CD As Pontes Feminino

CHUS CAÑIZARES, NO PARTIDO DA SELECCIÓN GALEGA

Será este mércores contra o Coruxo

A Selección Galega Uefa xoga este mércores o seu primeiro encontro de preparación de cara a primeira fase desta competición, que disputará antes do Nadal, ante Asturias e Cantabria.

Despois dun primeiro adestramento, os do seleccionador Pichi Lucas xogarán este mércores ante o Coruxo FC, decimoquinto clasificado da Segunda B, no Campo de Coia, ás 18:00.

O pontés Chus Cañizares, que xa estivo no primeiro adestramento, foi convocado para este encontro xunto a outros 24 compañeiros.
Chus está a facer unha sensacional campaña co Silva coruñés, co que marcha segundo clasificado, empatado co líder Compostela, e él é o segundo máximo goleador da categoría. Leva 9 tantos, incluidos catro no 0-4 ante o Céltiga, empatado con Javi Pazos, a só un de Rubén Rivera.

No partido tamén estará o cedeirés Marcos Souto, porteiro que fora do primeiro equipo e do xuvenil pontés varios anos, ao igual que o dianteiro Santi Gegunde, tamén ex xogador pontés. Acuden tres xogadores do Somozas, dous do Vilalbés, o pontedeumés Alex Ares e o cedeirés Juan Martínez.

Estos son os 25 convocados:

CD Choco: Antón Escobar, David Cortegoso, Lucas Fernández, Rubén Comesaña
SD Compostela: Alejandro Ares, Roberto Fernández, Santiago Fernández
Bergantiños CF: Aarón Rama, Iago López, Rodrigo Alonso
UD Somozas: Carlos Riveiro, Jacobo Millán, Juan Martínez
CD Barco: Cassio Luis, Ismael Quevedo, Omar Navarro
Racing Club Vilalbés: Diego Villares, Marcos Souto
Arousa SC: Javier Pazos, Manuel Justo
Silva SD: Diego Fernández, Jesús Cañizares
Alondras CF: Álvaro Fernández
Ourense CF: Eduardo Otero
SD Negreira: Rodrigo Iglesias

Nova cortesía de Xose Ferreiro

BRUNO SILVÉN, COA SELECCIÓN GALEGA SUB19

O futbolista pontés estivo este luns en Ordes

O xogador pontés Bruno Silvén Fernández adestrou este luns coa Selección Galega Sub19 de Fútbol Sala.

O futbolista de 17 anos acudiu a Ordes para este primeiro adestramento da Selección xunto a outros catro compañeiros de equipo, dado que o seu clube, o Lugo Sala, era o de maior representación no equipo, con ata cinco xogadores.

Os 15 convocados foron os seguintes:

ADC Lugo Sala: Borja Corral, Bruno Silvén, Cley Nogueira, Jorge Pereira, Luis Vila
Leis Pontevedra FS: Adrián Sancho, Mauro Rodríguez, Nicolás Crespo
Santiago Futsal: Alberto Miras, Pablo Martínez
Troula Betanzos FS: Alfonso Edreira, Daniel Fernández
Burela FS: Edmilson Monteiro
ED Vigo 2015: Pablo García
ADFS Bueu: Lucas Soage

Nova cortesía de Xose Ferreiro

DOUS XOGADORES DO CD AS PONTES CONVOCADOS PARA O TORNEO DE ABEGONDO

A selección de Ferrol xogará contra o Deportivo, A Coruña e Santiago

Os xogadores do Alevín do CD As Pontes, Xandre Fernández Tembrás e Anxo Blanco Ardao, foron convocados pola selección ferrolá sub12, para a disputa do torneo de Abegondo.

O combinado ferrolán xogará nun cuadrangular contra o Deportivo de A Coruña e as Seleccións de A Coruña e Santiago.

Esta é unha convocatoria de mérito, pois son só 16 os futbolistas elixidos, sendo catorce ós que xogarán no Torneo de Seleccións Comarcais.

Tamén durante esta semana adestrará outra vez a sub12 feminina, e entre as 20 convocadas están as xogadoras pontesas Patricia Adega e Andrea Cruz.

