Caranza B, que tamén se enfrontarán entre eles.

Xogaron Lino, Fraga, Breijo, Pablo, Bruno, Vilela, Carlos, Chema, Cazás, Dani, Alex Barro, e despois Pita, Óscar, Cristian, Jose e o porteiro Juan.

CADETE
AD MIÑO-CD AS PONTES (1-6)

Vitoria do Cadete en Miño 1-6. Encontro xa sentenciado no primeiro tempo co 0-4 cos tantos de Joan (2), Xan e Jandro. No segundo marcaron Vicente e Xoel Purriños, anotando Lucas o da honra.

Ánimas xa é gañador con 30, e con 24 están As Pontes, San Pedro e Narón A. Estes dous últimos equipos enfróntanse entre eles mentres os azuis reciben ó penúltimo Narón O Freixo. Necesitan gañar e que non o fagan os ferroláns.

Xogaron Juan, Adrián, Xavi, Eyob, Antonio, Nono, Jandro, Santi, Vicente, Xan e Joan, saíndo despois Andrei, Alejandro, Xoel, Samuel e Mohamed.

INFANTIL
CD AS PONTES-CD CARIÑO (6-1)

Vitoria do Infantil 6-1. Resultado engañoso pois o encontro transcorría por un igualado 2-1 ata que foi expulsado o porteiro visitante por tocar o balón coa man fóra da área, e ter que sustituilo un xogador de campo.

Segundos con 18 puntos, na seguinte xornada visitan ó Neda, cuarto con 15. Xogaron Hugo Bouza, Eloy, Xose, Anxo, Samuel, Mario, Xoel, Hugo Blanco, Jandro, Diego, Luis, Sergio, Francisco, Ángel, Ismael e David.

ALEVÍN
CD CARIÑO-CD AS PONTES A (2-7)
CD AS PONTES B-CD NARÓN B (2-0)

O Alevín A gañou 2-7 en Cariño e terceiro con 16 puntos recibe ó Racing de Ferrol B, sétimo. Primeira vitoria do Alevín B 2-0 ante o Narón B no duelo de equipos aínda sen puntuar. Visitan ó Meirás A, sexto.

BENXAMÍN
CD AS PONTES B-SD O VAL C (11-2)

Segunda vitoria do Benxamín B, 11-2 ante O Val C. Sexto con 6 puntos visita ó Cedeira, oitavo con un.

PREBENXAMÍN
CD AS PONTES B-SCDR NARÓN O FREIXO B (1-4)

Derrota do Prebenxamín B 1-4 ante o Narón O Freixo B. Sétimos con 3 puntos vistan ó quinto, Ortigueira.

Nova cortesía de Xose Ferreiro

LIGA DE VETERANOS AS PONTES 2017-18

O Mav Abogados continúa de líder, seguido a tres puntos por Muebles Eume

Quinta xornada da Liga de Veteranos e o líder Mav Abogados segue alonxándose do resto de equipos. Esta fin de semana gañou 3-0 ó Farmavida, e só lle aguanta o ritmo o Muebles Eume, que no duelo de aspirantes venceu 3-1 ó La Galaxia.

Agora mesmo Mav Abogados suma 15 puntos, por 12 de Muebles Eume e 9 de La Galaxia e Galiorient. Na zona media, con 7, está A Cepa, e 6 teñen Bar Jardín-Lecar 712 e MMYPEN. Con 4 están As Pontes 74 e Farmavida e pecha a clasificación Electricidad J&O cun só punto.

Na táboa de goleadores descolgase Tomás (Galiorient) con 7 dianas, por 6 de Juan Diego (Mav Abogados) e 5 de Juan (La Galaxia).

5ª XORNADA

ELECTRICIDAD J&O-MMYPEN (0-1) (Elo)
MUEBLES EUME-LA GALAXIA (3-1) (Kibu, Villa, Esteban / Fontao)
AS PONTES 74-GALIORIENT (1-2) (David, Tomás 2)
BAR JARDÍN-A CEPA (1-2) (Miguel / Fernández, Alberto)
MAV ABOGADOS-FARMAVIDA (3-0) (Kanche, Juanjo, Juan Diego)

CALENDARIO 6ª XORNADA

04/11/2017 19:00
AS PONTES 74 – MAV ABOGADOS

04/11/2017 20:00
LA GALAXIA – ELECTRICIDAD J&O

05/11/2017 10:00
A CEPA – FARMAVIDA

05/11/2017 11:00
BAR JARDÍN – MMYPEM

05/11/2017 12:00
MUEBLES EUME – GALIORIENT

Nova cortesía Tino Prieto e Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s