CD As Pontes Femenino

ACTUACIÓN DE BORJA PRIETO NOS CAMPIONATOS DE ESPAÑA

O palista pontés acadou unha medalla de prata

O piragüista pontés Borja Prieto Valera obtivo uns magníficos resultados esta fin de semana nos Campionatos de España disputados en Verducido.

Borja participou en dúas probas. No K2-500 do sábado, xunto ao seu compañeiro Campión Mundial Sub23 Juan Oriyés, foron cuartos na contrareloxo, e terceiros na súa semifinal. Xa na gran final, acabaron oitavos, nunha proba gañada polo Kayak Tudense do xenial Roi Rodríguez, e Sebastián Delgado.

No K2 200 do domingo, foron segundos na súa semifinal, acadando o mesmo posto na gran final (34:19), só por detrás do Ría de Aldán do Campión Olímpico en Pekín 2008, Perucho, e Diego Dacosta (33:54), quedando terceiro o Villaralbo (34:29).

Nova cortesía de Xose Ferreiro

O CD AS PONTES XA CONTA CON 17 XOGADORES

Novos movementos no clube pontés a poucos días da súa presentación

Nestes últimos días o CD As Pontes anunciou a fichaxe de Alex Sánchez, xove defensa coruñés con pasado no Bergantiños, Laracha, Betanzos, e as categorías inferiores do Deportivo.

Tamén se anunciou a renovación de Bossa, que seguirá unha campaña máis levando a batuta do equipo, na que será a súa novena tempada no clube.

O equipo ten a día de hoxe 17 futbolistas. Paco e Pelayo na portería, Rego, Dani, Martín, Alex Sánchez, Alex Cabarcos e Criado na defensa, Bossa, Martínez, Fidi, Toni, Ramos, Quique e Pardo no medio, e arriba Erni e Sergio.

Nova cortesía de Xose Ferreiro

O ESTEO FS XA CONTA CON NOVE XOGADORES

O clube pontés fixo estes días catro fichaxes

O equipo pontés de fútbol sala do Esteo firmou estes días catro novas incorporacións, ademais das cinco renovacións coas que xa contaba, as do porteiro Javichu, e a dos xogadores de pista, Héctor, Rober Paz, Ayala e Dani.

A incorporación de maior renome sen dúbida é a de Alex Durán. O xogador de 23 anos estivo a campaña anterior a cabalo entre O Parrulo, de Primeira División, e o Puertollano, de Segunda, equipo que terminou xogando a fase de ascenso. Tamén se incorpora Cokito, do Cidade de Narón.

O ex xogador do CD As Pontes de 30 anos, Troncho, cambia o Campo do Poboado polo Pavillón da Fraga. O seu irmán Nené xa xogara hai anos no equipo pontés.

Tamén estará ás ordes de Óscar Vigo o xogador pontés de 17 anos Bruno Silvén, que xogara nas categorías inferiores do CD As Pontes e logo pasara polos equipos de base do Azkar Lugo e Lugo Sala, e tamén da Selección Galega.

Nova cortesía de Xose Ferreiro

TORNEO DE TENIS FESTAS DO CARME 2018

Ao longo da semana disputouse o evento en sete categorías

Ao longo desta semana disputouse en As Pontes o Torneo de Tenis das Festas do Carme 2018.

Na final absoluta federada impúxose o local Ángel Montero (Casino Ferrolano) a Iván Sánchez (Casino Coruña), mentres que na non federada o gañador foi Carlos Pedreira, que logrou o triunfo no derradeiro partido ante Iván Justo.

Noutras categorías, en Cadete, Álvaro Rodríguez gañou a David Maceiras, en infantil federado Hugo Teijeiro impúxose a Pablo Santalla, e na mesma categoría, non federada, o local Alex Montero venceu ó tamén local Pablo Díaz.

Xa nos máis pequenos, en Alevín feminino, Alejandra Vázquez gañou a Carla Feal, o mesmo que fixo Tomás Jose González ante Diego Fernández en Benxamín.

Ó remate do evento este venres á tarde, entregaron os diversos trofeos o Concelleiro de Deportes Chicho Tembrás, e Paulino Fernández, Presidente do Club de Tenis As Pontes.

Nova cortesía de Xose Ferreiro

DEPOR CAMPUS AS PONTES 2018

Tivo lugar esta semana nos Campos do Poboado.

Preto dunha trintena de rapaces, de 6 a 14 anos, participaron durante esta semana, de luns a venres, en horario de 10:00 a 14:00 horas, no segundo Campus do Deportivo da Coruña levado a cabo nos Campos do Poboado.

Ó remate do evento entregáronse ós diversos cativos participantes diplomas, bufandas e entradas para ver un partido do Deportivo en Riazor. Tamén se sortearon diversos agasallos.

Estiveron presentes o Concelleiro de Deportes, Chicho Tembrás, e a xogadora pontesa do clube herculino, Raquel Béjar.

Nova cortesía de Xose Ferreiro

MARATÓN DE FÚTBOL SALA FESTAS DO CARME 2018

Tivo lugar esta fin de semana na pista de Santa María

Esta fin de semana levouse a cabo na Pista do Colexio Santa María de As Pontes o tradicional torneo de fútbol sala das Festas do Carme.

No evento participaron dende o venres 30 equipos, 19 masculinos, 7 veteranos e 4 femininos. O domingo á tarde disputáronse as tres finais.

Na feminina gañou Miss Cafeína a Al-Ahly Diego Soto Espectáculos, por 3-1, remontando o gol inicial das rivais.

Na final de veteranos gañou Electricidad J & O 2-1 á Taberna de Michel Ub2, que recurtou distancias nos últimos minutos, pero acabaronse levando o título os amarelos.

Xa na final masculina enfrontábanse Muebles Eume e Excalibur Eventec Ub2, que se desfixeran en semifinais de Fontanería Joscar e Bar Calvo respectivamente.

Comezou gañando o equipo branco 3-0, e pese a que os alaranxados empataron 3-3, un tanto de Rober Paz situou o 4-3 definitivo.

Ao final do evento entregaron os diversos trofeos o Presidente de O Esteo FS, Fran Fernández, e o Concelleiro de Deportes, Chicho Tembrás.

Mellores xogadores foron elixidos Alex Cabarcos (Muebles Eume), Peque (Electricidad J & O) e Paula Doce (Miss Cafeína), e mellores porteiros Buxía (Muebles Eume), Harry (Electricidad J & O) e Sara Cachaza (Al-Ahly).

Nova cortesía de Xose Ferreiro

Esta entrada foi publicada en Outros deportes en As POntes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s