CD As Pontes Feminino

COPA DE GALICIA. SPORT SALA CULLEREDO FS-O ESTEO FS (2-5)

O equipo pontés de fútbol sala accede á penúltima rolda 

O Esteo pontés de Fútbol sala logrou este sábado a clasificación para as semifinais da Copa de Galicia tras vencer en Culleredo.

A pesar de ser un rival de Terceira División, non era nada doado pois o equipo coruñés ocupa a quinta posición, sendo ademais con diferencia o máximo goleador da categoría.

Como xa se sabía, o encontro foi moi duro e pese ao tanto inicial de Martín, empataba Socastro, que xogara en División de Honra e fora cuarto no Mundial Universitario 2004 con España. Antes o descanso Ayala voltaba a poñer terra de por medio pero iniciado o segundo empataba Michel.

Pero nos últimos minutos, dous tantos de Pana e un de Héctor deron a clasificación ó equipo de Javi Saa, que ten a posibilidade de encontrarse na penúltima rolda cun dos tres mellores conxuntos galegos.

De vencer estes equipos as súas respectivas eliminatorias, claro está, o cadro pontés podería cruzarse co Santiago ou O Parrulo, de Primeira, ou o Burela, en Fase de Ascenso na Segunda.

FICHA DO PARTIDO

SPORT SALA CULLEREDO FS: Castro, Vitu, Socastro, Óscar, Nandi –cinco inicial- Bichi, Alex, Manitas, Michel.

O ESTEO FS: Javichu, Martín, Héctor, Pana, Gago – cinco inicial – Rober Paz, Ayala, Dani, Jesús.

ÁRBITROS: Dans Rey, García Vázquez (A Coruña). Amarela a Rober.

GOLES: Min. 1 (0-1), Martín. Min. 5 (1-1), Socastro. Min.15 (1-2), Ayala. Min. 31 (2-2), Michel. Min. 32 (2-3), Pana. Min.36 (2-4), Héctor. Min. 40 (2-5), Pana.

INCIDENCIAS: Pavillón Municipal de Tarrío. Uns 150 espectadores.

Nova cortesía de Xose Ferreiro e Moisés Fernández

SEGUNDA TERRITORIAL GALEGA. SANTIAGO RC 7 – CR FENDETESTAS 27

O equipo pontés de rugbi é líder con 39 puntos 

Golpe de autoridade do Fendetestas pontés, que venceu este sábado 7-27 ó Santiago, e sentenciou a un posible rival na loita pola primeira praza, xa que hai pouco lle vencera no partido aprazado 47-0.

O partido xa marchou 7-22 ó descanso cos ensaios de Joel, Antonio e Rafael, máis un golpe de castigo e dúas transformacións de Rober, e no segundo tempo Joel conseguiu o cuarto que outorgaba ademais o bonus ofensivo.

Á espera do que aconteza este domingo entre Zalaeta e Muralla, os verdes lideran a táboa con 39 puntos, seguidos do equipo de Arteixo con 35, Mareantes B con 30, Santiago con 28 e Muralla con 23.

Xa moi lonxe Vigo B con 14, Barbanza 13, e Ourense B 7. Na vindeira xornada o Fendetestas recibe ó Zalaeta nun encontro que pode decidir o campión.
Xogaron Gallardo, Antón (Andrés 53´), Joel, Toño, Rober, Antonio, Miguel, Álvaro, Iván, Óscar, Rafael, Luis (Javier 60´), Víctor, Asier (Roberto 64´), Jesús.

Nova cortesía de Xose Ferreiro

PREFERENTE NORTE. CD AS PONTES 7 – DUMBRÍA 0

O As Pontes ascende á terceira praza tras golear ó Dumbría 

O CD As Pontes logrou este domingo unha das súas goleadas máis históricas, xa que en partidos de Liga anotou sete ou máis goles en 21 ocasións contando co partido de hoxe.

Venceron 7-0 ó Dumbría, equipo que curiosamente no incio de Liga derrotou ós azuis por-2-1, e o encontro xa quedaba visto para sentencia co terceiro gol no minuto 23 ou co 4-0 antes do descanso. O primeiro tanto chegaba pronto tras un pase en profundidade no que se desmarca Rubén Pardo que regatea ó porteiro visitante e marca de tiro cruzado coa porta baleira (6´).

