CD As Pontes Feminino

—

CLUB DEPORTIVO AS PONTES: RESULTADOS DA FIN DE SEMANA: 25/26/27 – Outubro – 2013

 

3ª DIVISIÓN: SD Club Ordes – CD As Pontes (1-1)

Dous puntos se lle escaparon ó As Pontes na súa visita a Ordes, contra un rival que xogou sesenta minutos cun xogador menos e que empatou faltando 5 minutos. Na primeira metade expulsión de Mariño e disparo ó longueiro de Aitor Díaz. Faltando 20 minutos marcou Amado tras aproveitarse dun rexeite da barreira a tiro de falta de Bossa, pero a pouco do final David Rey cabeceou o empate definitivo que deixa ó As Pontes oitavo con 16 puntos. Boiro con 22 puntos, e Cerceda e Ordes con 20 comandan a táboa. Precisamente o líder e recén ascendido, Boiro, que esta tempada conduce un Red Bull, visita o xoves o Poboado (19,30) e logo hai que render visita ó Somozas o domingo 3. Dous partidos moi complicados, nos que haberá que tentar sumar.
Xogaron Kiko, Rochela, Nano, Chote (Fidi, 60), Aitor, Esmorís (Santi, 60), Iván González (Dani, 75), Bossa, Arias, Amado e Pablo Domínguez.

SEGUNDA AUTONÓMICA: CD As Pontes – Numancia de Ares (3-0)

Gran vitoria do segundo equipo ante o Numancia de Ares por 3-0. Adiantouse o equipo local mediado o primeiro tempo gracias a un penalti transformado por Adrián Vilasuso. Fixo unha boa parada Iván tras o regreso do descanso, e unha rigorosa expulsión do dianteiro visitante Javi tras protestar ó colexiado no 60, suavizou o camiño para os azuis, que sentenciaron por medio do bo dianteiro de Cerdido, Javi Álvarez, que anotou no 72 tras un tiro que desviou un defensa, e logrou un gran tanto de vaselina no 77 que se colou por riba e ante o que o porteiro ex da selección de Ferrol sub17, Carlos Arnoso, non puido facer nada. Anteriormente disparara ó longueiro no 66.
Tres importantes puntos nun partido algo bronco no que o adestrador visitante acabou expulsado por Bejarano Estepa. Xogou o As Pontes con Iván (Ángel 90), Nando, Rubén, Totti (Darío 81), Carlos, Juan (Adrián 68), Javi (Marcos Novo 83), Borja, Vicente, Vila e Samuel (Criado 75´). Polos visitantes: Carlos (Cristian 81), Álvaro (Jesús 73), Costa (Pita 53), Rubén, Dudi, Teti, Manu, Julio, Javi, Paulo (Jaime 68) e Fernando (Amenedo 70). Trala vitoria do A Capela ante o Galicia de Caranza (0-2), lideran os capeláns (13), seguidos dos de Caranza (12), As Pontes (11). Cedeira e Numancia teñen 10 puntos. Na vindeira xornada visita ó antepenúltimo, Cebarca, da Barqueira.

LIGA GALEGA XUVENIL: SD O Val – CD As Pontes (1-2)

Sensacional e balsámica vitoria do xuvenil que venceu a domicilio no derbi ante O Val por 1-2, co que se sitúa quinto pola cola con 6 puntos, empatado co Vilalbés, por detrás están Lugo B e Imperátor con 4, Betanzos con 3 e Atlético Fátima con 2, coa sorte de que a día de hoxe so habería dous descensos. Adiantáronse os locais na primeira metade e incluso estrelaron un balón no poste, pero, Marcos faltando dez minutos e Tiny na prolongación deron a primeira vitoria da temporada ós de Felipe Mieres. Precisamente, outro derbi, para o sábado no Poboado, As Pontes-Vilalbés. Os dous equipos necesitan a vitoria.

LIGA FEMININA F8: CD Cedeira – CD As Pontes (0-3)

Gaña o As Pontes Feminino e escala ata a sétima praza con 10 puntos. No encontro do sábado, na primeira metade adiantouse o As Pontes cun gol en propia meta tras xogada de Paula e a propia xogadora pontesa meteu o 2-0. Uxía tirou un balón ó longueiro. Mediado o segundo tempo acortaron as de Cariño, a dianteira queda soa e marca de tiro cruzado; incluso despois salvou unha Leti. Tres faltas perigosas botadas por Lía antecederon ó definitivo 3-1, preto do final, que volveu a marcar Paula. Complicada visita a semana que vén, contra a Cultural Maniños, que marcha quinto. Xogaron Leti, Sara, Andrea Pita, Nuria, Paula, Uxía, Nicole, Ángela, Lía, Patri Dopico, Yara, Alba e Carlota.

