CD As Pontes Feminino

PARTIDOS CD AS PONTES SEMANA 2-3-4 MARZO

Complicado partido do As Pontes ante o Atlético Arteixo 

O As Pontes recibe este domingo, 17:00, a un complicado rival como o Atlético Arteixo, en encontro arbitrado por Xesús Fontes Mosqueira (Santiago).

O cadro arteixán é un caso curioso coma o do Xallas. Comezou a Liga nos postos de abaixo, e a día de hoxe está a un só punto dos ponteses.

De feito, na visita do cadro azul a Ponte dos Brozos, os ponteses eran terceiros con 13 puntos e os coruñeses penúltimos con cinco, estando na xornada anterior de últimos con só dous.

Nun encontro que comezou con dominio absoluto do As Pontes, na única aproximación local, nunha xogada sen perigo, tras un inocente penalti, chegaron os tres puntos locais.

De aí ata o de agora o cadro arteixán suma unha boa racha, de feito se nas seis primeiras xornadas perdeu catro encontros, nas vinte seguintes apenas perdeu tres, ante Polvorín, Dubra e Sofán.

Gañou a domicilio ó Arzúa, ou na casa ante o Castro, feudo no que tamén gañou con contundencia 3-0 ó líder Paiosaco.

Dirixido polo mítico Mauro García Juncal, ex xogador de Primeira, conta nas súas filas co ex xogador pontés Dapo, ou Javier Manjarín fillo. Otero leva dez tantos, e o ex compañeiro de Rochela nas categoría inferiores do Deportivo, Dani Bea, sete.

No As Pontes está adestrando desde esta semana o medio centro cedeirés Toni Rodríguez, que xa estivera dúas tempadas no equipo, unha no B, e outra no de Terceira. Polos visitantes será baixa Alex Montes.

Nos partidos no Poboado, dous empates en Terceira, e un triunfo local en Preferente.

PREFERENTE
CD AS PONTES-ATLÉTICO ARTEIXO (DOMINGO 4, 17:00)

FEMININO
UD CEBARCA-CD AS PONTES (SÁBADO 3, 16:30)

XUVENIL
RÁPIDO DE NEDA-CD AS PONTES (SÁBADO 3, 17:00)

CADETE
CD AS PONTES (DESCANSA)

INFANTIL
SCDR ÁNIMAS-CD AS PONTES (VENRES 2, 19:00)

ALEVÍN
CD AS PONTES A-SCDR GALICIA DE CARANZA (VENRES 2, 17:30)
CD AS PONTES B-MEIRÁS CF B (SÁBADO 3, 11:30)

BENXAMÍN
CD AS PONTES A-EF RACING DE FERROL (SÁBADO 3, 12:40)
CEDEIRA SD-CD AS PONTES B (VENRES 2, 18:00)

PREBENXAMÍN
CD AS PONTES A-SCDR GALICIA DE CARANZA B (VENRES 2, 18:30)
EF RACING DE FERROL B-CD AS PONTES B (VENRES 2, 18:15)

Nova cortesía de Xose Ferreiro

O ESTEO FUTBOL SALA

O Esteo recibe ó Ventorrillo coruñés nun importante partido 

O Esteo pontés de fútbol sala recibe este sábado no Pavillón da Fraga ó Ventorrillo da Coruña. O equipo pontés, con 23, alonxa en catro puntos ó Leis, en cinco ós coruñeses, e en dez ó colista Unión Arroyo, que en principio sería o único descendido.

Pero non sería a primeira vez que nesta categoría, sobre a marcha, se cambia o número de descendidos, como pasara, de un a tres nin máis nin menos, na 2015-16, así que, a pesar da pouca probabilidade, mellor alonxar os postos de descenso, e quedar o máis arriba posible.

Non será doado o cadro coruñés, equipo que nas 14 primeiras xornadas só lograra un triunfo, precisamente ante O Esteo, e que nas últimas catro leva unha impresionante racha de tres triunfos por unha soa derrota ante o líder Zamora.

Non coñece a vitoria o Esteo na casa ante o conxunto coruñes na Segunda B, xa que so houbo un empate, 2-2 na primeira campaña, pero nas seguintes, un sonado 5-10, que ademáis fora o único triunfo dos coruñeses nesa campaña, un 2-5, e un 4-9 na tempada pasada.

Como é habitual, o equipo conta con moitas baixas, Ayala, e Javichu, Gago, Diego e Juan por motivos físicos, aínda que si estará dispoñible Martín.

SEGUNDA DIVISIÓN B (19ª xornada)
O ESTEO FS-VENTORRILLO
Sábado 3 – Marzo – 2018 (18:30)
Pavillón A Fraga

Liga da Terra Chá
– Sábado 3–
Cadete. O Esteo-A Pontenova (12:00)
Infantil. O Esteo A-O Esteo B (11:00)
Benxamín. A Pastoriza-O Esteo (11:30)
Prebenxamín. Meira-O Esteo (11:30)

Nova cortesía de Xose Ferreiro

Esta entrada foi publicada en Calendario tempada 2008/09. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s