Logo chegou o segundo, tras un centro de Pardo por banda esquerda que Eloy remata de primeiras de tacón, despexa o porteiro e aproveita para empalar Fidi de forte disparo ó fondo das mallas (14´).

O terceiro foi tras un saque de córner de Bossa que rematou o seu paisano Rego de cabeza ó fondo das mallas (23´), e o cuarto tras outro centro de Rubén Pardo, nesta ocasión dende a banda esquerda, que remata de primeiras Eloy e entra o balón moi axustado ó poste (44´).

Resaltar neste primeiro tempo dous remates moi preto do escuadro de Pardo (9´), e Fidi (28´), e un remate de Eloy tras centro de Criado no que manda un trallazo ó lateral da rede (42´).

Pese a que o segundo tempo comezou cunha vaselina de Pesco que marcha por pouco (48´), puido chegar o quinto dos locais cun cabezazo de Pardo ó poste tras centro de Criado (52´), ou nun balón que se lle escapa ó porteiro e casi o aproveita Dani (54´).

Pero foi nunha xogada na que Adrián Iglesias se desmarcou por banda esquerda, regatea ó porteiro, pero xa moi escorado remata como pode, e pesca o balón dentro da área Quique, que marca de forte tiro cruzado (62´).

Maroñas queda completamente só con campo por diante, plantase ante Iván, quere picarlle o balón, pero o seu disparo alto desviao a córner o gardamallas visitante (64´).

O sexto chegaba tras cabecear impecablemente Adrián Iglesias un centro dende banda dereita de Maroñas ante o que nada puido facer o porteiro (66´).

E despois dun lanzamento de Ramos preto do escuadro (81´) logrouse o sétimo tanto, tras un riguroso penalti cometido polo gardameta sobre Adrián Iglesias que o propio xogador de Agolada se encargou de tirar, detivo Iván, pero ó rexeite mandao Iglesias ó fondo das mallas logrando o seu sétimo tanto da campaña (86´).

O As Pontes xa é terceiro con 37 puntos antes de visitar ó Sofán, noveno con 28. Pero desgraciadamente no día máis feliz da campaña despídese o seu máximo goleador con 9 tantos Eloy, que marcha por unha oferta laboral a Alemaña, onde tamén seguirá marcando goles.

Tralas baixas de Jaime Leira, e de Diego Chis, e esta tan importante do dianteiro coruñés, agárdase alguna necesaria incorporación no que queda de mercado invernal dado que restan 18 partidos moi peliagudos que de momento só se poderán afrontar con dezaseis xogadores dos que son habituais nas convocatorias.

Das 21 vitorias por sete ou máis goles do As Pontes en Liga desde que se fundou en 1960, a maior é un 13-0 ó San Mateo (1978), equipo ó que se lle gañou tamén 0-10 (1977). Por 9-0 gañouselle a Ortigueira (1976) e Galicia Cedeira (1977), 9-1 ó Limodre (1978), e 8-0 a Ortigueira (1978) e Colonia Moscardó de Madrid (1995). Por 1-8 gañouse a domicilio ó Cebarca (1978).

O resultado de 7-0 foi o máis repetido pois conseguiuse ante Arcade (1965), Alondras (1966), Numancia de Ares (1973), San Tirso (1984), Viveiro (1995) e Dumbría (2018). Pero tamén se gañou 0-7 a Arcade (1970), Numancia de Ares (1973) e Ortigueira (1977).

Por 7-1 gañouse ó Estradense en 1968 e 1-7 ó Coruxo que hoxe en día milita na Segunda B en 1987. Por 7-2 se venceu ó Corcubión en 1980 e 2-7 ó Brollón en 2004.

7 CD As Pontes. Paco, Criado, Rober, Rego, Dani, Adrián, Quique (Alex 68´), Bossa (Ramos 68´), Eloy, Fidi (Maroñas 58´), Pardo (Iglesias 58´).

