CD As Pontes Feminino

MALENA MIERES GARCÍA CAMPIONA DE EUROPA

Sétima deportista de As Pontes que consigue un ouro europeo, ademáis de seis mundiais

Fito histórico para Malena e o deporte pontés na tarde deste luns despois de conseguir a Selección Española Sub19 o título europeo tras gañar 1-0 á Alemaña na gran final no torneo disputado en Suiza.

Triunfo moi merecido do combinado español tras un gol da xogadora do Espanyol María Llompart, de falta directa quedando dez minutos para o final, despois de estrelar catro balóns nos postes Rosa Márquez, Nerea Eizaguirre, Athenea Del Castillo e Carla Bautista.

Malena convírtese na sétima deportista pontesa que gaña un ouro europeo. Anteriormente David Rochela xa fóra Campión Europeo Sub17 en Bélxica 2007, sendo tamén subcampión mundial da categoría en Corea do sur no mesmo ano. O piragüista Antonio Polo foi doble Campión de Europa de Maratón de Veteranos en Portugal en 2013 e 2017. Tamén o piragüista Borja Prieto Valera foi Campión Europeo Sub23 en Polonia 2004 ademáis de bronce absoluto en Alemaña 2009 e cuarto no Mundial de Canadá do mesmo ano. Gabriel Tembrás foi Campión Europeo Junior de Taekwondo en Alicante 2013, e o patinador artístico Mario Calzas foi ouro na Copa de Europa Alcoy 1999 e ouro no Europeo de Eslovenia 2001. Mención aparte para Miguel Alvariño, ouro individual nos Xogos Europeos de Bakú 2015, e prata por equipos.

No capítulo de Campións Mundiais ponteses, Alvariño merece outra mención aparte, ouro na Copa do Mundo de México 2015, sendo ademáis subcampión mundial junior en China 2013. Roberto Rivera foi adestrador da selección sub21 de Kaiak Polo que gañou o Mundial de Xapón 2004 tras vencer 4-3 a Italia na gran final. Artemio Formoso foi Campión Mundial de Tiro Handisport en 2010, Jose Rodríguez “Cope” de Kung Fú en Estados Unidos en 1990, e Jose Antonio Meizoso Campión Mundial de Futbolín en Punta Umbría. Tamén o polifacético Iván Pena quedou Campión Mundial de Waveski Surf por equipos en Portugal 2016, ademáis de ser internacional español de Kaiak Polo ou Campión de España de Piragüismo.

Outros medallistas internacionais ponteses foron a gran Gema Buitrón, que entre os seus múltples éxitos foi subcampiona de Europa por equipos de Tiro con Arco en Italia 2010, a gran Lucía Legaspi, bronce Europeo Croacia 1995 e bronce Mundial Barcelona 1996, Junior, de Taekwondo. O piragüista Dani Feijoo foi dobre subcampión mundial Junior en Finlandia 1997 e posteriormente prata na Copa de Europa de Maratón en 2006 xunto a Polo. A gran atleta Susana Castro foi doble medallista de bronce coa selección española junior en Arxelia 2004. Tamén Olalla Barcia e Vanessa Carballeira foron medallista de bronce na Copa de Europa de Patinaxe Artístico.

Abrindo o abanico, o propio tío de Malena, Carlos Mieres, foi cuarto no Europeo de Kaiak Polo en Madrid 2005 xunto a Serafín Fontao, ou Dani Castro cuarto no Europeo Cadete de Tiro con Arco Eslovenia 2014. Os propios pais de Malena, Javier Mieres e Obdulia García, gañaron o prestixioso Descenso Internacional do Sella, fito que tamén lograron o gran Jose Ramón Corral ou Susana Bellas. En definitiva, día grande para Malena e o deporte pontés.

Nova cortesía de Xose Ferreiro

ESPAÑA CLASIFICA PARA A GRAN FINAL

Xogará o vindeiro luns contra Alemaña

A Selección Española Sub19 feminina de fútbol logrou hai uns minutos a clasificación para a final do Campionato de Europa tras gañar a Dinamarca por 1-0, tanto da xogadora pontevedresa Tere Abelleira.