COPA INFANTIL: CCRD Perlío – CD As Pontes (2-4)
Importante vitoria do equipo infantil en Fene diante do Perlío (2-4), dobrete de Sergio Otero e Dani. Ferrol B cun partido máis, ten 24 puntos, Portuarios, O Val e As Pontes suman 18 puntos e San Pedro 15. Interesante partido o sábado no Poboado, As Pontes-O Val, o que gañe seguirá con opción de clasificar á final.

1ª AUTONÓMICA ALEVÍN F8 (1ª Fase)
CD As Pontes – R. Ferrol B (3-2)
Cedeira B – CD As Pontes (9-1)

O Alevín A gañou 3-2 ó R. Ferrol B, goles de Xavi, Javi e Joan, situándose segundo con 16 puntos. Volve a xogar en casa ante o San Pedro, cuarto. O Alevín B perdeu 9-1 ante o Cedeira B, tanto da honra de Jandro. Visitan ó San Pedro B o vindeiro sábado.

1ª AUTONÓMICA BENXAMÍN F8 (1ª Fase)
Eume Dep. – CD As Pontes (2-5)
CD As Pontes B – Gª Mugardos B (2-3)

Vitoria do Benxamín A por 2-5 ante o Eume (Hugo, Iker, Mario Fraga, Lois e Samuel). Sextos con 9 puntos reciben ó R. Ferrol B, que ten seis, a semana que ven. O Benxamín B perdeu 2-3 co Mugardos B, dobrete de Diego, e quintos con 9 puntos visitarán ó R. Ferrol C, que ten seis.

1ª AUTONÓMICA PREBENXAMÍN F8 (1ª Fase)
Gª Caranza – CD As Pontes (2-5)
CD As Pontes B – SD R. Neda (7-2)

O Prebenxamín A venceu por 2-5 ó Galicia de Caranza (dous goles de Anxo e Israel e un de Antón). Segundo con 15 puntos visita ó Rapido de Neda, quinto, que precisamente venceu por 0-6 ó prebenxamín B que recibirá ó líder, que suma todos os puntos posibles R. Ferrol, o sábado que vén.

AMIGABLE DE CATEGORÍA BIBERÓN
SD R. Neda – CD As Pontes (4-0)

Noutro encontro amigable de biberóns organizado pola AFACO o As Pontes caeu ante o Rápido de Neda. O cadro nedense gañou os catro cuartos, de aí o 4-0.

Nova cortesía de Xose Ferreiro e A.F.

—

LIGA DE FÚTBOL DE VETERANOS DE AS PONTES 2013/14: Farmavida e Bar Xardín comandan a clasificación

 

Farmavida, cun partido menos, e Bar Xardín (antes Santaballés) seguen firmes na cabeza da clasificación despois dos seus triunfos ante Xuntanza (3-1) e MMYPEM (3-0). As Pontes 74 e Galaxia empataron a un gol, o mesmo resultado que se deu no outro encontro entre Mobles Eume e Mesón A Cepa. O equipo mobleiro non está a pasar por un bo momento de xogo e tras adiantarse no marcador veuse sorprendido nos minutos finais polos mesoneiros, que lograron empatar o choque e levarse un merecido punto.

Comparten a primeira posición, con nove puntos, Farmavida, que xa descansou, e Bar Xardín cun partido máis. Despois están As Pontes 74 e La Galaxia, con sete puntos. A catro puntos dos líderes atópase Mobles Eume, seguido de A Cepa, con 4, Maren con 3, MMYPEM cun punto e pecha a clasificación Xuntanza, que aínda non puntuou no presente campionato de liga.

Javi, de Farmavida, que vai a dous goles por partido, lidera a clasificación dos goleadores con seis tantos, seguido de Carlos Piñón (Maren), Julio (As Pontes 74) e Lozano (Bar Xardín) con tres tanto cada un.

RESULTADOS 4ª XORNADA: 26/27 – Outubro – 2013
Farmavida – Xuntanza (3-1) Javi (2) e Juanjo / Carlos
Bar Xardín – MMYPEM (3-0) Lozano
As Pontes 74 – La Galaxia (1-1) Julio / Barcón
M. Eume – A Cepa (1-1) Cendán / Andrés
Descansou: Maren

5ª XORNADA: 2/3 – Novembro – 2013

Xuntanza – MMYPEM (Sáb. 2, 20,00h)
La Galaxia – Bar Xardín (Dom. 3, 10,00h)
Maren – Farmavida (Dom. 3, 11,00h)
A Cepa – As Pontes 74 (Dom. 3, 12,00h)
Descansa: Mobles Eume

Nova cortesía de A.F.

—