0 Dumbría. Iván, Pablo, Raúl (Matías 17´), Aarón, David (Miguel 58´), Iago, Makay, Edu (Marcote 50´), Pesco, Diego, Jose Miguel (Thiago 75´).

Goles: 1-0, Pardo (6´), 2-0, Fidi (14´), 3-0, Rego (23´), 4-0, Eloy (44´). 5-0, Quique (62´), 6-0 Iglesias (66´), 7-0, Iglesias (86´).

Árbitro: Amine Alaoui Soulimani (Santiago). Auxiliado nas bandas por Maldonado González e Calvelo Iglesias. Amarelas a Iglesias e Matías.

Campo e incidencias: Campo de O Poboado. Uns 100 espectadores, en tarde fría e soleada. Gardouse un minuto de silencia polo falecemento de Bra, que fora mítico porteiro once tempadas no Calvo Sotelo dos anos 60-70, e por Servando Seijo, cuñado do delegado Suso e tío do xogador Dani Fernández.

Nova cortesía de Xose Ferreiro

RESULTADOS CD AS PONTES SEMANA 12-13 XANEIRO

Estreo do 2018 para os equipos de base con vitorias de Femino, Xuvenil, Alevín A, e ambos Benxamíns. 

FEMININO
CD AS PONTES-CD CARIÑO (5-2)

Gran vitoria do equipo feminino ante o Cariño, que era o terceiro clasificado, por 5-2. Tras chegar ó descanso con empate a 1-1, as de Julio Montero foron moi superiores no segundo tempo, xa que incluso Paula Baamonde tivo un man a man coa porteira e outra ocasión na que o seu forte disparo desviouno a córner in extremis co corpo a gardamallas visitante.

Alcanzan ó Cariño na terceira praza, ambos con 31 puntos. No inicio da segunda volta reciben ó Maniños, que leva pleno de 15 vitorias. Xogaron Leti, Yoli (1), Tania, Indira, Noelia (1), Xeila, Paula Castro (1), Carlota, Paula Baamonde (1), Yara e Uxía.

XUVENIL
CD AS PONTES-SRD PORTUARIOS (6-0)

O Xuvenil pontés venceu 6-0 ó gran equipo do Portuarios, ó que xa gañara nos dous encontros das semifinais de Copa de Ferrol, pero hoxe non houbo cor e os de Felipe Mieres xa sentenciaron ao descanso ao que se chegou 4-0 cos tres tantos de Cazás e un de Josiño.

No segundo tempo, con todo feito, anotou o quinto Óscar, que se desfixo de varios defensas e acabaou marcando de forte disparo raso dende fóra da área, e o sexto Carlos, nas postrimerías, quen tras quedar só bateu no man a man ó porteiro visitante.

Lidera o intratable Eume con 21 puntos, por 18 do Narón A, 15 de As Pontes e 13 de Portuarios, ambos cun encontro menos. Na vindeira xornada visitan ó oitavo, Maniños.

Xogaron Meidán, Carlos, David, Pablo, Breijo, Vilela, Óscar, Chema, Cazás, Xose, Andrés e despois Fraga, Dani, Cristian, Alex Barro e Jose.

CADETE
SCDR ÁNIMAS-CD AS PONTES (3-0)

O Cadete pontés perdeu 3-0 co Ánimas. Sextos con nove puntos, na vindeira xornada reciben ó Cariño, que pese a marchar décimo, todo hai que dicilo, foi o único conxunto capaz de gañar ó Amistade de Meirás.

Xogaron Francisco, Xavi, Adrián, Alejandro, Antonio, Eyob, Santi, Nono, Vicente, Xan e Jandro, saíndo despois Xoel e Dani.

INFANTIL
SD O VAL-CD AS PONTES (2-2)

O Infantil empatou 2-2 na súa visita ó Val, pese a ir gañando 0-2 e incluso empatando os valexos no tempo de desconto.

Cuartos con 14 puntos na vindeira xornada reciben ó líder con pleno de triunfos Racing de Ferrol B.