O partido de semifinais foi moi complicado como se agardaba, e de feito no primeiro período dominaron as nórdicas, que incluso estrelaron dous balóns no longueiro, ante unha España que apenas inquedou a área visitante.

No segundo período, cambiou o guión, e España apretou dende o inicio. Mediado o tempo, a medio centro do deportivo Tere Abelleira marcou un gran tanto nun forte disparo dende uns 35 metros, que se lle acabou colando por riba á gardamallas danesa.

Tivo dúas claras ocasións Athenea Del Castillo para sentenciar, pero houbo incertidume ata o último instante xa que o combinado español concedeu moitos córners, co consabido perigo ante un equipo tan físico.

Non se moveu o electrónico e España xogará a gran final do torneo contra Alemaña, que venceu 2-0 na outra semifinal a Noruega con dous tantos xusto no final do primeiro período e no inicio do segundo.

Alemaña é o gran dominador da categoría, con seis títulos, e nas finais das alemanas contra as españolas, en sub17, catro vitoria teutonas, tres por penaltis, por unha soa española, precisamente este ano, e na categoría sub19, triunfo alemán 4-2 na final do 2000, e vitoria española na do 2004, con tantos de Iraia Iturregui e Jade Boho.

Nova cortesía de Xose Ferreiro

ESPAÑA ALCANZA AS SEMIFINAIS DO EUROPEO SUB19

Os catro semifinalistas serán Dinamarca, Alemaña, Noruega e España

A selección española feminina sub19, na que está a xogadora pontesa Malena Mieres, ven de clasificarse hai uns minutos para as semifinais do Campionato de Europa.

España, que comezou con mal pé no torneo tras caer 0-2 ante Noruega, refíxose tras vencer 2-0 a Suiza, tantos de Olga Carmona e Rosa Márquez, e tras gañar hoxe á sempre complicada selección francesa por 2-1 cos goles de Athenea del Castillo e Olga Carmona.

O grupo A remata con Noruega de primeira, e España de segunda, ambas con 6 puntos, seguidas da locataria Suiza con 4, e Francia con 1, xa eliminadas.

Tamén emocionante estivo o grupo B, onde houbo un triple empate a seis puntos, no que clasificaron Dinamarca de primeira, e Alemaña de segunda, quedando fora Holanda, cos mesmos puntos, e Italia, sen puntuar.

Este vindeiro venres 27 xogarán por unha parte Noruega e Alemaña, nun duelo curioso, entre as alemanas, que son as que máis veces gañaron a competición, seis, e as noruegas, o mellor equipo dos que nunca gañou, xa que foron catro veces finalistas e alcanzaron as semifinais en oito ocasións.

Pola outra banda cruzaránse España, gañador da última edición, en 2017, ademáis da de 2004, con Dinamarca, a gañadora do primeiro Europeo sub19 Feminino en 1998. O conxunto danés liderou o seu grupo pese a comezar o evento perdendo 0-1 ante Alemaña, gañando despois 1-0 a Italia, e hoxe 3-1 nun duelo directo con Holanda.

Malena foi suplente da porteira do Oviedo, María Echezarreta, nos dous primeiros encontros disputados, xogando completo este partido ante o equipo francés.

Nova cortesía de Xose Ferreiro

O XUVENIL DO CD AS PONTES COMEZA A PRETEMPORADA

O equipo prepara o retorno á Liga Galega

O Xuvenil A do CD As Pontes, dirixido por Felipe Mieres, que esta campaña competirá na Liga Galega, botou a andar este venres á tarde.

Será a 22ª temporada do cadro azul nesta categoría, equipo que xa estivera tamén sete campañas na Liga Nacional e unha na División de Honra, 2007-08.

Esta campaña poderanse ver no Campo do Poboado, entre outros encontros, os derbis contra o Galicia de Caranza, O Val, e Viveiro.

Nova cortesía de Xose Ferreiro

COPA DEPUTACIÓN DE A CORUÑA. SD O VAL DE NARÓN 1 (3) – CD AS PONTES 1 (2)

O conxunto pontés cae nos penaltis na primeira eliminatoria

O As Pontes caeu derrotado nos penaltis na primeira eliminatoria da copa Deputación polo Val de Narón no encontro xogado este domingo á tarde en Sinde.

