CD As Pontes Feminino

SEGUNDA DIVISIÓN B. O ESTEO FS-SALA OURENSE (2-1)

Gran vitoria no último minuto dun Esteo con moitas baixas

Gran vitoria do Esteo 2-1 ante o Sala Ourense nun vibrante encontro o disputado este sábado na Fraga, no que apenas puido xogar con dous trocosos para os 40 minutos de encontro, coas baixas de Rubi, Héctor, Troncho e Javichu por paternidade.

A primeira metade rematou sen goles, e na segunda, pese a que se adiantou no marcador o cadro visitante por medio de Alli nunha polémica xogada, os locais empataron pouco despois cun forte disparo de Cokito, e cando apenas faltaban 30 segundos para o remate, nunha contra, Bruno servialla a Jacobo que marcaba o 2-1 a porta baleira.

Con estes tres puntos os ponteses suman 19 na segunda posición antes de visitar ao Parrulo B no derbi.

O ESTEO FS. Jesús, Aitor, Jacobo, Bruno, Cokito – Jhony, Alberto.

SALA OURENSE. Quiroga, Raúl, Alli, Bermejo, Arturo – Fer, Martín, Gus, Igor, Martinciño.

GOLES. 0-1, Alli (26´), 1-1, Cokito (28´), 2-1, Jacobo (40´).

Árbitros: Roldán Pérez, Salinas García, López Seijas. Amarelas a Jhony, Cokito, Jacobo, Alberto, Igor, Arturo, Gus, e Abel Cernadas. Expulsado con vermella directa Raúl faltando 25 segundos.

Incidencias. Pabellón de A Fraga. Partido a porta pechada.

Nova cortesía de Xose Ferreiro

SEGUNDA DIVISIÓN B. O ESTEO FS-DISTRITO VENTORRILLO FS (4-3)

Axustado triunfo local no reinicio ligueiro

Sufrido e valioso triunfo do Esteo 4-3 no encontro disputado este domingo á mañá no Pavillón de A Fraga ante o cadro coruñés do Ventorrillo, presidido pola gran Pilar Neira.

No primeiro partido do 2021 para os ponteses pronto se poñían en vantaxe tras unha boa xogada de Jacobo, que sirve a Héctor e o capitán marca dentro da área, pero antes do descanso lograban igualar os visitantes.

No reinicio, tras unha boa triangulación entre Héctor, Rubi e Alberto, era este último o que marcaba, só no segundo pau, pero pronto voltaban a empatar os coruñeses.

A pouco do final pegaron un estirón os locais con dous goles consecutivos, primeiro Jacobo servíalla a Jhony e este marcaba de tiro raso dentro da área, e despois era o habilidoso Rubi quen marcaba de tiro picado ante a saída do porteiro coruñés.

Pero houbo que sufrir ata o final pois co porteiro xogador Puertas recurtou distancias e a poucos segundos do final entre Jesús e o pau evitaron a igualada e tres valiosos puntos quedaban para un Esteo que marcha cuarto con 13 puntos antes de recibir ao Sala Ourense.

O ESTEO FS. Jesús, Héctor, Aitor, Rubi, Jacobo – Jhony, Cokito, Troncho, Bruno.

DISTRITO VENTORRILLO FS. Óscar, Vitu, Alejandro, Guillán, Chapu – Andrés, Kevin, Berto, Toca, Puertas.

GOLES. 1-0, Héctor (4´), 1-1, Guillán (14´). 2-1, Aitor (23´), 2-2, Kevin (26´), 3-2, Jhony (34´), 4-2, Rubi (35´), 4-3, Puertas (38´).

Incidencias: Amarelas a Jacobo e Andrés. Pavillón de A Fraga. Uns 50 espectadores.

Nova cortesía de Xose Ferreiro

Esta entrada foi publicada en Futbol Sala As Pontes, Sin categoría. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s