—

PREFERENTE NORTE. CD AS PONTES 2 – SD SARRIANA 1

Triunfo de prestixio do As Pontes no último minuto

Vitoria de prestixio do As Pontes 2-1 ante o conxunto que era líder, a Sarriana, triunfo como local casi nove meses despois, nun partido con grandes ocasións pra ambos equipos. Os visitantes marcharon xusto no último suspiro co 0-1 ao descanso tras un penalti transformado polo mítico Gerardo, tras disparar Mitogo e rebotar o balón nas mans de David.

Pero no segundo período, tras un bo centro desde banda esquerda empala dentro da área Pajaro, e despois foi Sergio quen fixo dúas boas ocasións, un disparo que marcha a rentes do pau, e un forte lanzamento dende o medio do campo que non entra por pouco, e aínda máis clara foi a de Omar que cun trallazo dende fora da área estrelou o balón na cruceta.

Reclamaron unha man na área visitante os locais, pero foi nunha perda de balón cos vermellos con todo tentando buscar o gol da vitoria que lles mantivera o liderato unha semana máis que quedou so Sergio, recorreu o campo, prantase ante Liz e bateo picandolle o balón no último minuto (95´).

Vellos coñecidos no equipo contrario, o pontés Iván Parapar, Javi Liz, Óscar Rivas e Mitogo. Oito meses e 21 días despois, trala vitoria 3-2 ante o Fisterra un 7 de Marzo, volveu gañar o As Pontes no Poboado o día que era máis complicado. Próxima visita a vindeira semana ao Pepe Barrera contra o histórico Ribadeo.

Décimo triunfo pontés ante a Sarriana en partido oficial no Poboado, por un empate e un triunfo lucense. Repítese o 2-1 da 1980-81, 2005-06 e 2018-19. Son oitavos con 12 puntos. Xogaron Paco, David, Berto, Iván, Montes, Jaime (Rey 62´), Pájaro, Vilela, Moreda (Brais 62´), Sergio (Casas 95´), Bellas (Edgar 89´).

Nova cortesía de Xose Ferreiro

—

LIGA GALEGA RUGBI. CR FENDETESTAS 14 – CD ZALAETA 33

Partido esta mañá chuviosa de domingo no Evaristo Puentes Durán

Caeu o Fendetestas nesta mañá chuviosa de domingo ante o Zalaeta de Arteixo por 14-33, ao descanso 7-18, ensaios de Antonio e Toño Ferreiro e ambas transformacións de Alberto.

Xogaron Asier, Anxo, Martín, Carlos, Antón, Luis, Rafael, Senen, Alberto, Mariano, Antonio, Iván, Martínez, Guillermo, Toño, entrando despois Pablo, Xose, Borja, Leonardo e Jesús.

Os verdes suman catro derrotas, a de hoxe, 0-55 ante o Crat, 96-0 ante o Ferrol, 59-17 ante o Muralla, por unha vitoria, a semana pasada, 22-32 en Santiago.

Nova cortesía de Xose Ferreiro

—

LIGA GALEGA XUVENIL. CD AS PONTES 2 – EF POLVORÍN 0

Partido disputado este sábado á tarde no Anexo Jose

Segunda vitoria do Xuvenil pontés este sábado á tarde ante o Polvorín lucense por 2-0, goles de Xoel Purriños e Adrián Piñón no comezo da segunda metade. Os de Rivas son sétimos con 8 puntos antes da súa visita ao Marcos Gómez no derbi co Viveiro, que é quinto con tres puntos máis.