—

PREFERENTE NORTE. CD AS PONTES 3 – ATLÉTICO CORUÑA MONTAÑEROS CF 1

Remontada no partido deste domingo á tarde no Poboado

Gran triunfo do As Pontes nesta tarde soleada e fría no Campo de O Poboado ante un Montañeros que se adiantaba mediada a primeira metade tras aproveitar Real na área pequena un balón que deixaba pasar o ex internacional sub17 Alex Pérez para mandalo ao fondo da rede (27´).

Incluso os herculinos deron sensación de poder chegar ao descanso con algún gol máis, pero foi nun fulgurante inicio do segundo tempo, e con Tijan de protagonista, que o dez pontés partindo dende o borde da área regateou a todo canto defensa lle saiu ao paso para acabar marcando axustado ao pau ante a saída do gardamallas visitante (48´).

Logo foi Alberto Leira que ampliou a ventaxa pouco despois cun forte disparo de falta que lle pasou por riba das mans a Moreno (52´), e outra vez era Tijan quen aproveitaba unha incorporación de Criado para libre de marca anotar de potente tiro cruzado liquidando o encontro a pesar dos minutos que quedaban por diante (55´).

Tres vitais puntos para o cadro de Mariño, sumados aos da semana pasada en Fisterra (0-1) que fai sumar 27 na sétima posición para seguir escalando postos para alonxar os catro últimos e os posibles arrastres. Próxima visita ao San Tirso, noveno con 33.

Xogaron Valentín, Criado, Esteban, Franco (Fernández 87´), Montes, Traba, Rogerio (Jaime 76´), Alberto (Jandro 70´), Jerome (Martínez 45´), Tijan, Brais (Luis 78´).

Nova cortesía de Xose Ferreiro

—

LIGA GALEGA BENXAMÍN GRUPO NORTE 1. HC AS PONTES 7 – SANTA MARÍA DEL MAR 0

Partido este domingo á mañá en A Magdalena

Contundente triunfo do Benxamín pontés ante Santa María del Mar, unha das grandes canteiras coruñesas, por 7-0, que aguantaron como gato panza arriba con apenas cinco xogadores.

Cuarta vitoria do cadro dirixido polo gran Martín Barros, tralo 2-12 ante o mesmo equipo, 3-6 ante Oleiros Atalaya, e 9-5 contra o Riazor. Cinco goles de Manuel Soto (22 en total) e dous de Sergio Balsa (18).

Xogaron Mauro, Xisco, Manuel, Alex, Olivia, Sergio, Aila, Unai e Xos. Quédalles recibir ao Oleiros Atalaya, e visitar en doble xornada ao Dominicos Rojo e Riazor.

Nova cortesía de Xose Ferreiro

—

LIGA PONTESA DE VETERANOS 2022-23

Comprímese a loita polo título entre os catro aspirantes

Tres xornadas faltan para o remate da Liga pontesa de Veteranos e ata catro equipos poden gañar o título.

Mal de alturas para La Galaxia, que tiña o campionato no peto, pero dous traspés, ante Bar Encanto a semana pasada (3-4), e hoxe ante MMYPEM (1-1) complícanlle un título que sigue estando nas súas mans.

Tamén pode dicir o mesmo A Cepa que terá que xogar contra Estanco Mari Carmen e La Galaxia e fará de xuíz da Liga.

As súas posibilidades tamén teñen o propio Estanco si tropeza La Galaxia, e o Muebles Eume, que sempre está ahí.

O dito, La Galaxia apenas puido arañar un empate, e os outros aspirantes que non fallaron, A Cepa goleou 6-1 a Electricidad J&O, Estanco Mari Carmen 5-2 ante Bar Encanto, e Muebles Eume 4-0 ante As Pontes 74.

Así as cousas, La Galaxia Venus suma 31 puntos por 30 de Estanco Mari Carmen 30. Tamén ten 30, e un partido menos, A Cepa, e ao acecho, con 27, Muebles Eume, tamén cun encontro por xogar.

Zona media para Bar Encanto Lecar-712 con 19, MMYPEM 16, e Jeycar 13. Pechan con tres puntos Electricidad J&O, e As Pontes 74 con cero. Pichichi segue sendo Iván Ferreiro con 19 goles.