CD As Pontes Feminino

AS MELLORES RACHAS DE TRIUNFOS DO CD AS PONTES

O equipo pontés acumulou ó longo da súa historia dúas rachas de once triunfos consecutivos, unha de dez, outra de nove, e outras dúas de oito vitorias seguidas.

CD AS PONTES 2018-19 (11 triunfos consecutivos)

No inicio desta campaña o As Pontes acumulou once vitorias, no que é a maior racha de todas, polo acumulativo de mellor inicio ligueiro da historia e ó igualar tamén as once da segunda volta da 1994-95. Cos triunfos nos partidos da casa ante Viveiro (3-2), Atlético Arteixo (4-0), San Tirso (6-0), Foz (4-0), Agolada (4-0), Sofán (3-1), e a domicilio ante Agrupación Estudiantil (0-5), Arzúa (1-2), Ordes (0-2), Negreira (0-2) e Atlético Coruña Montañeros (1-3).

Nun partido con pouca fortuna perdeuse en Boimorto (3-2), e trala sufrida vitoria deste domingo 1-0 ante o Xallas, ó equipo quédanlle dous rivais incómodos coma Castro e Pobra, e catro etapas pirenaicas co Noia, Sarriana, Ribadeo e Dubra antes do remate desta primeira volta.

CD ENDESA DE AS PONTES 1994-95 (11 triunfos seguidos)

Na segunda volta da campaña 1994-95, tras vencer nin máis nin menos que 7-0 ó posterior subcampión Viveiro, e empatar despois 0-0 en Arousa, o daquela Endesa gañou sucesivamente entre as xornadas 25 e 35 a Ponte Ourense (4-1), Mindoniense (0-2), Ordes (5-0), Estradense (1-3), Burela (5-0), Vilalonga (0-1), Vilalbés (2-1), Deportivo B (3-0), Xove Lago (0-2), Betanzos (3-1), Gran Peña (0-4), ata que na antepenúltima xornada de Liga se perdeu na casa co Celta Turista 0-2.

Ese Endesa quedara Campión de Liga da Terceira División, o segundo campionato da categoría gañado tralo de 1986-87, e tamén conseguira o ascenso a Segunda B, nunha complicada liguiña, un punto por riba do Leganés B, e xa máis alonxados Lealtad de Villaviciosa e Salmantino.

CF CALVO SOTELO 1972-73 (10 triunfos consecutivos)

O mellor inicio ligueiro do As Pontes ata este ano databa da campaña 1972-73. Na Segunda Rexional, nun grupo reducido de nove equipos, o daquela Calvo Sotelo comezara a Liga con dez triunfos, ante Numancia de Ares (7-0), Cedeira (1-3), Galicia de Mugardos (6-0), Cultural Maniños (2-1), Eume Deportivo (1-2), Perbes (1-3), Perlío (3-1), Limodre (0-1), e xa na segunda volta, Numancia de Ares (0-7), Cedeira (3-0), ata que na undécima xornada se empatara en Mugardos 2-2.

Curiosamente nesa Liga o Calvo Sotelo rematara campión sen coñecer a derrota, cun rexistro de doce vitorias por catro empates. Despois conseguira o ascenso á Serie A tras gañar ó Viveiro, cun 2-1 no Poboado e 1-1 en Cantarrana. Naquel equipo estaban o pai e tío do actual adestrador Marco Roca, Manolo e Celso, ou os míticos Manolo Vilaboy e Calpita, entre outros.

CD ENDESA 1977-78 (9 triunfos seguidos)

Outra gran racha de vitorias aconteceu na Segunda Rexional da campaña 1977-78, na que, tras empatar no Val 1-1, entre a xornada 26 e a 34, o Endesa gañara sucesivamente a Cebarca (1-8), Narahío (5-0), Galicia de Cedeira (0-3), UD Piñeiros (5-2), Rápido de Neda (1-4), Ortigueira (8-0), Aspirantes (0-2), San Mateo (13-0) e Sillobre (0-4).

Un rotundo 0-5 do Galicia de Mugardos frenou en seco esa racha, sendo precisamente mugardeses, primeiros, eumeses, segundos, e ponteses, terceiros, os que ascenderon a Primeira Rexional, categoría que se estrenaría na campaña seguinte. Ademais o Endesa fixerao na derradeira xornada cun empate 2-2 en Cedeira, equipo cuarto clasificado cos mesmos puntos. Non obstante, por temas de reestruturacións, nese mesmo ano o Endesa puido haber subido dúas categorías de golpe, pois acabaría xogando a fase de ascenso a Rexional Preferente, perdendo co Antela de Ourense, 2-2 e 4-1.

CF CALVO SOTELO 1965-66 (8 triunfos consecutivos)

Outra racha que se recorde é a da campaña 1965-66. Na Serie A, o Calvo Sotelo obtivera oito triunfos consecutivos. Tras perder co Estradense 1-0, entre as xornadas 16 e 23 gañaron sucesivamente a Bueu (5-0), Arcade (1-2), Bergantiños (3-1), Porriño Industrial (1-2), Noia (5-1), Silva, de Vigo (0-3), Gondomar (0-1), e Arsenal (2-1).

O Ordes puxera fin a esa racha cunha derrota 3-2 na antepenúltima xornada. Non lle perxudicara moito ao equipo pontés dado que xa tiña ascendido a Terceira División, que fixo como segundo, xunto ao Arsenal de Ferrol, campión, finalizando ambos con 42 puntos, dez por riba do Atlético Pontevedrés, terceiro clasificado.

CD AS PONTES 2004-05 (8 triunfos seguidos)

A racha de vitorias máis recente para os afeccionados, ata esta actual, aconteceu de maneira inesperada. Na campaña 2004-05, na Preferente Norte, o As Pontes camiñaba algo lonxe dos dous primeiros postos, pero tras empatar ante o Xove Lago 2-2, entre a xornada 30 e a 37 e co adestrador Marco Roca no campo, sumou oito triunfos ante Atlético Ribeira (2-3), Iberia (2-0), Compostela (1-4), Español (5-0), Lemos (0-3), Boiro (3-2), Sporting Sada (0-6) e Chantada (1-0).

Deu a casualidade que a derradeira xornada o As Pontes visitara Santa Comba para xogar co definitivamente campión Atlético Mineiro, que gañara 4-2 nun encontro no que os visitantes puxeran o fútbol e os locais os goles. Ascenderan daquela Mineiro e Lemos, e o As Pontes, que vencera na promoción de terceiros á Ponte Ourense, quedara sen ascender polo empate 2-2 do Bouzas co Móstoles (1-1 en Madrid), nun encontro no que un gol máis dos vigueses, que lle foi anulado no desconto, houbese aupado ós ponteses á Terceira División.

Nova cortesía de Xose Ferreiro (Arquivos de Antón Ferreiro).

Advertisements
Esta entrada foi publicada en Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s