CD As Pontes Feminino

—

LIGA GALEGA XUVENIL. CD AS PONTES 1 – RACING DE FERROL B 2

Derrota no derbi na mañá soleada de sábado no Anexo Jose

Derrota do Xuvenil pontés 1-2 na mañá soleada deste sábado no derbi ante un Racing de Ferrol B que puxo terra de por medio con dous goles consecutivos tralo descanso e pese a que os locais pouco despois recurtaron distancias por medio de Javi nun penalti no que ademais os verdes quedaban cun menos non tiveron fortuna tan sequera para lograr o empate nos 40 minutos restantes.

Boiro 20 e Racing B 16, con 10 queda o As Pontes, 8 Dumbría e 7 Conxo B. Próxima xornada descanso, seguinte visita ao Boiro, para pechar a liguiña na casa ante o Conxo B.

Nova cortesía Xose Ferreiro

—

TERCEIRA VETERANOS CORUÑA. CD AS PONTES 3 – CD SAN MARTIÑO SD 0

Partido sábado á tarde no Evaristo Puentes

Vitoria do equipo pontés 3-0 ante o San Martiño, tantos de Púas, e dous de Iván Ferreiro, fronte ao quinto clasificado, o conxunto de Cerceda.

A semana pasada foi unha xornada agridoce, o As Pontes perdía seu primeiro partido na casa do terceiro, Batallador, 1-0, mentres o Sigras gañaba 1-2 no derbi ante o Cambre, cuarto, en ambos casos nos derradeiros minutos.

Isto fixo que o Sigras (48) adiantase na clasificación ao As Pontes (47), nun caso ben curioso porque o conxunto blaugrana gañou 16 partidos e so perdeu os seis puntos de ambos enfrontamentos co As Pontes, 3-2 e 1-7, no inicio de cada volta, pero semella complicado perda algún partido de aquí ao final.

Aos azuis quedanlle a complicada visita a Cambre, Ural Español e Rodis e un único encontro na casa ante Gaiteira veteranos.