Agás Dani, Ramos, Toni, e o fichado Martín, que aínda non adestrou co grupo, presentaba o equipo hoxe verdinegro toda a súa artillería.

O As Pontes buscou o gol dende o inicio, e cabe destacar un axustado disparo de Quique que desvía a córner o ex porteiro pontés Rafa (12´), un pase de Cabarcos a Pardo que dispara por riba do escuadro (25´), e outra de Bossa que dende fóra da área remata por riba do longueiro (28´).

Ata que chegou o gol, nunha internada de Pardo por banda dereita que acaba prantándose ante Rafa e marcando de disparo cruzado coa perna cambiada (33´).

Pouco durou a ledicia, pois os locais, que xa avisaran nunha ocasión na que despexou Paco a córner (22´), desta vez nunha contra e tras un desbaraxuste visitante era Caamaño quen volvía a quedar só e desta vez non perdoaba batendo a Paco de tiro cruzado (37´).

Antes do descanso puido volver a adiantarse o As Pontes, pero tras un gran pase de Bossa, a cabezada de Pardo marcha un palmo por riba do longueiro (44´), e trala reanudación, primeiro era Sánchez o que tiña una doble ocasión tras saque de córner (52´), e máis clara foi a de Erni, quen tras un pase de Criado, en boca de gol, mandou o balón por alto (54´).

Non obstante, o segundo período foi de dominio máis alterno, e cara ó final puido marcar o segundo o cadro de Roca, tras unha boa xogada de Sergio, que sobre a liña de córner fai o pase da morte, pero o remate de Sánchez despexao un defensa cando ía cara a gol (74´), e incluso o árbitro anulou un gol de Rego tras saque de falta de Bossa por fóra de xogo (80´).

Sen embargo, nos últimos minutos, puido gañar o equipo local. Avisou nunha xogada na que Pitu se vai de Criado e salva a xogada Rego in extremis (81´), pero a continuación foi Raúl o que o tivo todo de cara para sentenciar, pois prantouse completamente só ante Paco, pero tras regatealo acabou desviando o balón o gardamallas ferrolán e posteriormente sacou baixo paus Sánchez (83´).

Antes do remate voltou a ter outra ocasión moi clara Raúl, que tiña a un compañeiro só, pero botouselle a defensa encima (90´), si ben é certo que nun despexe cara tras de Brandeiro case estivo a piques de marcar na súa porta (89´).

Sen tempo para máis, chegouse ós penaltis, cun As Pontes moi experimentado, contra un O Val que fixo moitos cambios que contaba cun prometedor porteiro, a campaña pasada na Liga Galega Xuvenil.

Máis foi o cadro valexo o que se levou a eliminatoria, pois si ben despois de marcar Garrote e Raúl, fallaron Brandeiro, pois parou Paco, e Dani, por alto, pero anotaron o quinto e decisivo por medio de Pitu.

Polo As Pontes tan só anotaron Sánchez e Peque. Bossa mandouna por alto, Rego ó longueiro e o quinto de Fidi parouno Alex García.

SD O Val. Rafa (Alex 45´), Urbano (Michi 45´), Brandeiro, Priegue (Moi 45´), Beceiro, Garrote, Caamaño (Raúl 63), Pablo (Diego 58´), Dani, Pitu, Iago.

CD As Pontes. Paco, Criado, Cabarcos, Rego, Sánchez, Adrián, Quique (Josiño 71´), Bossa, Erni (Sergio 65´), Fidi, Pardo (Peque 87´)

Goles: 0-1, Pardo (33´), 1-1, Caamaño (37´).

Penaltis: Bossa, por alto. Garrote, gol. Sánchez, gol, Raúl, gol. Rego, ó longueiro. Brandeiro, para Paco. Peque, gol, Dani, por alto. Fidi, para Alex García. Pitu, gol.

Campo e incidencias: Campo de Sinde. Uns 150 espectadores.

Árbitro: Edgar Fraga Villares. Auxiliado por Bustabad e García. Sen amonestacións.

Nova cortesía de Xose Ferreiro

Esta entrada foi publicada en Deportistas destacados/as ponteses/as. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s