CD As Pontes Feminino

PREFERENTE NORTE. CD AS PONTES 6 – SAN TIRSO SD DE ABEGONDO 0

Goleada do As Pontes que deixou o encontro encarrilado no primeiro tempo e continúa liderando a táboa unha semana máis xunto á Sarriana.

Rotundo triunfo do As Pontes na tarde de hoxe no Poboado, 6-0 ante o San Tirso de Abegondo, o que fai que continue liderando a táboa unha semana máis xunto á Sarriana. Xa se marchaba ao descanso cun tanteador de 5-0.

O equipo de Abegondo chegaba con dous vellos coñecidos, como o media punta de Cabanas, Álvaro Rey, que o ano pasado anotou 13 goles, e David Prieto, que se ben hai dúas tempadas soía actuar de central e medio centro, incluso de lateral dereito, co equipo azul, hoxe fíxoo como extremo esquerdo.

O equipo de Marco Roca comezou dominando, mentres os verdes agardaban atrás ben armados. Ata que no minuto 16 se internaba por banda dereita Ramos, tras recibir un pase de Bossa, centra, e remata de cabeza Pardo na área pequena anotando o 1-0.

O último tramo da primeira metade foi un auténtico vendaval do conxunto local. Pardo pelexa un balón en banda esquerda, centra, e remata a pracer Carlos López chegando dende atrás (30´). E pouco despois era o outra vez Pardo que se internaba, desta vez pola dereita, e o seu envío rematabao desta vez Quique que se anticipou ao defensa que o marcaba, e o balón terminou entrando con algo de suspense (32´).

Buscou poñer fin ao partido o cadro local, e desta vez era Fidi o que se internaba pola frontal da área, cedíalle o balón a Pardo, que fusilaba a pracer ao fondo das mallas (36´). Antes do descanso, tras unha xogada na que Días desvía o balón coas mans dentro da área, anotaba o quinto de penalti o Mago de Viveiro despistando a Lameiro (43´).

Nun segundo tempo con todo sentenciado, ambos equipos buscaron dar descanso a uns, e minutos a outros. Destacar o gol de Sergio Trillo, que pica moi ben ante a saída do porteiro un balón servido dende o propio campo pontés por Alex Cabarcos (72´). O mesmo xogador de Cee cabeceou pouco despois dentro da área, e o balón repeliuno o longueiro co porteiro xa batido (76´).

As Pontes e Sarriana lideran con 15 puntos, seguidos con 13 polo candidato Noia. Próxima xornada visita ó Ordes, duodécimo con 6 puntos, pero histórico do fútbol galego.

Sétimo triunfo local no Poboado por unha vitoria do San Tirso. Nembargantes, esta non é o maior resultado, dado que o As Pontes chegara a vencer 7-0 ó conxunto de Abegondo na 1983-84, hai case 35 anos.

6 CD As Pontes. Paco (Pelayo 53´), Ramos, Alex (Criado 74´), Rego, Martín, Adrián, Carlos (Sánchez 71´), Bossa, Quique (Erni 53´), Fidi, Pardo (Sergio 64´).

0 San Tirso SD. Lameiro, Alfonso, Dias, Madero (Juan 55´), Freire, Roo, Álvaro Rey, Varela (Fran 67´), Dani Xelo (David 67´), Xian, David Prieto (Adrián 45´).

Goles: 1-0, Pardo (16´), 2-0, Carlos (30´), 3-0, Quique (32´), 4-0, Pardo (36´), 5-0, Bossa, de penalti (43´). 6-0, Sergio 72´).

Árbitro: Javier Gay Casal (Santiago). Auxiliado por Val Castro e Pérez Mindeguía. Amoestou a Bossa e Dias.

Campo e incidencias: Campo de O Poboado. Uns 150 espectadores en tarde con ceo encapotado.

Nova cortesía de Xose Ferreiro

SEGUNDA DIVISIÓN “B” DE FÚTBOL SALA: O ESTEO FS – SD XOVE FS (2-4)

Derrota do equipo pontés tras un grave erro arbitral ao final do encontro

Derrota do Esteo pontés de fútbol sala 2-4 ante o Xove no seu primeiro encontro da tempada nun moi caloroso Pavillón da Fraga.

