CD As Pontes Feminino

PREFERENTE NORTE. ATLÉTICO CORUÑA MONTAÑEROS 1 – CD AS PONTES 3

O As Pontes iguala o récord de dez vitorias seguidas nun inicio ligueiro, e queda a unha de igualar a mellor racha de once triunfos consecutivos no transcurso dunha Liga

O CD As Pontes logrou este domingo á tarde-noite en Coruña unha sufridísima vitoria ante o Montañeros. No Campo da Grela, nun lugar cunha rúa adicada a un pontés ilustre coma Jose María Rivera Corral, e con dous ponteses no equipo coruñés, Hugo Filgueiras e Elmer Bouza, os azuis igualaron o mellor inicio ligueiro da historia do clube.

Corenta e seis anos despois dos dez triunfos consecutivos logrados na temporada 1972-73, igualase o teito nesta 2018-19, e o que é mellor, quédase a un só triunfo de igualar a mellor racha de once triunfos seguidos, conseguida na segunda volta da campaña 1994-95.

Non era o día máis axeitado, por mor do clásico, ata oito partidos se xogaron entre o sábado e o domingo pola mañá, cos homes de Marco Roca coa presión no cogote polos triunfos de Sarriana, Noia e Ribadeo. Por riba, o horario tardío das 18:15, que serían as 19:15 sen cambio de hora, provocou que moi rápido se fixera de noite.

O Montañeros é un equipo que non reflicte a súa posición baixa na clasificación. Foi dos que en máis apretos puxo ós azuis no que vai de Liga, amosando porque foi o único conxunto capaz de arañarlle un empate á Sarriana, e iso que para o encontro de onte non contaba Pepe Mariño coas súas tres estrelas, Herbert, Juan Pérez e Hugo Criado.

Nunha contra aos cinco minutos, quedou só Rubén Pardo e acaba batendo de forte disparo ó gardamallas local, sumando xa dez tantos, o que parecía presaxiar un triunfo cómodo. Nada máis lonxe da realidade. Os seguintes corenta minutos foron de total dominio do cadro local.

Co vento en contra e sen poder contar co desequilibrio do de Ortigueira, que se retirou por un pinchazo, os azuis quedaron pechados na súa área, sendo dominados polos morados. Por riba, o costume de xogar cara atrás con moito risco deu máis dun susto, e así, nun roubo de balón, Tosca regatea a Paco e salva Rego baixo paus (16´).

Tras outra contra local, é outro defensa azul o que desvía milagreiramente a córner un balón que se colaba (31´), e nestes minutos o porteiro ferrolán tivo que facer algunha que outra boa intervención. Por parte do As Pontes tan só destacar un control que se lle marcha moi longo a Erni e un balón que se lle queda atrás a Carlos. Pero tanto foi o cántaro á fonte, que preto do descanso Javi Suso daba un máis que merecido empate ó equipo local cun remate forte dentro da área (44´).

Comezou a segunda metade con malas sensacións para os azuis. Si os morados dominaron todo o primeiro tempo co vento a favor, non asi o As Pontes, nun segundos 45 minutos que foron de dominio alterno, e de feito Paco tivo que facer unha gran parada a un disparo dende fóra da área (55´).

Foise sacudindo a presión como puido o As Pontes, que estirou liñas, e nunha deixada de Erni a Quique, o xogador de Ares, remata, rebota o balón nun defensa e non entra de milagre (67´). Foi pouco despois, tras un saque de banda de Bossa, que o outro xogador de Ares, Carlos, mete a punteira, o balón pasease pola área pequena e acaba entrando (69´).

Pero non se cansou de buscar o segundo o equipo local, ata o final, pero xa co tempo cumprido, un gran disparo dende moi lonxe do central Martín, pillou adiantado a Lestón e bateo por alto, situando o 1-3 definitivo, que non reflicte o sufrido do marcador (90´).

Xa no desconto, un colexiado excesivamente tarxeteiro, sacoulle a vermella directa a Quique por un choque fortuito (92´), polo que o As Pontes non poderá contar con él, nin quizais cos tocados Pardo e Alex, para o encontro deste xoves.

O As Pontes, con 30 puntos, dous por riba de Sarriana, seis de Noia, e dez de Ribadeo, buscará a undécima vitoria consecutiva na casa ante o Sofán.

1 Atlético Coruña. Lestón, Filgui (Barral 77´), Vigo, Charli (Elmer 72´), Sebas, Moure, Tosca (Álvaro 80´), Currás, Javi, Kevin, Fernando (Escarda 67´).

3 CD As Pontes. Paco, Criado (Martín 73´), Ramos, Rego, Sánchez, Dani, Adrián, Toni (Quique 66´), Carlos, Fidi (Bossa 45´), Pardo (Erni 30´).

