—

SEGUNDA DIVISIÓN B. O ESTEO FS 4 – CD JUVENTUD DEL CíRCULO CATÓLICO 1

O equipo pontés certificou a permanencia tras gañar ao equipo burgalés

O equipo pontés de fútbol sala do Esteo certificou a súa estancia unha campaña máis na Segunda División B do fútbol sala español, na que será a súa undécima campaña consecutiva desde 2013.

Marcharon ao descanso 2-0 os de Senén nos últimos minutos cun tanto de Troncho e outro desafortunado, e na segunda metade aguantaron as embestidas burgalesas, ata que con porteiro xogador marcou Troncho de vaselina, e Héctor desmarcado diante de Javier, mentres que recurtou distancias para os visitantes Pablo só dentro da área.

Coma queira que no Lugo Sala-Sala Ourense os locais tamén gañaron 4-1, os ponteses, undécimos, suman 36 puntos e cinco de marxe sobre o cuarto pola cola, o equipo ourensán, polo que faltando unha xornada na que visitarán ao Guardo xa están salvados.

Moito mérito do equipo dirixido por Senén e Fran dado que o cadro pontés si se pode considerar de servicios mínimos, nas últimas semanas con apenas seis xogadores do primeiro plantel, e hoxe eran cinco, axudados polo xuvenil Sergio Cabarcos, os que lograron o obxetivo.

O ESTEO FS. Xeito, Cokito, Héctor, Jhony, Troncho – Sergio.

CD JUVENTUD. Javier, Ismael, Javier, Oliver, Pablo – Daniel, Israel, Pablo.

GOLES. 1-0, Troncho (15´), 2-0, Ismael, propia meta (19´). 3-0, Troncho (35´), 3-1, Pablo (37´), 4-1, Héctor (39´).

Incidencias. Amarelas a Troncho e Oliver. Uns 200 espectadores no Pavillón Municipal.

Nova cortesía Xose Ferreiro

—

COPA. GRUPO A. PINTURAS GRANDAL LAGO DVSPORT 1 – SD VILLESTRO 4

Partido este venres á noite no Pavillón Municipal

O equipo do Lago feminino recibía este venres ao líder do grupo, mellor equipo da Liga, Villestro, ante o que perdeu por un claro 1-4. As visitantes avanzaronse con tantos de Aurora, Nerea, Carla e Raquel, e Paula Castro anotou o da honra para as locais.

As de Jacobo Barro suman dúas derrotas ante o equipo de Santiago, a outra 6-2, un empate en Alto do Vento 1-1, e unha vitoria ante o Cinco Coruña 3-1, quedandolle visitar ao equipo coruñés, e recibir ao de Santiago.

Xogaron Paula Baamonde, Paula Castro, Andrea, Carla, Zaira; Uxía Cupeiro, Carol, Carolina e Aitana.

Nova cortesía Xose Ferreiro

—

SEGUNDA GALICIA VETERANOS. CD AS PONTES 2 – CD SIGRAS 2

Partido este domingo á mañá no Evaristo Puentes

Empate que deixou mal sabor de boca entre os dous equipos que protagonizaron o ascenso a campaña pasada.

Os azuis poñían o encontro de cara con dous tantos ao principio e final da primeira parte a cargo de Iván Benavente e Borja Pellón.

Pero no segundo período dous tantos de Diego Martínez situaron o 2-2 definitivo, que deixa aos de Cambre novenos con 33 puntos e aos de Felipe segundos con 53.

Nunha Liga moi longa, onde a estas alturas aínda quedan sete partidos, próxima visita ao Atlético San Pedro, duodécimo con 27.

Nova cortesía de Xose Ferreiro

—

COPA PONTESA DE VETERANOS

Este sábado disputáronse os cuartos de final con algunha sorpresa

Antepenúltima rolda da Copa pontesa de Veteranos e entre os favoritos continúa Estanco Mari Carmen, que na eliminatoria da xornada venceu 1-0 ao campión de Liga A Cepa. Máis sufrido foi o triunfo do Muebles Eume de Basoa, que perdía faltando pouco tempo pero acabou gañando 2-1 a Electricidad J&O.

A gran sorpresa foi a derrota de La Galaxia Venus 3-1 ante Jeycar, e o equipo que no seu momento tivo media Liga no peto acabou desinflándose nas última semanas. No outro encontro da xornada era MMYPEM o que clasificaba a semis vencendo 4-2 ao Bar Encanto.

Na penúltima rolda Muebles Eume enfrontará a MMYPEM e Estanco Mari Carmen a Jeycar.

Nova cortesía Xose Ferreiro