Nun primeiro período de dominio alterno, resaltar varias paradas de Javichu, e un disparo de Pana, unha falta de Jacobo e un remate do mesmo xogador ferrolán ó longueiro.

Cando semellaba que se ía chegar con 0-0 ó descanso, os visitantes adiantáronse por medio do goleador Manu, pero antes de alcanzar o intermedio voltaba a poñer a igualada Alex Durán.

Ao pouco da reanudación, tras un disparo cruzado de Rober Paz dende fóra da área poñíase por diante O Esteo, pero Javichu voltou a ser protagonista tras realizar varias paradas ós visitantes, especialmente a Cora, ata que mediado o segundo período empataba Pancho nunha contra.

Os locais tamén tiñan as súas, en concreto tres aproximacións de Pana. Pero Jacobo, cuns colexiados extremadamente tarxeteiros, foi rigurosamente espulsado, e no xogo en superioridade os visitantes anotaban o 2-3 por medio de Sergio Cora.

Máis surrealista foi o final do encontro cando con porteiro xogador os locais, e faltando un minuto, un futbolista visitante tirado no chan dalle ó balón coa man e incluso o empurra cara diante, perdoandolle os colexiados a sexta falta a un equipo visitante que por riba na mesma xogada anotou o 2-4 definitivo a porta baleira.

Erro impropio duns colexiados desta categoría, que anteriormente non expulsaron a un visitante cando un xogador local marchaba só e foi agarrado e derrubado, ou no primeiro tempo non deixaron seguir unha xogada que acabou en gol dos lucenses.

O equipo da Mariña é imbatible en terreo pontés pois xa gañaron dúas veces na Fraga ademáis de lograr outros dous empates.

Na vindeira xornada O Esteo visita ó Sala Ourense que retornou á categoría dende a Terceira División, aínda que non conseguiu puntuar ata o momento.

O ESTEO FS: Javichu, Cokito, Alex Durán, Rober Paz, Jacobo– cinco inicial – Héctor, Pana, Troncho, Dani, Ayala.

SD XOVE FS: Samuel, Nete, Souka, Bruno, Pancho– cinco inicial – Juanpe, Keko, Marcos, Mini, Manu, Cora.

ÁRBITROS: Vilas López, Novoa García, Quintás Crespo (Ourense). Amarelas a Alex Durán, Héctor, Rober Paz, Javichu, Nete, Manu, Cora, Souka. Expulsaron con doble amarela ó local Jacobo mediado o segundo tempo.

GOLES: 0-1, Manu (18´), 1-1, Alex Durán (19´), 2-1, Rober Paz (23´). 2-2, Pancho (29´), 2-3, Cora (31´), 2-4, Marcos (39´).

INCIDENCIAS: Pavillón Municipal da Fraga. Uns 200 espectadores, nun partido con moita calor.

Nova cortesía de Xose Ferreiro

RESULTADOS CD AS PONTES 22 SETEMBRO

Vitoria do Xuvenil A en Santiago

FEMININO
CD AS PONTES-CULTURAL MANIÑOS SD (0-1)

Derrota do feminino na tarde soleada do sábado ante o todopoderoso Cultural Maniños, dominador do fútbol comarcal nos últimos anos, e que sen embargo, perdera no debut ligueiro 0-2 ante o Amistade de Meirás a semana pasada.

Neste encontro triunfo pírrico das visitantes, dado que o único gol chegou nunha desafortunada xogada local, na que Paula acabou picando o balón ante a saída da porteira, Paula Baamonde, habitual dianteira, mediado o segundo tempo.

O feminino de Rivas, que descansou na primeira xornada, aínda sen puntuar, visita ó Perlío na terceira, compricado equipo que leva catro puntos, tras gañar ó Cariño e empatar co Amistade.

Xogaron Paula Baamonde, Yoli, Andrea, Noelia, Xeila, Carlota, Yara, Sara, Nerea, Carolina, Paula Castro e Alba.

XUVENIL A
CD CONXO B -CD AS PONTES A (0-1)

Gran vitoria do Xuvenil A en Santiago ante o Conxo B, nun encontro resolto cun tanto de Óscar Calvo mediado o segundo tempo.

