—

SEGUNDA DIVISIÓN B. O ESTEO FS 7 – CAFÉ CANDELAS O PARRULO B FS 4

Gran remontada do equipo pontés nos últimos minutos conseguindo tres valiosos puntos

Derbi este sábado as 17h, e partido moi interesante entre O Esteo e O Parrulo B, coma o Liceo-Voltregá da mesma hora, e o ambiente no pequeno Monte Caxado era de gala, como así o necesitaba o cadro pontés. Puidose ver ao ex adestrador do mítico Autos Puentes, o gran Pablo Prieto.

No tocante ao encontro gran e sufrida vitoria, como non podía ser menos, do Esteo 7-4 ante o filial parrulo. Novamente foi a remolque o cadro local ante un conxunto que está a realizar unha gran campaña, pois está sexto clasificado a un so punto do play off.

Os ferroláns puxeronse por diante dende o inicio e chegaron a estar 1-3 e 2-4, pero outra vez, coma a semana pasada co Guardo, o Esteo anotou tres tantos nos útimos tres minutos, daquela serviu para empatar 7-7, e hoxe os goles de Cokito, Jhony e un desafortunado de Alonso cabeceando cara atrás deron un triunfo vital aos de Senén.

Os locais quedan undécimos, sextos pola cola, con 20 puntos, cun colchón de cinco sobre o descenso, pero a vindeira xornada toca outra batalla, duelo directo ante o Unión Arroyo de Valladolid, antepenúltimo con 12 puntos.

O ESTEO FS. Xeito, Cokito, Héctor, Jhony, Jandro – Troncho, Eloy, Adrián, Guillán.

CAFÉ CANDELAS O PARRULO B FS. Daniel Gabeiras, Alejandro, Alonso, Miguel, Noel – Borja, Yago, Daniel, Aarón, Iván, Mathias.

GOLES. 0-1, Aarón (3´), 1-1, Jandro (4´), 1-2, Mathias (6´), 1-3, Daniel (10´), 2-3, Cokito (18´). 2-4, Caeiro (24´), 3-4, Jhony (25´), 4-4, Héctor (32´), 5-4, Cokito (37´), 6-4, Jhony (38´), 7-4, Alonso, pp (39´).

Incidencias. Amarelas a Héctor, Cokito, Adrián, Miguel, Noel. Expulsado o porteiro visitante Daniel Gabeiras con vermello directo (16´). Máis de 100 espectadores no Monte Caxado.

Nova cortesía de Xose Ferreiro

—

TERCEIRA DIVISIÓN GALEGA CORUÑA – FERROL – LUGO. GRUPO B. CB AS PONTES 69 – CB OLEIROS 59

Brillante primeira vitoria do equipo pontés

O equipo pontés de baloncesto logrou unha importante vitoria ante o cadro coruñés do CB Oleiros no encontro disputado na noite do sábado no Monte Caxado por 69-59.

Ao descasno chegabase cun axustado 31-37, e ao último cuarto con 44-48. Pero cun fulgurante 25-11 nos últimos dez minutos os locais lograron unha clara vitoria, anotando Alejandro Pardo 26 puntos.

Próxima xornada, so quedan catro, visita a La Goleta de Betanzos, cuarto clasificado.

Nova cortesía de Xose Ferreiro

—

PREFERENTE NORTE. ROVIL STUDIO LAGO DVSPORT 6 – COVIRÁN QUIROGA FS 8

Partido este domingo á noite no Monte Caxado

Primeiro partido do Lago DVSport neste 2023, en As Pontes, pois a semana pasada gañaron en Sarria 4-6 a Os Meigallos.

Non puido ser no encontro deste domingo onde o cadro pontés foi sempre a remolque todo o partido, non podendo conseguir ningún punto, a pesar dos tantos de Rober (2), Dani (2), Borja, e Santi.

Rematan a primeira volta sétimos con 24 puntos, antes de iniciar a segunda recibindo ao histórico Troula de Betanzos, segundo clasificado.

Curioso bagaxe do cadro pontés que gañou 8 partidos con 7 derrotas e ningún empate, pero é que ademais é igual de efectivo en casa como fora, con catro vitorias locais e outras catro a domicilio.

Xogaron Sergio, Borja, Diego, Adrián Bellas, Dani; Jacobo, Santi, Rober Paz.

Nova cortesía de Xose Ferreiro

—

LIGA DE VETERANOS DE AS PONTES 2022-23

Disputouse esta fin de semana a primeira xornada deste 2023

Primeira xornada deste 2023, e poucas sorpresas na Liga pontesa de Veteranos. Na zona alta o líder La Galaxia gañou 2-0 a Jeycar, mesmo resultado de A Cepa contra MMYPEM.

A goleada da xornada foi o 6-0 do Estanco Mari Carmen a Electricidad J&O, e no outro encontro da fin de semana 4-0 venceu o Bar Encanto a As Pontes 74.

Lidera La Galaxia Venus con 26 puntos, seguido de Estanco Mari Carmen con 24, e A Cepa 23, con Muebles Eume 19 pero un encontro menos.

Bar Encanto Lecar 712 ten 13, Jeycar 10, e MMYPEM 8. Na parte baixa Electricidad J&O suma 3 puntos e menos un o As Pontes 74.