Os 16 convocados son os seguintes:
EF Racing de Ferrol: Adrián Bouzas, Lucas Martínez, Lucas Castro
SCDR Galicia de Caranza: Íker Castro, Diego Miranda, Brais Varela
SD O Val: Raúl Primoy, Bruno Fonticoba
SCDR Narón O Freixo: Martín Hernánez, Bruno Gondar
CD As Pontes: Anxo Blanco, Xandre Fernández
Eume Deportivo: Iago Rojo
SD Cedeira: Javier Pita
SDR Numancia de Ares: David Vilasánchez
FC Ortigueira: Elías Otero

Nova cortesía de Xose Ferreiro

SEGUNDA DIVISIÓN “B” DE FÚTBOL SALA: PIZARRAS LOS TRES CUÑADOS-O ESTEO FS (5-1)

O Esteo é antepenúltimo antes de recibir a un rival directo coma o Leis de Pontevedra

O Esteo pontés de fútbol sala perdeu na súa visita ao Barco de Valdeorras co Pizarras Los Tres Cuñados, terceiro clasificado e que levaba catro vitorias consecutivas, por 5-1.

Adiantáronse os locais cun solitario tanto antes do descanso, e outro de Dilin no segundo poñía o 2-0 no marcador, e aínda que Martín recurtaba distancias, nos últimos minutos os ourensáns puxeron terra de por medio cos tantos de Juanma e Bruno (2).

O equipo pontés apenas pode afrontar os derradeiros encontros con 7 ou 8 xogadores, co que os rivais, que contan con máis efectivos, acabanse impoñendo co paso dos minutos.

O Esteo xa é antepenúltimo con sete puntos polo que necesita gañar este próximo sábado a un rival directo como é o Leis de Pontevedra, que ten os mesmos puntos.

FICHA DO PARTIDO

PIZARRAS LOS TRES CUÑADOS: Maelo, Dilin, Bruno, David, Durán – cinco inicial – Juanma, Javi, Corzo, Cris, Josiño.

O ESTEO FS: Javichu, Martín, Héctor, Rober Paz, Dani – cinco inicial – Gago, Pellón e Andi.

ÁRBITROS: Vilas López, Menéndez Nistal, Doval Rodríguez. Amarelas a Javi, Rober Paz, Gago e Dani.

GOLES: Min. 18 (1-0), Rober Paz (pp). Min. 26 (2-0), Dilin. Min.27 (2-1), Martín. Min. 28 (3-1), Juanma. Min.34 (4-1), Bruno. Min. 35 (5-1), Bruno.

INCIDENCIAS: Pavillón de Calabagueiros. Uns 200 espectadores

RESULTADOS EQUIPOS DE BASE – LIGA DA TERRA CHÁ –
Cadete. Pastoriza-O Esteo (2-2)
Infantil. Begonte B-O Esteo B (3-1)
Infantil. Pastoriza-O Esteo A (6-8)
Alevín. Begonte-O Esteo (0-6)
Benxamín. Begonte-O Esteo (7-3)
Prebenxamín. Begonte-O Esteo (1-1)

Nova cortesía de Moisés Fernández e Xose Ferreiro

PREFERENTE NORTE. CD AS PONTES 5 – SDC RESIDENCIA DE LUGO 0

O As Pontes logra un contundente triunfo antes de encarar os seis complicados partidos que lle restan na primeira volta

Contundente triunfo do As Pontes 5-0 nun partido no que dominou de principio a fin e no que puido conseguir incluso máis goles, perante un Residencia de Lugo, que anteriormente gañara a Betanzos e Dubra, e empatara co líder Paiosaco, entre outros.

Voltou o As Pontes a encarrilar o encontro case desde o inicio, como fixera nas dúas primeiras xornadas caseiras ante Sofán (4-0) e Escairón (5-1), e así puxo terra de por medio nas dúas primeira oportunidades que tivo.