Escala postos o equipo de Mieres, que é décimo con 4 puntos, antes de recibir Ó Val, sexto con 6, nun duelo de rivalidade comarcal.

Xogaron Brais, Matías, David, Pablo, Breijo, Estevo, Óscar, Chema, Cristian, Vilela, Jandro, entrando no segundo período Dani, Carlos, Fraga e Álvaro.

XUVENIL B
CD AS PONTES B-SDC GALICIA DE MUGARDOS (1-2)

Derrota do Xuvenil B no seu debut en casa, 1-2 ante o Galicia de Mugardos, nun encontro no que se adiantaron cun tanto de Mateo preto do descanso, pero dous goles visitantes, o segundo co tempo cumprido, privaron ó conxunto de Paco López de lograr o primeiro punto.

Próxima visita ó Narón A. Xogaron Juan, Santi, Alex Barro, Pani, Antonio, Antón, Miguel, Edgar, Mateo, Elías, Vicente, entrando despois Xan, Derick, Xavi e Xoel.

CADETE
SD O VAL-CD AS PONTES (6-3)

Derrota do Cadete 6-3 no debut ligueiro no Campo de Sinde, pese ao hat trick de Joan, e de ir gañando 1-3. Na vindeira xornada reciben ó Rápido de Neda, que nesta primeira empatou 2-2 co Cedeira.

Xogaron Mario Regueiro, Eloy, Xose, Riobo, Samuel, Mario Fraga, Joan, Jandro, Xoel, Hugo, Adrián Piñón, entrando despois Edgar, Adrián Bellas, Dani, Sergio e Íker.

Nova cortesía de Xose Ferreiro

II TROFEO DE BALONCESTO FEMININO CONCELLO DE AS PONTES. BAXI FERROL 80 – DURÁN MAQUINARIA ENSINO LUGO 64.

Gran espectáculo o que se viviu onte á noite no Pavillón da Fraga entre dous equipos de Primeira División

O Baxi Ferrol conseguiu o Trofeo Concello das Pontes por segunda edición consecutiva tras gañar onte ao Ensino de Lugo por 80-64.

Aínda que, a diferenza do ano anterior, nesta ocasión o conxunto lucense, ascendido á máxima categoría, puxo en máis apretos ao de Carles Martínez.

Ambos os equipos chegaban con baixas ao encontro, Delgado e Cabrera polo cadro que hoxe vestía de vermello, e Traoré, Nyingifa e O´Dwyer polo que vestía de branco.

As de Juan Nécega estiveron máis acertadas no primeiro cuarto e marcháronse cunha vantaxe de 11-18, aínda que as ferrolás apretaron máis no segundo e alcanzaron o descanso con vantaxe de 37-27.

Estivo magnífico o conxunto departamental no terceiro cuarto, especialmente Chatilla, Amarah e Shelby, onde sentenciaron o encontro chegando a rozar os 30 puntos de diferenza.

Debido en parte tamén, á dependencia anotadora de Regina e Breedlove por parte dun Ensino que nos últimos instantes do definitivo cuarto recortou a desvantaxe ata os 16 puntos (80-64).

Ao remate do encontro entregaron os trofeos ó campion e subcampión, o Alcalde, Valentín González Formoso, e o Concelleiro de Deportes, Chicho Tembrás.

Este ano recolleuno a lesionada Marina Delgado, en sustitución de Bea Sánchez que o fixera o ano anterior, xogadora que dende este sábado xogará o Mundial coa Selección Española en Tenerife.

Baxi Ferrol. Nicolette Fong (8), Ani Calvo (9), Natalia Rodríguez (7), Chatilla Van Grinsven (12), Shelby Cheslek (14) – Elin Gustavsson (6), Marta Miscenko (4), Amarah Coleman (16), Carmen Fernández (4), Paula García.

Ensino Lugo. Starr Breedlove (16), Jay Harriot (9), Regina Gómez (21), Laura Aliaga (5), Cherin Miller (4) – Rocío Varela (3), Claudia Calvelo (6), Sara Cuíña, Marina Canzobre.

Parciais: 11-18, 37-27, 65-43, 80-64.

Árbitro: Daniel Ramos, Cristian Martín, Adrián Iglesias.

Pavillón Municipal de A Fraga. Uns 250 espectadores.

Nova cortesía de Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s