Xogaron Mario Regueiro, Eloy, Anxo, Íker, Samuel, Xose, Ángel (1), Mario Fraga, Diego, Hugo Blanco (1), Luis, Iago, Hugo Bouza, Alejandro, David e Sergio.

ALEVÍN
CD AS PONTES A-EUME DEPORTIVO B (5-2)
CD NARÓN B-CD AS PONTES B (3-2)

O Alevín A gañou 5-2 ó Eume Deportivo B, e adícoulle a vitoria a Xandre Fernández, que esta semana foi operado dun pé (foto cortesía Xose Blanco). Son cuartos con 7 puntos antes de visitar ó líder con pleno de triunfos Narón O Freixo. Dous goles de Israel varela e un de Anxo Blanco, Alexo Platas e Sergio Vázquez.

O Alevín B pola súa banda perdeu 3-2 ante o Narón B, tantos de Xalo García e Andrea Cruz, e cun punto recibe ó Rápido de Neda, oitavo.

BENXAMÍN
SCDR ÁNIMAS-CD AS PONTES A (0-3)
CD AS PONTES B-SCDR GALICIA DE CARANZA D (4-1)

O Benxamín A gañou 0-3 ó Ánimas e cuarto con seis puntos, recibe ó terceiro Rápido de Neda B. Dous goles de Xoel Vigo e un de Xavi Regueiro.

O Benxamín B pola súa banda gañou 4-1 ó Caranza D, tantos de Naúl Súarez (2), Alex Basanta e Nacho Villasuso, i é terceiro con 6 puntos antes de visitar ó Libunca, sexto.

PREBENXAMÍN
EF RACING DE FERROL-CD AS PONTES A (5-4)
CD AS PONTES B-EF RACING DE FERROL D (4-8)

O Prebenxamín A perdeu 5-4 nun disputado encontro ante todo un Racing de Ferrol. Sextos con tres puntos na vindeira xornada reciben ó colista San Pedro. Dous goles de Xoel Galego e Íker Díaz.

O Prebenxamín B perdeu 4-8 co Ferrol B, tantos de Xoel Timiraos (2), Xalo Franco e Izan Carro. Na vindeira xornada visitan ó Val, sexto.

Nova cortesía de Xose Ferreiro

LIGA DE VETERANOS 2017-18

O Mav Abogados da un paso de xigante de cara ó título de Liga

Esta fin de semana decidíase parte do devenir da Liga pontesa de Veteranos no enfrontamento entre os dous primeiros clasificados empatados a puntos, e o Mav Abogados gañou con contundencia ó Muebles Eume ó que gañou por 4-0, aventaxandoos agora en tres puntos mailo goal average. Magoa que o partido fora de noite e con moita choiva.

No resto de encontros, o Farmavida gañou por incomparecencia do Electricidad J&O, e tamén triunfos de La Galaxia, A Cepa e Galiorient.

Lidera Mav Abogados con 33 puntos, seguido de Muebles Eume con 30. La Galaxia suma 25, A Cepa 20, Galiorient 19, Bar Jardín 16 e Farmavida 13. Con 9 puntos queda MMYPEN, 7 para As Pontes 74 e 3 Electricidad J&O.

Poucos movementos na táboa de goleadores que segue liderada por Juan (16), seguido de Kivo (14), e Fernández e Tomás (13).

RESULTADOS 12ª XORNADA
Farmavida-Electricidad J &O (3-0)
MAV Abogados-Muebles Eume (4-0) (Juanjo 2, Iván, Rivas)
Bar Jardín-Galiorient (0-1) (Geluco)
A Cepa-As Pontes 74 (2-0) (Alberto- Ramón)
La Galaxia-MMYPEN (2-0) (Nené, Fontao)

CALENDARIO 13ª XORNADA

20/01/2018 19:00 MAV ABOGADOS-A CEPA
20/01/2018 20:00 GALIORIENT-ELECTRICIDAD J&O
21/01/2018 10:00 LA GALAXIA-AS PONTES 74
21/01/2018 11:00 MMYPEM-FARMAVIDA
21/01/2018 12:00 BAR JARDÍN-MUEBLES EUME

Nova cortesía de Xose Ferreiro e Tino Prieto

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s