Primeiro é Ramos quen se vai por banda dereita, centra e remata de primeiras en boca de gol Eloy Díaz (2´). Importante gol para o dianteiro coruñés, que non marcaba dende a quinta xornada e consigue o seu cuarto gol da campaña. Despois, tras un gran pase en profunidade de Bossa, queda só Eloy, que avanza, e logo cedella a Adrián iglesias que só ten que empurrala (8´).

Seguiu dominando o cadro local, e tras unha internada de Iglesias que remata cruzado Fidi (22´), seguiulle una gran pase en profundidade de Bossa, centra Criado sobre a liña de córner e Iglesias remata contra o corpo do defensa (27´).

Logo foi Eloy quen realizou un forte disparo dende fóra da área, que ía cara o escuadro e desviou a córner in extremis Diego (29´), e posteriormente nunha internada de Alex por banda esquerda, centra, dalle Ramos de primeiras co calcaño e o balón vaise por riba do longueiro (32´).

Ata que chegou o tanto do Mago de Viveiro. Tras unha falta clara sobre iglesias, o medio centro colocou o balón no segundo pau, a onde non puido chegar Diego, casi sentenciando o encontro (36´).

A única ocasión visitante chegou tras un despiste defensivo no que Elías queda só, regatea a Kiko, pero escorado remata ao lateral da rede (40´). Non obstante, cun remate de Rego a rentes do pau, tras saque de córner (44´), e unha xogada na que Fidi lla cede a Ramos, que regatea ó defensa, pero remata ás mans do porteiro (46´), chegouse ó descanso.

O segundo tempo comezaba coa mesma tónica, e así, tras un tiro cruzado de Fidi, o balón toca levemente nun defensa, Diego non consigue atallalo, o balón queda morto, pero despexa un xogador visitante antes de que chegue Iglesias (46´).

Foi pouco despois que chegou a sentencia. Desmarcase Iglesias por banda dereita, e tras un gran pase en profunidade de Fidi, queda só, avanza, pasa o balón, este golpea en dous defensas e finalmente acaba no fondo das mallas antes de que o empuxara Ramos que chegaba só (50´), facendo o quinto gol da campaña o dianteiro de Agolada.
Seguiu dominando o As Pontes, e Eloy tivo unha moi clara tras pase de Iglesias, que en boca de gol enviou fóra (51´), e noutra contra o balón vai dunha banda a outra, e Alex Cabarcos conecta un forte disparo que acaba despexando como pode Diego con unha perna (59´).

Ata que chegou o quinto gol pontés, tras un centro dende banda dereita de Criado, controla só Carballeira, dispara, e ó rexeite do gardamallas está atento Diego Chis para empalar ó fondo da rede o seu primeiro gol da campaña (77´).

O propio xogador de Narón fixo unha bonita vaselina, pero estivo atento Diego atallando o balón (83´), e o mesmo fixo nunha xogada na que Ramos disparou dentro dá área (88´).

Con un perigoso cabezazo de Iglesias ó lateral da rede (89´), e outro paradón de Diego a un gran remate de cabeza do asturiano Roberto (90´) rematou o encontro.

O As Pontes sitúase sexto con 21 puntos antes de afrontar as seis etapas pirenaicas e alpinas. Visita ao Dubra, quinto, e posteriormente ó líder Paiosaco e ó Ribadeo. E na casa recibirá ó Betanzos, Viveiro e Arzúa, xa no 2018.

Nin que decir ten que de como supere estas etapas dependerá os seu futuro no que reste de Liga. Sería sublime gañar os encontros da casa e intentar pescar algún triunfo a domicilio.

De momento, complicada visita a Dubra o vindeira xornada, un moi bo equipo, con xente experimentada como Rubén Márquez, Mariño, Adrián Vázquez, ou Gonzalo, entre outros.

5 CD AS PONTES. Kiko, Criado, Alex (Roberto 61´), Rego, Dani, Adrián Martínez, Ramos, Bossa (Jandro 79´), Eloy (Carba 71´), Fidi (Chis 67´), Adrián Iglesias.

0 SDC RESIDENCIA. Diego, Rober, Esteban (Zapico 61´), Adrián, Borja, Raposo (Dani 54´), Rasilla (Lucas 74´), Yeray, Aldo (Simón 54´), Mauro, Elías.