Goles: 0-1, Pardo (5´), 1-1, Suso (44´). 1-2, Carlos (69´), 1-3, Martín (90´).

Árbitro: Elespe Tireux (Santiago). Auxiliado por Maldonado González e Gil Candelas. Amarelas a Filgui, Currás, Adrián, Toni, Fidi. Expulsou con vermella directa a Quique (92´).

Campo e incidencias: Campo de A Grela 1. Uns 200 espectadores en tarde-noite venteada e moi chuviosa por momentos.

Nova cortesía de Xose Ferreiro

SEGUNDA DIVISIÓN “B” DE FÚTBOL SALA: O ESTEO FS-SANTIAGO DE SAMA FS (6-1)

Goleada do Esteo que suma a súa cuarta vitoria

O Esteo pontés de fútbol sala sumou este sábado a súa cuarta vitoria da tempada, terceira consecutiva, tras gañar ó Santiago de Sama asturiano por 6 goles a 1.

No primeiro tempo levou o peso do encontro o equipo local, que marcou dous goles por medio de Jacobo, dun forte disparo por alto (4´), e dun tiro raso dende fóra da área (15´).

Nestes primeiros vinte minutos resaltar tamén un disparo ó poste do propio Jacobo, e de Choki polos visitantes.

No segundo período poñía terra de por medio o cadro local, tras unha xogada na que Viti acababa introducindo o balón na súa portería (24´), e máis adiante nunha boa combinación entre Dani e Bruno, acaba marcando o xuvenil a pracer (32´).

Pese a que recurtaba distancias Márquez pouco despois, nos últimos minutos, Alex Durán, que quedou só, sentenciou marcando a porta baleira (35´), e nos derradeiros segundos, Cokito, de forte disparo, redondeou o 6-1 definitivo.

O Esteo é sétimo con 12 puntos, seis por riba dos postos de descenso, e ten unha complicada visita ó Guardo, segundo con 16.
O ESTEO FS: Javichu, Cokito, Alex, Héctor, Jacobo – cinco inicial – Rober, Bruno, Troncho, Dani, Ayala.

SANTIAGO DE SAMA FS: Pelayo, Márquez, Chino, Javi, Choki – cinco inicial – Fredy, Valdés, Manute, Viti, Uri.

GOLES: 1-0, Jacobo (4´), 2-0, Jacobo (15´). 3-0, Viti, pp (24´), 4-0, Bruno (32´), 4-1, Márquez (32´), 5-1, Alex (35´). 6-1, Cokito (39´).

INCIDENCIAS: Pavillón de A Fraga. Uns 150 espectadores.

ÁRBITROS: Novoa García, Guntín Garrido, Prados Caamaño (Ourense-Ferrol). Amarelas a Alex, Héctor e Valdés.

Nova cortesía de Xose Ferreiro

PRIMEIRA TERRITORIAL GALEGA. CR FENDETESTAS 11 – CR CORETI LALÍN 34

Derrota do equipo pontés nesta terceira xornada

O Fendetestas pontés de Rugbi perdeu 11-34 na visita do Coreti de Lalín, no partido xogado este domingo á mañá, con moita chuvia.

Os verdes aguantaron ben na primeira metade, que marchou cun tanteo de 8-12, e incluso no comezo do segundo período se puxeron con 11-12, a un so punto, cos dous lanzamentos a paus de Antonio e o ensaio de Roberto.

Pero tres ensaios dos visitantes nos derradeiros quince minutos, puxeron o 11-34 definitivo, que lles outorgou ademáis o bonus ofensivo.

Foi unha mala xornada para os verdes, máis que pola derrota, pola vitoria do Crat B na casa do Pontevedra, o que os fai pechar a clasificación nestes momentos.

Lidera Ferrol con 15, por 10 de Os Ingleses e Lalín, 6 ten o Pontevedra, 4 o Crat B, e pecha cun punto o Fendetestas.

Xogaron Anxo, Gallardo, Antón, Andrés, Toño, Senen, Antonio, Miguel, Roberto Río, Diego, Nathan, Rafael, Óscar, Pablo, Asier, entrando despois Roberto García e Xose.

Trascendental partido o que xogará o equipo pontés a vindeira semana na Coruña ante un rival directo coma é o Crat B, na cuarta xornada.

Nova cortesía de Xose Ferreiro

PARTIDOS CD AS PONTES SEMANA 26-27-28 OUTUBRO

Triunfos do Feminino, Cadete, ambos Alevíns e Benxamíns, e o Prebenxamín A, nunha xornada na que dimitiu o adestrador do Xuvenil A, Felipe Mieres.

FEMININO
SDC GALICIA DE MUGARDOS-CD AS PONTES (0-3)

Primeira vitoria do feminino pontés 0-3 ante o Mugardos, con tantos de Alba no primeiro período e Paula Baamonde e Carlota no segundo.

