—

LIGA FERROL FEMININA CD AS PONTES 4 – CD ROSALÍA 2

Sufrida vitoria 4-2 do equipo feminino ate o Rosalía de Vilaboa.

Sufrida vitoria 4-2 do equipo feminino ante o Rosalía de Vilaboa. Pese a comezar perdendo ao pouco do inicio, un bo tanto de Paula, que xa tivera unha ocasión antes, de forte disparo ao primeiro pau, e unha cabezada de Indira tras corner poñían o 2-1 antes do chegar ao descanso.

Trala reanudación Carol transformaba un penalti tras agarrón a Paula, pero as visitantes recurtaban distancias noutro penalti, neste caso máis sibilino, que acerta Iria pero non consigue despexar. Xa co tempo cumprido o pulmón do equipo Yoli anotaba o 4-2 definitivo.

Tres valiosos puntos para afianzar a segunda praza con 11 antes de visitar ao Discalzas. Xogaron Iria, Yoli, Indira, Noelia, Paula, Carlota, Carolina e Uxía.

Nova cortesía de Xose Ferreiro

—

TERCEIRA VETERANOS CORUÑA. CD AS PONTES 3 – CARNOEDO DM SADA 0

O As Pontes afianza o liderato unha semana máis

Boa vitoria do As Pontes ante o cuarto clasificado nun encontro que xa quedou sentenciado na primeira metade cos tantos de Borja Pellón (2) e Iván Ferreiro.

O equipo pontés de veteranos suma doce vitorias por tan so dous empates, precisamente na ida ante o rival de onte, e na casa co Batallador.

O equipo azul manten un man a man pola primeira praza co Sigras, equipo ao que, con 38 puntos, aventaxa en dous, pero ten o goal average máis que gañado, 3-2 e 1-7. Equipo de Oleiros que, todo hai que dicilo, non deixou escapar un punto do terceiro para abaixo.

Con oito encontros para o remate da Liga, próxima visita derbi, o único da Liga, ante a Cultural Maniños. Na ida, 6-0.