Goles: 1-0, Eloy (2´), 2-0, Adrián Iglesias (8´), 3-0, Bossa (36´). 4-0, Adrián Iglesias (50´), 5-0, Chis (77´).

Árbitro: Marcos Ordóñez Rodríguez (A Coruña). Auxiliado nas bandas por Insua Lago e Cedeira Méndez. Amarelas a Bossa, Adrián Martínez, Adrián, Mauro, Rasilla, Yeray. Expulsou con vermello directo ó preparador físico visitante.

Campo e incidencias: Campo de O Poboado. Máis de 100 espectadores.

Nova cortesía de Xose Ferreiro

SEGUNDA TERRITORIAL GALEGA. CR FENDETESTAS 53 -PONTEVEDRA MAREANTES RC B 10

O clube pontés suma o seu cuarto triunfo da campaña

O Fendetestas pontés de rugby venceu este sábado por un contundente 53-10 ó Mareantes de Pontevedra B, chegando ó descanso cun marcador de 22-0.
Dous ensaios de Rober e Miguel, e un de Pablo, Álvaro, Joel e Antonio Gómez. Rober acertou tamén cinco lanzamentos a paus e un golpe de castigo.

Cuarto triunfo dos verdes, tras gañar na xornada inaugural, 64-10 ó Ourense B, a domicilio a Barbanza (0-7), e ó líder Muralla (13-24), caendo co Zalaeta de Arteixo (29-14).

Nos outros encontros do sábado, o Muralla de Lugo gañou 54-12 ó Barbanza e o Santiago 51-5 ó Ourense B. Os ponteses pechan esta primeira volta dentro de dúas semanas visitando ó Vigo B.

A falta da disputa do Zalaeta-Vigo B deste domingo, lidera a táboa o Muralla con 21 puntos, 19 teñen ponteses e santiagueses, cun encontro menos, o que teñen pendente entre eles. Mareantes ten 15, Barbanza 12, Zalaeta 10, Vigo B 7 e pecha a táboa o Ourense B con 6.

Xogaron Antón, Pablo (Roberto), Joel, Antonio Ferreiro, Rober, Antonio Gómez, Javi (Jesús), Miguel, Álvaro, Iván, Óscar, Ramón (Xóse), Luis, Ramiro, Ángel.

Nova cortesía de Xose Ferreiro

RESULTADOS CD AS PONTES FIN DE SEMANA 10-11-12 NOVEMBRO

Triunfos do Alevín A e ambos Benxamíns

FEMININO
CD AS PONTES-EF RACING DE FERROL (1-1)

Empate do Feminino 1-1 ante o Racing de Ferrol, cos goles no primeiro tempo de Paula Baamonde e pouco despois, de Sofía.

As de Julio Montero son novenas con 15 puntos antes de visitar ó Val B, sexto con 16.

Xogaron Leti, Yoli, Carolina Paz, Tania, Indira, Nerea, Xeila, Paula Castro, Carlota, Paula Baamonde, Yara, Lucía e Uxía.

ALEVÍN
MEIRÁS CF B-CD AS PONTES A (0-13)
CD AS PONTES B-SRD PORTUARIOS B (0-3)

O Alevín A gañou 0-13 en Valdoviño, con oito goles de Anxo Blanco, e un de Alexo Platas, Israel Varela, Ali Karim, Xandre Fernández e Diego Lozano. Terceiros con 22 puntos, reciben na derradeira xornada ó sexto, Rápido de Neda B. Para entrar no grupo dos mellores deben gañar e facelo por un gol máis do que o poda facer o Caranza ante o Cariño.

O Alevín B perdeu 0-3 ante o Portuarios B. Undécimos con 3 puntos visitan ó sexto, Narón O Freixo C, que ten 12, na derradeira xornada, xa sendo equipo do grupo cuarto.