Oitavas con 5 puntos, reciben ó líder con pleno de vitorias, Caranza, que suma 18. Xogaron Leti, Yoli, Carolina Paz, Noelia, Carolina Rodríguez, Xeila, Paula Castro, Carlota, Paula Baamonde, Nerea, Alba e Uxía.

XUVENIL A
CD AS PONTES-VIVEIRO CF (2-2)

Empate do Xuvenil A no derbi co Viveiro, onde os de Felipe Mieres, que dirixiu o seu último encontro coma adestrador, se adiantaron por dúas veces, empatando outras dúas os lucenses.

A pouco do descanso adiantou Vilela de penalti ós locais, pero nos últimos vinte minutos, empataba Pablo, tamén dende o punto fatídico. Dani voltaba a adiantar ós locais pouco despois, pero pronto Javi poñía o 2-2 definitivo para os celestes.

Decimoterceiros con 8 puntos, un por riba dos postos de descenso, próxima visita ó Bergantiños, cuarto. Xogaron Brais, Fraga, Breijo, Pablo, Estevo, Vilela, Óscar, Edgar, Dani, Chema, Jandro, e despois Matías e Cristian.

XUVENIL B
NUMANCIA DE ARES CF-CD AS PONTES B (5-3)

Derrota do Xuvenil B en Ares 5-3, nun encontro no que sempre foi a remolque, con dous goles de Mateo e un de Derick.

Oitavos con seis puntos, na vindeira xornada reciben ó Perlío, segundo. Xogaron Juan, Nono, Alex Barro, Santi, Antonio, Antón, Miguel, Edgar, Mateo, Tembrás e Vicente, saíndo despois Pani, Derick, Xavi, Xan e Xoel.

CADETE
SDC GALICIA DE MUGARDOS-CD AS PONTES (1-8)

O Cadete gañou 1-8 en Mugardos, goles de Joan Tembrás (3), Xoel Purriños (2), Jandro López, Luis Alejandro e Samuel Seco.

Segundos con 13 puntos na vinveira xornada reciben ó Eume, cuarto con 10. Xogaron Mario Regueiro, Adrián Bellas, Xose, Riobo, Mario Fraga, Hugo, Luis, Jandro, Joan, Xoel, Adrián Piñón, entrando despois Sergio, Edgar, Samuel, Mateo e Yadai.

INFANTIL
CD AS PONTES-SD O VAL (3-5)

Derrota 3-5 do Infantil pontés ante un cadro valexo que foi por diante todo o encontro, goles de Anxo Blanco (2) e Cristian Muñoz.

Quintos con 7 puntos, visitan ó San Pedro, sétimo con tres. Xogaron Hugo Bouza, Israel, Antón, David, Anxo Rey, Carlos, Ali, Xandre, Anxo Blanco, Ángel, Diego, Xose, Joel, Sergio, Yeray e Cristian.

ALEVÍN
CD AS PONTES A-CD NARÓN (11-1)
CD NARÓN B-CD AS PONTES B (0-2)

Vitoria 11-1 do Alevín A, tantos de Nico Meizoso (4), Sergio Vázquez (3), Diego Lozano (2), Miguel Dopico e Anxo Sánchez. Segundos con 12 puntos na vindeira xornada descansan. Vitoria 0-2 do Alevín B, tantos de Alejandro Díaz e Almahdi Belhaj. Cuartos con 9 puntos, reciben ó líder EF Ferrol.

BENXAMÍN
CD AS PONTES A-SAN SADURNIÑO B CF (12-0)
CEDEIRA B SD-CD AS PONTES B (4-6)

Vitoria 12-0 do Benxamín A, tantos de Iván Rodríguez (3), Xalo Cebreiro (2), Xandre Domínguez, David Maseda, Naúl Suárez, Bruno Bouza, Omar Penabad, Lucas Blanco e Felipe Riveira. Líderes con 15 puntos visitan ó penúltimo con catro Narón O Freixo B. Triunfo 4-6 do Benxamín B en Cedeira, goles de Xoel Galego (3), David Otero (2), e Martín Laherrán. Son sextos con 7 puntos, antes de recibir ó líder Narón O Freixo.

PREBENXAMÍN
CD AS PONTES A-AD MIÑO (9-0)
CCRD PERLÍO-CD AS PONTES B (10-2)

Vitoria do Prebenxamín A 9-0 ante o Miño, tantos de Brais Gómez (5), Xalo Franco, Xoel Timiraos, Yago Bouza e Pablo Mariño. Terceiros con 12 puntos visitan ó líder Caranza. Derrota 10-2 do Prebenxamín B, goles de Daniel Peña e Adrián Ameneiro, antes de recibir ó EF Racing de Ferrol, terceiro.

Nova cortesía de Xose Ferreiro

Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s