CD As Pontes Feminino

SEGUNDA DIVISIÓN B. O ESTEO FS-LEIS PONTEVEDRA FS (4-2)

O Esteo situase cuarto e garante a salvación

Gran vitoria do Esteo 4-2 ante o Leis de Pontevedra para apuntalar a cuarta praza e pelexar polos postos de play off nestas seis xornadas restantes, pero sobre todo para garantir a salvación no peor dos casos con 41 puntos, que non é pouco para un equipo que chegou a ir de último.

Nun encontro no que visitaba Somozas o histórico Leis de Pontevedra que xogara na Primeira División na 2007-08, empatado a puntos cos ponteses, adiantabanse os de Marcos e Senén tras un forte disparo de Alberto, e a poucos segundos do descanso era Héctor quen marcaba internándose polo segundo pau. Entremedias empatara Simón dun bo disparo pola escadra.

Na segunda parte o Esteo adicouse a manter a ventaxa con apenas ocasións de perigo visitante ben desbaratadas polo gardameta, ata que a falta de sete minutos sorprendía Saúl cun disparo a media altura a MFailde.

Pero cando parecía que o encontro camiñaba cara a igualada, Jandro, e Héctor ao borde do final poñían o 4-2 en sendas contras para os locais, que se sitúan cuartos con 41 puntos antes de visitar ao perigoso Universidad de Valladolid.

Gran partido con animación e agasallos nas Somozas, con moita cativería por primeira vez, i é que por desgracia a rapazada nesta campaña 2021-22 non puido disfrutar de fútbol sala en As Pontes.

O ESTEO FS. MFailde, Cokito, Héctor, Alberto, Jhony – Jandro,  JFailde, Troncho, Eloy.

LEIS PONTEVEDRA FS. Álvaro, Nico, Mario, Joni, Cley – Adri, Arturo, Alberto, Saúl, Simón, Raúl.

GOLES. 1-0, Alberto (14´), 1-1, Simón (17´), 2-1, Héctor (20´). 2-2, Saúl (33´), 3-2, Jandro (36´), 4-2, Héctor (39´).

Incidencias. Amarelas a Héctor, Troncho, JFailde, Joni, Álvaro, Adri. Máis de 100 espectadores no Pavillón das Somozas.

Nova cortesía Xose Ferreiro e Moisés Fernández

PREFERENTE NORTE. CD AS PONTES 0 – RIBADEO FC 1

Inxusta derrota do As Pontes no último minuto

Derrota dolorosa do As Pontes na tarde de hoxe ante o Ribadeo, que coma na ida, voltou gañar no último minuto.

O segundo período foi de total dominio local, e sen ter ocasións moi claras, si cabe resaltar dous lanzamentos por riba de Bellas, unha cabezada de Brais por riba do longueiro, un man a man de Moreda e outro de Lucki co gardamallas visitante, ou un balón que se pasea pola área pequena que termina en remate bombeado de Sergio.

O Ribadeo buscaba as contras, sen apenas perigo, pero foi expulsado Criado no desconto, e ir todo o equipo local cara arriba que quedou a retaguardia desguarnecida e no último suspiro anotou completamente só Santi ante Paco, que salvara outra antes, e nada puido facer.

O equipo da Mariña fixo o Agosto esta campaña co pontés, pois xa na ida, gañando todo o encontro 0-1, ao quedar cun máis empataron co tempo cumprido e logo gañaron no último minuto.

De feito esta é a segunda vitoria en As Pontes do Ribadeo, por doce do As Pontes. As dúas últimas visitas, 5-0 na 2017-18 e 4-0 na 2018-19.

Corenta anos habería que remontarse para a única vitoria do Ribadeo no Poboado, 1-2 na Preferente da 1981-82. Último partido da primeira fase ante o Residencia de Lugo.

CD As Pontes. Paco, Criado, Berto, Iván, David (Toni 62´), Traba, Lucki, Jaime (Moreda 62´), Brais (Pájaro 69´), Vilela, Bellas.

Ribadeo. Diego, Proxi, Xairo (Antón 80´), Roi, Hermida, Santi, Iván (Matelo 66´), Jacob (Samu 90´), Cris, Andrés, Núñez.

Goles: 0-1, Santi (94´).

Árbitro: Beatriz Cuesta Arribas (A Coruña). Auxiliada por Gil Soriano e Costas Rodal. Amarelas a Santi, Xairo, Antón, Vilela. Expulsou con vermello directo a Sergio Criado (92´).

Incidencias. Campo de O Poboado. Uns 100 espectadores.

Nova cortesía de Xose Ferreiro

LIGA FERROL FEMININA. CD AS PONTES 2 – CULTURAL MANIÑOS SD 3

O As Pontes mereceu o empate tras marchar ao descanso con 0-3

Derrota do equipo feminino este domingo á mañá no campo artificial por 2-3 ante a Cultural Maniños.

As de Fene comezaron como un ciclón e apenas aos dez minutos xa se puxeron 0-3 con tantos de María por dúas veces e Lorena.

Pero no segundo período as azuis foron a por todo e recurtaban distancias tras unha boa xogada de Paula Castro que remataba a capitana Carlota de cabeza ao fondo das mallas.

Logo era Indira a que anotaba un golazo pola escadra tras un disparo dende banda esquerda. Dispuxo de ocasións o cadro local para acadar o empate, coma un remate de Nuria que sacou con apuros a gardamallas, pero o marcador non se moveu.

O equipo de Iván Rodríguez chegaba cun empate 0-0 ante o Rosalía de Vilaboa e unha vitoria 2-1 ante o Discalzas de Cedeira.

Xogaron Iria, Yoli, Indira, Noelia, Paula, Carlota, Carolina, Silvia e Nuria. Cuartas con catro puntos. Próxima xornada complicada visita á Capela.

Nova cortesía de Xose Ferreiro

LIGA GALEGA XUVENIL. CD AS PONTES 1 – OLÍMPICO DE RUTIS CF 1

Partido este martes no Anexo José

Bo Empate do xuvenil pontés neste martes festivo chuvioso ante o segundo clasificado, que se adiantou xusto antes do descanso, pero viu como a falta de cinco minutos perdía o liderato cun desafortunado tanto en propia meta do seu porteiro.

Con esta igualada, o Olímpico queda a un punto do líder Caranza, e o As Pontes segue noveno con 17 puntos, antes de visitar ao Polvorín, que suma 9.

Nova cortesía Raimundo Carballo

Esta entrada foi publicada en Resto de CAtegorias C.D. As Pontes. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s