BENXAMÍN
SCDR GALICIA DE CARANZA B-CD AS PONTES A (1-3)
CD AS PONTES B-CF SAN SADURNIÑO (8-2)

Gran triunfo do Benxamín A 1-3 ante o líder Galicia de Caranza, goles de Xoel Vigo, Alexander Venancio e Xalo González, co que aínda manteñen opcións de meterse no grupo dos mellores equipos. Terceiros con 19 puntos, reciben ó décimo, CD Narón B.

O Benxamín B venceu 8-2 ó San Sadurniño, dous goles de Xandre Domínguez, Luis Fresco, Lucas Blanco e un de Nacho Villasuso e David Maseda. Son quintos con 10 puntos antes de visitar ó líder con pleno de vitorias Rápido de Neda B.

PREBENXAMÍN
ÁNIMAS SCDR-CD AS PONTES A (3-1)
CD AS PONTES B-RÁPIDO DE NEDA (0-13)

Derrota do Alevín A 3-1 ante o Ánimas, gol de Xoel Galego, co que os ferroláns poñen terra de por medio na clasificación con 19 puntos, por 15 dos ponteses, antes de recibir ó Cedeira, quinto. O Prebenxamín B perdeu 0-13 ante o Neda, e sendo oitavo visita ó sétimo Cedeira B, ambos con tres puntos.

Nova cortesía de Xose Ferreiro

CAMPIONATO DE TAEKWONDO CONCELLO DE AS PONTES

Tivo lugar este sábado no Pavillón da Fraga

Este sábado celebrouse no Pavillón de As Pontes o Campionato Galego de Taekwondo. Previamente, pola mañá, houbo talleres gratuitos desta modalidade deportiva.

Xa pola tarde, no evento, cun carácter de exhibición, preto dun cento de deportistas realizaron a súa participación nos tres tatamis, que consistía en acrobacias, técnica e Freestyle, recibindo cadansúa medalla ó remate.

Polo Pavillón da Fraga puidose ver ao adestrador Antonio Montes, ó Campión de Europa Gabi Tembrás e tamén a Bea Felpeto.

Nova cortesía de Xose Ferreiro

LIGA DE VETERANOS AS PONTES 2017-18

Sufrido triunfo do Mav Abogados, que continúa de líder, seguido de preto por un desatado Muebles Eume

Sétima xornada da Liga de Veteranos e o líder Mav Abogados continúa co seu pleno de triunfos, aínda que nesta xornada custoulle gañar ó sexto clasificado Bar Jardín por un apurado 1-0.

Serviulle de moito ese gol de Juanjo pois mantén os tres puntos de ventaxa sobre un Muebles Eume, que esta xornada se desatou e rubricou a maior goleada no que vai de Liga, 9-1 ó quinto clasificado, A Cepa.

Neste momento o Mav Abogados ten 21 puntos, por 18 de Muebles Eume, 15 de La Galaxia e 12 de Galiorient. Con 10 está A Cepa, 9 Bar Jardín-Lecar 712 e 7 As Pontes 74. Nos derradeiros postos atópanse MMYPEN con 6, Farmavida con 4 e Electricidad J & O cun punto.

Esta xornada deixounos cambios na lista de goleadores, i é que Kivo, do Muebles Eume, que esta xornada anotou catro, leva 10 tantos, por 9 de Tomás (Galiorient) e 7 de Juan (La Galaxia).

Resultados 7ª Xornada

As Pontes 74 – Electricidad J&O (1-0) (Paz)
Muebles Eume – A Cepa (9-1) (Kivo 4, Oscar Dorado 3, Lucho 2 / Fernández)
Bar Jardín Lecar 712 – MAV Abogados (0-1) (Juanjo)
MMYPEN – Galiorent (2-4) (Chavo 2 / Tomás 2, Manel, Juan)
Farmavida – La Galaxia (0-2) (Juán, Senén)

Calendario 8ª Xornada

18/11/2017 19:00 MUEBLES EUME – AS PONTES 74
18/11/2017 20:00 ELECTRICIDAD J&O – BAR JARDÍN
19/11/2017 10:00 LA GALAXIA – MAV ABOGADOS
19/11/2017 11:00 GALIORIENT – FARMAVIDA
19/11/2017 12:00 A CEPA – MMYPEM

Nova cortesía Tino Prieto e Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s