—

SEGUNDA DIVISIÓN B. O ESTEO FS 5 – CD SEGOSALA 5

Partido este sábado á tarde no Monte Caxado

Non foi o encontro soñado polo Esteo o deste sábado á tarde no Monte Caxado ante o colista, pero visto o transcurso do encontro pode dar por bo o empate ante un rival directo.

Antes de nada, caprichos do calendario, o feito de facer de local na segunda volta e non na primeira impediu ver a Daniel Ibañes por As Pontes, quen xa estivera nun amistoso co Burela na Fraga en 2016, pero tiña o seu aquel poder ver a un Campión do Mundo, top 20 dos mellores da historia, no coqueto Monte Caxado, pero antes do Nadal marchou a Italia.

Como dicamos Esteo e ir a remolque este ano son sinónimos, i é que pese a que os locais se adiantaban no marcador tras un saque de banda que un defensa desvía cara á súa porta, os visitantes marcharon 2-5 ao descanso co encontro medio sentenciado.

Tirou de casta o equipo local e cun gran Jonhy poñíanse co 5-5 faltando apenas dous minutos, tempo no que os visitantes sacaron o porteiro xogador e tiveron dous goles na palma da man, e tamén Troncho, que a porta baleira mandou o balón rozando o pau.

Sen tempo para máis O Esteo rescata un punto insuficiente, pois é quinto pola cola con 22, e do sexto para arriba xa están moi distanciados, e salvo o colista Segosala con 13, Universidade Valladolid 18, Ribeira 19, e Sala Ourense 22, están moi preto e so se vai salvar un.

Trascendental encontro a vindeira semana ante un Leis de Pontevedra xa máis desafogado, sétimo con 32 puntos.

O ESTEO FS. Xeito, Cokito, Héctor, Troncho, Jandro – Guillán, Jhony, Paulo, Eloy.

CD SEGOSALA. Adrián, Álvaro, Eduardo, Javier, Pedro – David, Guillermo, Samuel, Óscar, Pablo, César.

GOLES. 1-0, César, pp (4´), 1-1, Pablo (6´), 1-2, César (7´), 1-3, Álvaro (11´), 2-3 Jhony (15´), 2-4, Pablo (17´), 2-5, Eduardo (19´). 3-5, Jhony (26´), 4-5, Guillán (28´), 5-5, Jhony (38´).

Incidencias. Amarela a Javier. Uns 50 espectadores no Monte Caxado.

Nova cortesía de Xose Ferreiro

—

PREFERENTE NORTE. ROVIL STUDIO LAGO DVSPORT 5 – CASTROVERDE FS 4

Partido este sábado á noite no Monte Caxado

Gran vitoria do equipo do Lago 5-4 no último minuto no partido disputado este sábado á noite no Monte Caxado ante o Castroverde, penúltimo.

Mellor non podían comezar as cousas pois situabanse 3-0 cun trallazo de A.Meizoso tras saque de córner, unha vaselina de Rober, e nunha xogada entre o propio A.Meizoso e o pequeniño Sergio Vázquez este último marcaba a pracer.

Pero o equipo do Lago é como unha montaña rusa, e antes do descanso igualaron os verdes 3-3. No segundo período Jacobo poñía o 4-3 e voltaban a empatar os visitantes ata que a falta dun minuto Diego Pellón situaba o 5-4 definitivo para os de Vinicius.

Son novenos con 32 puntos antes de visitar ao Concello de Friol, sexto con 35. Xogaron Kevin, Jacobo, Diego, Adrián Bellas, Dani; Pelu, Adrián Meizoso, Rober, Destaw e Sergio.

Nova cortesía de Xose Ferreiro

—

LIGA FERROL XUVENIL. CD AS PONTES 7 – SDCR NARÓN O FREIXO 3

Partido este sábado á tarde no Anexo José

Goleada do Xuvenil pontés 7-3 nun partido moi estrano no que semellaba estar finiquitado ao descanso, pero que os visitantes no segundo tempo chegaron a poñerse 4-2 e 5-3, e que ao final, con dez amarelos se elevou o marcador ata o 7-3 definitivo.

Goleada contra un gran equipo que iba catro puntos por riba dos azuis, magoa que o equipo local non ten o mesmo rendemento nos partidos de fora que nos da casa. Dous goles de Jandro López, Xoel Purriños, Anxo Blanco, e un de Xandre Fernández.

Cuartos con 53 puntos próxima visita á Cultural Maniños, colista con tres. Xogaron Mario, Adrián, Bruno, Samuel, Diego, Carlos, Xoel, Xandre, Blanco, Jandro, Antón, e despois Fraga, Rey, Mateo e Ángel.

Nova cortesía de Xose Ferreiro

—

SEGUNDA GALICIA VETERANOS. CD AS PONTES 4 – BETANZOS NORTE 1

Partido sábado á tarde no Evaristo Puentes

Vitoria rotunda aínda que sufrida dos veteranos do CD As Pontes ante o Betanzos Norte, sétimo clasificado, por 4-1.

Semellaba que encarrilaban o encontro os locais cos tantos tempraneiros de Narciso e Púas, pero mediado o segundo tempo recurtaban distancias os vermellos.

Pero dous tantos no último tramo de Iván e Borja deron os tres puntos aos locais que siguen segundos con 41 puntos con próxima xornada de descanso.

Nova cortesía de Xose Ferreiro

—

LIGA GALEGA CADETE. OS TRES MONOS LAGO DVSPORT 6 – HORMIGONES LARACHA O PARRULO B 7

Partido este domingo á noite no Monte Caxado

Derbi o vivido este domingo á noite no Monte Caxado entre o equipo Cadete do Lago e O Parrulo.

Non tiveron o seu mellor día os locais que perderon 6-7 ante o Parrulo, antepenúltimo e undécimo clasificado, pero equipo moi peleón, que salvo o 5-4 foi sempre por diante.

Goles de Sergio Vázquez (2), Hugo Cartelle, Destaw Pellón, Alejandro Díaz e Xavi Regueiro. Son quintos con 37 puntos antes de visitar ao Concello de Begonte, noveno.

Xogaron Anxo, Destaw, Hugo, Sergio, Daniel; David, Xavi, Nicolás, Alejandro e Adrián.