CD As Pontes Feminino

MARCO ROCA NON CONTINÚA NO CD AS PONTES

Despois de máis de 30 campañas no equipo azul

Unha vez case confirmada a permanencia do clube un ano máis na categoría, Marco Roca Ledo anunciou a súa marcha do CD As Pontes.

Faino despois de cinco anos no primeiro equipo, unha campaña como segundo de Pablo López, estando despois catro tempadas ao mando do mesmo nas que se conseguiu o ascenso dos récords.

Marco xogou 21 tempadas como futbolista do equipo pontés, nove nos equipos de base, cos que foi subcampión de Liga e Copa de Ferrol Alevín en 1987 e tamén subcampión de Copa departamental Infantil en 1989.

Posteriormente xogou doce campañas no primeiro equipo, tres en Segunda B, catro en Terceira División e cinco na Preferente Norte, logrando a mítica Copa Deputación en 1996, 2-1 na final ao Betanzos, e tamén destaca a eliminatoria copeira na 1995-96 ante o Celta de Vigo de Primeira, na que se quedara fora por apenas un gol.

Como adestrador foino tamén varias temporadas dos equipos de base, As Pontes B, Xuvenil B, Cadete e Infantil, equipo co que logrou a Copa de Ferrol e a Copa Afaco.

Nova cortesía de Xose Ferreiro

A SD EIBAR DE MALENA MIERES ASCENDE Á LIGA IBERDROLA

A xogadora pontesa de 20 anos consigue un fito histórico

A futbolista pontesa Malena Mieres García ven de conseguir, co seu equipo, a SD Eibar, o ascenso á Liga Iberdrola, a Primeira División do fútbol feminino.

A RFEF decidiu hoxe dar por concluida a competición feminina pola crise do Covid 19, e como queira que o Eibar era o segundo clasificado do grupo norte da Primeira División B, con 46 puntos, e o primeiro, Athletic B, que sumaba 48, non pode ascender ao ter ao primeiro equipo na máxima categoría, o ascendido é o equipo eibarrés.

Ascenso de moito mérito o da SD Eibar, nun grupo complicadísimo, cos filiais de Athletic, Barcelona e Atlético, ademáis de Osasuna, Alavés, Zaragoza, Oviedo, Racing de Santander ou Sporting de Gijón, entre outros.

Malena foi titular indiscutible, xogando os 22 partidos e os 1980 minutos, no seu equipo, que gañou trece encontros, empatou sete, e so perdeu dous, curiosamente na casa, e 0-1, ante Osasuna, 1ª xornada, e Madrid B, 11ª xornada.

A partir de aí, unha racha de tres empates e oito vitorias consecutivas, incluido un 0-2 en Bilbao ante o líder, nun gran partido de Malena, que atallara un penalti, e un man a man, a dúas xogadoras que gañaron o Mundial sub17 con España.

Boa mostra do nivel amosado por Malena é que o seu equipo foi o menos goleado, encaixando so trece tantos, catro menos que o Bilbao B, e once menos que o Osasuna.

A vindeira temporada xogarán 18 equipos, os 16 que xa estaban, Barcelona, Atlético, Levante, Deportivo, Athletic, Real Sociedad, Logroño, Rayo Vallecano, Granadilla, Tacón-Real Madrid, Sevilla, Real Betis, Madric CFF, Sporting Huelva, Valencia, Espanyol, e os dous ascendidos, Eibar, e Santa Teresa de Badajoz, gañador do grupo sur.

Fotos cortesía SD Eibar. Nova cortesía XF. 

Esta entrada foi publicada en Novas equipo feminino C.D. As Pontes, Novas equipo masculino C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s